Почина советникот на Ангела Меркел, пред две недели стана амбасадор во Кина

Ивана Ефремовски — Mon, 06 Sep 2021 07:30:35 +0000

Германскиот амбасадор во Кина, Јан Хекер почина само две недели по преземањето на функцијата, објави германското Министерство за надворешни работи. Јан Хекер (54), кој претходно беше советник на канцеларката Ангела Меркел, ја презеде функцијата во амбасадата во кинеската престолнина на 24 август. Според Ројтерс, причината за неговата смрт не е објавена. Со длабока тага и изненадување ја примивме веста за ненадејната смрт на германскиот амбасадор во Кина – се наведува во соопштението на германското министерство. Хекер во петокот во својот дом беше домаќин на настан посветен на германскиот уметник Џозеф Бојс, и, според зборовите на еден од гостите, изгледал „среќно и здраво“.

Мицкоски на средба со советникот на Ангела Меркел, Хекер

Ивона Петрова — Wed, 07 Mar 2018 08:24:35 +0000

Претседателот на ВМРО-ДПМНЕ Христијан Мицкоски, придружуван од Подпретседателот Александар Николовски и Тимчо Муцунски, оствари средба со Јан Хекер, Советник за надворешна политика на Канцеларот на СР Германија, Ангела Меркел. Од ВМРО-ДПМНЕ соопштуваат дека на средбата Мицкоски најпрво му честитал на соговорникот за формирањето на новата коалиција во Германија и нагласил дека очекува да продолжи поддршката дадена од СР Германија за евроатланската интеграција на Република Македонија, во новиот мандат на Канцеларката Меркел. -Мицкоски го информираше Хекер за политичка состојба во Македонија, посебно нагласувајќи ги политичките притисоци врз институциите и граѓаните од страна на партиите на власт. Мицкоски нагласи дека ВМРО-ДПМНЕ е политичка партија која како свои стратешки приоритети ги има евроатланските интеграции и ќе продолжи со своите капацитети да ги поддржува истите, се наведува во партиското соопштение.

Јан Хекер – Kurir.mk

Почина советникот на Ангела Меркел, пред две недели стана амбасадор во Кина

Мицкоски на средба со советникот на Ангела Меркел, Хекер