Јакутија – Kurir.mk

Во ова село измерени -61 Целзиусов степен

Ивона Петрова — Tue, 10 Jan 2023 06:58:55 +0000

Температурата на воздухот во селото Жилинда во Јакутија денеска се спушти на минус 61 Целзиусов степен, објавено е на веб-страницата на хидрометеоролошкиот оддел во таа руска република во источен Сибир. Според метеоролозите, температурата во девет области на Јакутија е минус 45 степени. Во главниот град Јакутск е минус 42 степени.

Во Јакутија повторно измерени -47 степени Целзиусови

Магдалена Андонова — Sun, 17 Jan 2021 08:36:27 +0000

Во рускиот регион Јакутија, област што се смета за најстудено место за живеење на планетата, температурата повторно достигна екстремни минус 47 степени Целзиусови, пишуваат руските медиуми. Јакутија е најголема руска автономна република според територија, а ја зазема целата територија на источен Сибир и се наоѓа во североисточниот дел на евроазискиот континент. Повеќе од 40 проценти од територијата на оваа републиката се наоѓаат зад Арктичкиот круг. Вкупната површина на арктичката област на републиката е речиси 1,6 милиона квадратни километри, што претставува околу 52 проценти од нејзината територија. (МИА)

ФОТО: Ова е најстудениот град во светот, измерени се минус 67 степени

Катерина Бојаџиева — Wed, 17 Jan 2018 09:00:53 +0000

Студен бран го зафати најстуденото место на земјата- Сибир. Во Јакутија се измерени минус 67 степени Целзиусови. Наставата во овој руски регион во североисточен Сибир, на околу 5.300 километри источно од главниот град Москва, е откажана. Инаку, учениците во Јакутија се навикнати да одат на училиште на минус 40 степени. Локалните власти соопштија дека сите домаќинства и компании во регионот имаат централно греење и пристап до резервни генератори.