Јан Чувара – Kurir.mk

Вардар го пушти Чувара да си оди

Бошко Тасиќ — Fri, 23 Jun 2023 05:01:10 +0000

Полскиот ракометен репрезентативец Јан Чувара го напушта Вардар, откако неговиот договор истече со крајот на сезоната. Пред крајот на сезоната 27-годишниот ракометар заработи тешка повреда на коленото и се очекува да паузира до крајот на годината. „Мојот договор со Вардар заврши во јуни, но клубот претходно ми понуди нов договор за новата сезона. Усно се договоривме, остана само да ги потпишеме документите, но потоа се случи несреќната повреда. Во моментов барам нов клуб, знам дека нема да ми биде лесно“, изјави Чувара.

Лоши вести за РК Вардар, Чувара го повреди коленото

Бошко Тасиќ — Mon, 17 Apr 2023 06:06:31 +0000

Голем пех доживеа Вардар денеска на гостувањето во Бутел, кое црвено-црните го добија со 30-24, откако минута пред крајот на мечот крилото Јан Чувара го повреди коленото. Одличниот полски ракометар во самата завршница од мечот при еден дуел доби удар во коленото, по што не можеше ни да стапне на нога, па соиграчите на раце го изнесоа од теренот на клупата за резерви.

Колку е сериозна повредата на коленото на Чувара ќе се знае после лекарските прегледи кои треба да бидат направени врз неговото колено.