јакупица – Kurir.mk

Втор хеликоптер на МВР ќе се вклучи во гаснење на пожарот на Јакупица

Ивона Петрова — Tue, 22 Aug 2023 13:47:13 +0000

Втор хеликоптер на МВР ќе се вклучи во гаснење на пожарот на планината Јакупица, информираше попладнево директорот на Центарот за управување со кризи, Стојанче Ангелов. - Пет пожарникари од ТППЕ Велес со хеликоптер на МВР се префрлени до пожарот на планината Јакупица. Поради одржување на делумна контрола врз пожарот, во гаснењето ќе се вклучи и втор хеликоптер на МВР. Благодарност до храбрите пилоти и пожарникари, вели Ангелов во пишана изјава. Претходно, од ЦУК информираа дека вчера доцна попладне е пријавен пожар над село Горно Врановци. Оттаму посочија дека станува збор за сериозен пожар на надморска височина од над 1.200 метри.

Дождот ги изгасна пожарите на Јакупица

Магдалена Андонова — Sun, 06 Nov 2022 19:04:56 +0000

Дождот кој синоќа заврна во реонот на планината Јакупица во Општина Чашка, во текот на ноќта ги изгасна двата пожари во реонот на Бегово Поле, информираа денеска за МИА од Центарот за управување со кризи од Велес. Пожарите бил на терен далеку над селото Горно Јаболчиште. Според првичните информации, во поголем дел огнот зафатил сува трева од пасиште, појаснуваат од Центарот за управување со кризи. Инаку, вчера откако биле пријавени пожарите, во нивно гаснење во текот на денот со трактор се вклучи екипа на ЈП Шумско стопанство „Бабуна“ од Велес.

Се пустоши масивот Јакупица- До кога ќе си ја уништуваме природата за некој да се богати? (ФОТО)

Дарко Андоновски — Mon, 14 Oct 2019 17:08:57 +0000

Фејсбук страната Скопје мора да дише сподели фотографии од масакрот на масивот Јакупица каде се сечат дрва со тешка механизација. - Патишка Река, Скопско. масакар! Направени патишта со тешка механизација за пустошење на масивот Јакупица. До кога ќе си ја уништуваме природата за некој да се богати?! #СкопјеМораДаДише, стои во нивниот пост на Фејсбук.