Македонец уапсен во Јагодина: Во неговиот автомобил пронајдени хероин и марихуана

Магдалена Андонова — Wed, 02 Nov 2022 14:13:53 +0000

Припадници на српскосто министерство за внатрешни работи во Јагодина приведоа македонски државјанин А.А.(41) поради сомнение дека сторил кривично дело неовластено производство и пуштање во промет на наркотични дроги. - Полицијата денеска во Параќин во автомобил „голф“ со регистерски таблички на Република Северна Македонија, управуван од страна на осомничениот, полицијата пронашла две пакетчиња со супстанца слична на хероин со вкупна тежина од 1.022 грама и една кеса со помала количина супстанца слична на марихуана, пренесуваат српските медиуми. На осомничениот му е одредена мерка притвор до 48 часа, по што со кривична пријава ќе биде изведен во надлежното обвинителство.

Детали за верижниот судир на автопатот Белград- Ниш: Најмалку 6 загинати, меѓу повредените има и деца (ФОТО)

Катерина Бојаџиева — Tue, 09 Oct 2018 09:51:41 +0000

Најмалку шест лица загинаа, а 27 се повредени денеска при верижен судир на автопатот Белград-Ниш, на потегот помеѓу градовите Ќуприја и Јагодина. Како што јави дописникот на МИА од Белград, полицијата потврди дека причината за несреќата во која учествувале над триесет возила е густата магла. При несреќата, што се случила утрово во 07.20 часот, се опожарени два камиони. Сообраќајот на автопататот е во прекин, а во двата правци се формирани километарски колони од возила. Повредените, меѓу кои има и деца, се пренесени во општите болници во Јагодина и Ќуприја. Меѓу повредените во болницата во Јагодина се и тројца странски државјани - грчки, полски и германски. Спасувачите успеале да ги извлечат од автомобилите сите лица кои биле заробени во своите возила. Според очевидците, во време на несреќата видливоста на автопатот била сведена на само десетина метри. -Се движев од правец на Ниш со нормална брзина. Имаше голема магла и ништо не се гледаше. Почнав веднаш да кочам до камионот пред мене, застанав и излегов. Автомобилите веќе почнаа да се удираат, сведочеше за РТС еден од возачите.

јагодина – Kurir.mk

Македонец уапсен во Јагодина: Во неговиот автомобил пронајдени хероин и марихуана

Детали за верижниот судир на автопатот Белград- Ниш: Најмалку 6 загинати, меѓу повредените има и деца (ФОТО)