јагуновце – Kurir.mk

Вардар се излеа во неколку населени места, поплавени куќи и ниви

Ивана Ефремовски — Sat, 17 Jun 2023 19:16:58 +0000

Реката Вардар се излеа и поплави површини во населените места Раотинце, Копанце и Туденце во Општина Јегуновце. Центарот за управување со кризи извести дека претседателот на месна заедница од село Раотинце во Општина Јегуновце пријавил, на единствениот број за итни ситуации 112 во ЦУК, излевање на Вардар, при што покрај ниви и површина се поплавени и куќи од селото (околу 15). -Водата од реката се прелеала на критичните места кај Копанце и преку месноста „Старо Вардариште“ дошла во атарот на село Раотинце. Ова е второ излевање на водата од Вардар во време од еден месец во овој предел. Инаку, нивото на водата на Вардар во моментот е до максималната кота во коритото, се вели во соопштението на ЦУК. Градоначалникот на Јегуновце, Димитар Костадиноски потврди дека излевањето на Вардар е причина за поплави, а воедно и посочи дека поплавени се ниви и во Туденце. (МИА)

МПС донираше КЛИМА УРЕД за поуспешна работа на полицијата во Јегуновце

Ивана Ефремовски — Fri, 26 Aug 2022 16:16:10 +0000

Раководството на Македонскиот полициски синдикат (МПС) обезбеди и донира еден клима уред за полицијата во Јегуновце, со цел подобрување на работните услови, објави денеска МПС. -На ден 26.08.2022 година делегација на МПС во состав: претседател на МПС д-р Марјан Кицев и генералниот секретар на МПС Зоран Кузманоски присуствуваа на работен состанок со членовите на МПС од Совет на МПС-Тетово (ПО Јегуновце) на кој е разговарано за секојдневното работење како и потребите за кои што МПС може да допринесе со цел да се подобрат условите за работа на ПО. Воедно од страна на раководството на МПС е обезбеден и дониран еден клима уред за потребите на членовите на МПС од ПО Јегуновце со цел подобрување на работните услови, објави МПС на својот официјален профил на Фејсбук.

Во подрум во училиште во тетовско Јагуновце пронајдени повеќе мини од југословенскиот период

Тале Кристо — Wed, 11 May 2022 10:19:13 +0000

На 10.05.2022 околу 11.00 часот во СВР Тетово било пријавено дека при чистење на подрумска просторија на основно училиште во с.Јегуновце, тетовско, биле пронајдени три школски противпешадиски распрскувачки мини, една школска противтенковска мина, две школски рачни бомби, 12 парчиња школски електрични детонаторски каписли и две школски мини ПМА 1А, кои потекнувале од периодот на поранешна СФР Југославија. Увид бил извршен, а од стручно лице од Дирекцијата за заштита и спасување пронајдените предмети биле подигнати за понатамошна постапка.

Намален водостојот на Вардар кај Јегуновце

Тале Кристо — Fri, 19 Nov 2021 09:53:39 +0000

За повеќе од три пати е намален водостојот на реката Вардар на мерното место кај Јегуновце, додека на другите три мерни места е речиси ист со вчерашниот, покажуваат резултатите од последните мерења направени од Управата за хидрометеоролошки работи (УХМР). Нивоата на останатите реки во земјава се скоро исти со вчерашните и кај најголем дел од нив се пониски од просекот за ноември. Понизок од просечниот е и водостојот на Охридското и Преспанското Езеро при што кај Охридското дополнително се бележи намалување за еден сантиметар во споредба со вчера. Со тоа нивото на Охридското Езеро е за 15 сантиметри пониско од повеќегодишниот просек за овој месец и е еден сантиметар над дозволениот минимум 693,10 (мнм). Преспанското Езеро, пак, е за 1,62 метра пониско од просекот и е 12 сантиметри под апсолутниот минимум 842,25 (мнм). За разлика од другите две природни езера, водостојот на Дојранското Езеро е за 2,67 метри повисок од повеќегодишниот просек за ноември.

ВМРО-ДПМНЕ ПРОГЛАСУВА ПОБЕДА ВО ЈЕГУНОВЦЕ: Кандидатот Костадиновски убедливо води во првиот круг

Дарко Андоновски — Sun, 17 Oct 2021 18:14:39 +0000

Според првичните неофицијални информации ВМРО-ДПМНЕ прогласува победа во општината Јегуновце. Таму според нашите информации убедливо води Димитар Костадиновски. ВМРО-ДПМНЕ таму ќе прогласи победа уште во првиот круг од овие седми локални избори во земјава. Наскоро многу поопширно...

Мисајловски од Јегуновце: Време е да ја создадеме новата иднина

Тале Кристо — Sat, 09 Oct 2021 13:40:43 +0000

Потпретседателот на ВМРО-ДПМНЕ Владо Мисајловски денеска е во посета на општина Јагуновце, на средби со граѓаните во рамките на предизборната кампања и предизборни активности за локалните избори кои што ќе се одржат на 17-ти октомври. -Димитар Костадиноски победува во Јегуновце! Денеска сме во Раотинце да се видиме со граѓаните и да поразговараме за новата иднина и проектите што се во нашата програма. Преубаво село со чесни и добри луѓе кој сакаат промени за подбар живот. Време е да ја создадеме новата иднина, пишува во својата објава Мисајловски.

Драстично намален Вардар кај Јегуновце

Магдалена Андонова — Wed, 28 Oct 2020 09:38:48 +0000

Нивото на повеќето реки во земјава е околу или нешто под просекот за октомври, покажуваат денешните хидролошки мерења. Драстичен пад бележи само Вардар кај Јегуновце. Според УХМР, позначителни намалувања на водостоите има и на Треска кај Македонски Брод и на Струмица кај Ново Село. Вардар, пак, кај Велес бележи речиси двојно зголемување. Состојбата со езерата, Охридското, Преспанското и Дојранското, е без поголеми промени. (МИА)

Екстремно намален водостојот на Вардар кај Јегуновце

Тале Кристо — Tue, 06 Oct 2020 09:24:24 +0000

За 66 сантиметри е понизок водостојот на Вардар на мерното место кај Јегуновце од просечниот за овој период од годината и е на 16 сантиметри под минимумот, а на останатите три мерни места реката е во рамките на просекот или благо намален, покажуваат последните мерења направени од Управата за хидрометеоролошки работи (УХМР). Четири сантиметри под минимумот е и нивото на Треска на мерното место кај Македонски Брод. Намалување на водостојот за еден сантиметар во однос на вчера има и Дојранското Езеро, а кај другите две природни езера тој е ист со вчерашниот. Сепак, нивото на Дојранското Езеро е за 2,77 метри повисоко од просекот за октомври, а кај Охридското и Преспанското Езеро водостојот е понизок од просечниот и тоа за 1,35 метри кај Преспанското, односно за 14 сантиметри кај Охридското Езеро.

Тетово и Јегуновце единствени со над 40 отсто одѕив

Дарко Андоновски — Wed, 15 Jul 2020 17:58:15 +0000

До 19:00 часот во општините Тетово и Јегуновце се надминати 40 проценти на излезност за гласање од страна на граѓаните. Во Општина Тетово од 84.454 граѓаните гласале 40,97 проценти додека во Јегуновце од 10.168 луѓе гласале 40,52 отсто запишани избирачи. И понатаму општина Желино останува со најмала излезност на граѓаните. Од 23.926 граѓани само 28,16 отсто отишле да гласаат во едно од 35-те избирачки места. Во Теарце се бележат 36,42 проценти одѕив на граѓаните, а слична излезност е евидентирана во Боговиње со 32,10 отсто и Брвеница со 35, 34 проценти.

Мисајловски од Јагуновце: Македонија и овој честит и достоинствен народ заслужува обнова

Тале Кристо — Sun, 24 Nov 2019 13:34:41 +0000

Денеска тука сме општина Јегуновце да разговараме со граѓаните, да видиме што имаат да ни кажат, продолжуваме со нашиот караван „Обнова на Македонија“ , разговараме на сите актуелни теми и добро е да се слушнат граѓаните и во што помасовен број да не искритикуваат, но и да ни дадат идеи како да продолжиме понатаму, рече во своето излагање пред насобраниот народ во Јагуновце потпретседателот на ВМРО-ДПМНЕ Владо Мисајловски. -Добро е што голем број на граѓани доаѓаат и кажуваат што да предложиме во следната програма на ВМРО-ДПМНЕ ,која треба да биде една од најдобрите програми и да допре до сите граѓани, затоа сме внимателни овој период да бидеме со народот. ВМРО-ДПМНЕ секогаш била со народот, но овој пат за кратко време ни доаѓа техничка влада, ни доаѓаат многу предизвици и затоа целото раководстсво на ВМРО-ДПМНЕ е на терен, заедно со многуте граѓани ја исцртуваме програмата. Затоа и додека сме во техничката влада, но и потоа ќе покажеме во изборната кампања дека ВМРО-ДПМНЕ ги има најдобрите кадри, а од друга страна ВМРО-ДПМНЕ е спремна за избори да ја води Република Македонија во новата влада, стакна Мисајловски. -Ние сме амбициозни луѓе и сакаме амбициозни проекти, затоа насекаде во Република Македонија се случува оваа „Обнова на Македонија“. Им благодариме на сите граѓани коишто излегуваат, коишто ни даваат поддршка, а од друга страна ни даваат позитивна енергија за да продолжиме. Сведоци сме на многу погрешни политики коишто ги води оваа власт, сведоци сме на една изјава вчера што ја спомна првиот човек којшто треба да води Република Македонија, господинот Стево Пендаровски. Наместо позитивна енергија да шири како Врховен командант, како човек што треба да обединува, ние слушаме дека сака да си замине што побрзо. Епа да си заминете, ние ви велиме да си заминете сите, и затоа ќе работиме за што побрзо на 12-ти април следната година да ве испратиме во пензија, порача потпретседателот на ВМРО-ДПМНЕ. Инаку, претходно преку Фејсбук потпреседателот на ВМРО-ДПМНЕ Владо Мисајловски информираше дека денеска караванот за „Обнова на Македонија“ е на терен во Јагуновце. Денеска бев во Јегуновце со караванот #ОбнованаМакедонија. Како и секаде во државата и тука е истата слика. Разочарување, депресија, безнадежност и очај. И тука нема ништо од дадените ветувања. Се што Јегуновце доби е зголемен процент на невработеност и затворена фабрика, пишува на Фејсбук потпреседателот на ВМРО-ДПМНЕ Владо Мисајловски. -Ова мора да се промени. Ова мора да го промениме. ВМРО-ДПМНЕ има сила, знаење, желба и капацитет да го промени ова секојдневие. Заедно со народот да донесеме просперитет и подобри услови за живот на нашите сограѓани. Ние нема да бегаме, туку ќе се соочиме со проблемите и со многу работа ќе ги решаваме, порачува Мисајловски. Ако Пендаровски Стево и владата на СДСМ сакаат да си одат доколку не се на своите удобни фотелји и функции, ние ќе останеме со народот на Македонија и со неговите маки и проблеми, затоа што оваа прекрасна држава и овој честит и достоинствен народ заслужува обнова, додава Мисајловски.