јахта – Kurir.mk

ФОТО: Станаа светски шампионки па решија да се опуштат, шпанските фудбалерки на јахта се забавуваат по освоената титула

Ристе Здравков — Thu, 24 Aug 2023 09:57:43 +0000

Женската фудбалска репрезентација на Шпанија по исцрпувачкиот Мундијал на кој станаа шампиони, замина на заслужен одмор, а нивните фотографии на јахтата брзо се проширија на интернетот. Шпанската женска фудбалска репрезентација го освои овогодинешното Светско првенство во женски фудбал, кое заврши пред неколку дена. По напорните натпревари кои ги одиграа и финалниот натпревар во кој ги победија Англичанките, убавите фудбалерки се одморија на луксузна јахта каде биле снимени од папараците. Откако се вратиле дома, девојките заминале на Ибица каде уживале на луксузната јахта, додека некои од нив скокале од бродот и пловеле на Суп даски.

ФОТО: Полскиот милијардер ја закотви суперјахтата вредна 125 милиони на Јадранот

Ивона Петрова — Tue, 22 Aug 2023 13:40:43 +0000

90-метарската суперјахта „Феникс 2“ во сопственост на полскиот милијардер Себастијан Кулчик е закотвена на Истарскиот брег на Јадранот кај Задар. Јахтата е вредна 125 милиони евра, а има сензационален овален базен со џакузи на врвот. Додека милијардерот ужива, љубопитните минувачи го искористија времето и да се фотографираат со „Феникс 2“.

ГРМИ НА 62 ГОДИНИ ВО СЕКСИ БИКИНИ – Брена уловена како се сонча на својата јахта вредна 6 милиони евра, особено на папараците не се надеваше! (ФОТО)

Дарко Андоновски — Sat, 22 Jul 2023 10:01:58 +0000

Балканската ѕвезда Лепа Брена и нејзиниот сопруг Боба Живојиновиќ летните денови ги поминуваат на својата јахта чија вредност е дури 6 милиони евра. Имено пејачката како и сите нејзини колешки има работно лето, а во слободното време ужива на својата јахта заедно со сопругот, а постојано имаат и гости кои ги честат храна и добро вино. Екипата на српски „Телеграф“ овој пат ја улови пејачката сосема сама додека уживаше на својата јахта. Брена се сончала на палубата од луксузното здание, а во еден момент таа станала и се видело дека е облечена во зебрест костим за капење, додека на главата имала шешир за да се заштити од сонцето кое особено овие денови буквално гори. ФОТО: ТЕЛЕГРАФ.РС

ВИДЕО: Уништена луксузна јахта вредна 300 милиони долари: Ја вандализирале климатски активисти на Ибица

Ристе Здравков — Tue, 18 Jul 2023 09:53:06 +0000

Активистите истакнале дека емисиите на јаглерод диоксид во целиот свет се најголеми меѓу најбогатите луѓе. Шпанските климатски активисти уништиле повеќемилионска јахта која била закотвена на Ибица во текот на викендот, покажува видеото на социјалните мрежи. Јахтата со име "Каос", вредна 300 милиони долари, наводно е во сопственост на милијардерката Ненси Лори, наследничка на „Wallmart“. Активистите од „Futuro Vegetal“, еколошка група која има за цел да се бори против климатските промени, го споделиле видеото на Твитер во неделата наутро, а на него се гледа како стојат пред јахтата и држат постер на кој пишува „Ти консумираш, другите патат“. Најмалку еден дел од надворешноста на бродот, оној најблиску до копното, е обоен со мешавина од црвена и црна боја во спреј.

No podemos seguir así, es una cuestión de vida o muerte. Escúchanos, comparte nuestro mensaje!

Actualización de las compañeras: siguen detenidas desde esta mañana y se prevee que sean trasladadas al juzgado, siendo puestas en libertad mañana a mediodía.

APÓYANOS. pic.twitter.com/Bx0IJjER06
— FuturoVegetal🍒 (@FuturoVegetal) July 16, 2023

Членовите на групата истакнале дека емисијата на јаглерод диоксид е најголема меѓу најбогатите луѓе на светот, пишува „CBS News“. „Најбогатите 1 процент од светската популација загадуваат повеќе од 50 проценти од најсиромашните. Ја осудуваат нашата иднина на болка, беда и пустош. Тие ја уништуваат нашата планета, ја загрозуваат населивоста на Земјата за да го одржат животниот стандард кој ги надминува границите на разумот“, велат активистите на снимката. Двајца климатски активисти кои се појавуваат на снимката се приведени во неделата, а од групата на Твитер напишале дека парот најверојатно ќе биде ослободен. Според „Yacht Bible“, сајт за вести од индустријата кој вели дека го следи купувањето и сопственоста на јахти на глобално ниво, јахтата „Каос“ и припаѓа на Лори, внука на соосновачот на „Wallmart“ Бад Волтон. Лори го наследила уделот во „Wallmart“ од својот татко и добила доволно акции во компанијата кога тој починал во 1995-та година за да стане милијардерка, наведува „Forbes“. Го заземала 268. место на листата на милијардери во 2023-та година, а неjзината нето вредност е проценета на околу 8,7 милијарди долари според „Forbes“. Активистите за клима, климатските научници и светските лидери веќе со години ги повикуваат богатите да ја намалат емисијата на јаглерод диоксид, бидејќи укажуваат на несразмерен придонес на гасови од богатите земји како САД и некои поединци. Обединетите нации во 2020-та година ги повикале најбогатите на светот да го намалат својот јаглероден отпечаток за околу 97 проценти за да се спречат климатските промени. Во извештајот на ОН се предупредува дека постои глобален јаз во емисијата, што значи разлика меѓу тоа каде ќе бидеме и каде треба да бидеме во климатската политика, а за тоа првенствено се одговорни богатите.

МИЛИОНСКА СУМА КОЈА ЈА НЕМА НИТУ ЦЕЦА – Лепа Брена се качи на маса со чаша вино среде јахтата која ја купи во кеш за посебен повод! (ФОТО)

Дарко Андоновски — Fri, 23 Jun 2023 18:31:04 +0000

Пејачката Лепа Брена летува со семејството на луксузната јахта што ја купи со сопругот Боба Живојиновиќ. Тие цело лето го поминуваат крстарејќи по јадранскиот брег, а Брена неодамна сподели фотографија од јахтата на која се гледа како ужива на масата со чаша вино во рака. Како што претходно пишуваа медиумите, јахтата на Живојиновиќ вреди околу шест милиони евра, а Брена во една прилика објасни за каква инвестиција станува збор. „Па, тоа е убав мал брод од околу 100 стапки, со пет, шест спални соби. Тоа не беше само подарок за нашите души. Сакавме да си дозволиме нешто бидејќи тоа беше специфична ситуација“, изјави Брена. „Не можевме да се дружиме, можевме само да пловиме. Така барем имав една година пауза и одмор за да го правам она што навистина го посакував цел живот, да пловам и да бидам на вода. Ги сакам морето и водата. Сакам бродови. Секако дека не стигнав да посетам се што сакав“, изјави Брена во претходното интервју за Курир.рс

ВИДЕО: Сите ја сакале јахтата на рускиот олигарх вредна 100 милиони долари, но никој не можел да ја има – откриени детали за „мистеријата“

Ристе Здравков — Wed, 19 Apr 2023 13:06:07 +0000

Државата Антигва и Барбуда официјално минатата седмица ја заплениле јахтата „Alfa Nero“ која повеќе од една година била закотвена на пристаништето Фалмут на јужниот дел од островот. Долго не се знаело кој е вистинскиот сопственик на јахтата. Според законите на оваа држава, на реалниот сопственик на 21 март му бил даден рок од десет дена да го покаже имотниот лист и да го отстрани бродот од територијата на Антигва и Барбуда. Поради тоа што тоа не се случило, јахтата ќе биде дадена на аукција. За неа веќе една година постои големо интересирање, но никој не можел да ја купи ниту изнајми. Како што пренесуваат локалните медиуми, имало понуди од Бугарија, Монако, Австралијка, Франција, Нов Зеланд, Алжир, Саудиска Арабија... Откриено е дека јахтата која е проценета на 100 милиони долари му припаѓа на рускиот олигарх Андреј Григориевич Гурјев и неговата ќерка Јулија Гурјева Мотлохова. Гурјев е под санкции на Америка по почетокот на војната во Украина. Се проценува дека е „тежок“ неколку милијарди долари кои ги стекнал како сопственик на фирма за производство на ѓубриво. Гурјев е познат како еден од главните финансиери во разни спортови и клубови во Русија. Бил еден од челниците на Шаховскиот сојуз на Русија, а цел живот го посветил на шахот. Многу години неговата компанија била и спонзор на меѓународните шаховски организации, па дури и добил златен медал во знак на благодарност на промоцијата и спонзорирањето на шахот како спортист.

ФОТО: Холанѓаните се релаксираа на јахта по пласманот во четвртфиналето

Дарко Андоновски — Tue, 06 Dec 2022 12:54:54 +0000

Холандскиот национален тим изнајми јахта изминатиот викенд во Катар откако се пласираше во четвртфиналето на Светското првенство. На 5 декември, холандската репрезентација изнајми јахта и имаше патување за време на паузата помеѓу натпреварите на Светското првенство 2022 година во Катар. Стручниот штаб и фудбалерите на националниот тим минаа заеднички одмор на палубата, каде играа карти, јадеа и учествуваа во водени активности. На овој начин Холанѓаните го јакнат тимскиот дух во пресрет на четвртфиналето. Во сабота, 3 декември, Холандија ги совлада САД (3:1) во осминафиналето на Мундијалот во Катар. Во натпреварот од четвртфиналето, селекцијата на Холандија ќе се сретне со Аргентина на 9 декември со почеток во 2о часот.

Сандра Африка повеќе нема да ја има јахтата каде обожуваше да се сонча по танга – кога ќе дознаете од кого и била подарок ќе се онесвестите (ФОТО)

Дарко Андоновски — Mon, 17 Oct 2022 15:02:04 +0000

Пејачката Сандра Африка ужива во својот луксуз и когаш не го криела тоа колку пари и бесни машини има на свое име. Таа е една од ретките млади пејачки која поседува и своја јахта, на која честопати папараците ја фотографираат како ужива по напорните настапи на црногорското крајбрежје во текот на летото. Таа обожува да се сонча по танга на својата јахта во друштво на пријателите, па често завршува и во медиумите поради нејзината провокативност. Неодамна таа призна дека јахтата и е од својата баба, а сега откри и што ќе се случува во иднина со неа. Имено таа се одлучила да ја продаде оваа луда машина и да додаде повеќе прари за нова уште поскапа.

Нова, луксузна суперјахта-подморница

Ивана Ефремовски — Mon, 10 Oct 2022 13:12:17 +0000

Холандскиот производител на јахти, „У-боут воркс“ го претстави дизајнот на својата суперјахта вредна 25 милиони долари. Пловилото по име „Наутилус“ би можело да плови над водата, но и да нурне под површината и да остане таму до четири дена. Пред повеќе од 150 години, романот на Жил Верн „20.000 милји под морето“ ја раскажа приказната за подморницата „Наутилус“, па за концептот на подводна суперјахта се говори со години. Сепак, благодарение на напорите и експертизата на холандската компанија, сега секој што е подготвен да плати 25 милиони долари ќе добие суперјахта-подморница, долга 37,5 метри. Според наводите, горната палуба нуди луксуз, вклучително и слатководен базен, бар, трпезариска маса и други практични работи. Но, сѐ тоа може целосно да се преклопи кога „Наутилус“ влегува во режим на подморница. Достапен е и електричен брод отпорен на притисок којшто останува надвор од јахтата и обезбедува дополнителна можност за превоз на луѓе. Внатре во јахтата има трпезарија и дневна соба со четири големи кружни прозорци, една голема и четири помали спални соби, како и кабини за шестчлениот екипаж. Кујната овозможува складирање храна. „У-боут воркс“ исполнува и поединечни желби на купувачите, кога станува збор за прилагодувањето на внатрешноста, а штом ќе се нарача, се чека до 30 месеци за испораката. За погонот се користи дизел-електричен мотор за брзина до 16 км/ч. Јахтата може да остане под вода до четири дена на длабочина од околу 200 метри.

ВИДЕО: Јахта долга 40 метри потона во Средоземното море

Магдалена Андонова — Tue, 23 Aug 2022 09:10:36 +0000

Јахта долга 40 метри потона во Средоземното Море. Овој немил настан се случил во Италија на околу 15 километри од градот Катанзаро. На социјалните мрежи кружат видеа на кои се гледа моментот кога јахтата потонува во морето. На јахтата имало девет лица, пет членови на екипажот и четворица патници. Овој брод патувал од Галиполи до Милаца кога потонал. За среќа, италијанската крајбрежна стража ги спаси сите девет лица.