Јан Липавски – Kurir.mk

Средба Ахмети – Липавски: Уставни измени како итна потреба

Тале Кристо — Tue, 07 Feb 2023 18:04:28 +0000

Претседателот на Демократската унија за интеграција, Али Ахмети денеска остварил средба со министерот за надворешни работи на Чешката Република, Јан Липавски. Ахмети му се заблагодарил на министерот Липавски за неговата посветеност и придонесот на Чешката Република во процесот на отворање на преговорите меѓу Република Северна Македонија и Европската Унија. Како што соопштија од ДУИ, билатералните односи меѓу двете земји на средбата биле опишани како пријателски, а соработката меѓу двете земји да продолжи со цел унапредување на заедничката агенда. На средбата Ахмети и Липавски разговарале и за политичката состојба во земјата и регионот, скрининг процесот, патот кон интеграцијата во ЕУ, енергетската криза, реформите и борбата против криминалот и корупцијата. - Двајцата соговорници истакнаа дека од особено значење е процесот на уставните измени да заврши што е можно поскоро за да се елиминираат предизвиканите доцнења за земјата и нејзините граѓани, додека Липевски додаде дека забрзувањето на евроинтеграциите е во заедничка корист како за Република Северна Македонија така и за ЕУ, потврдувајќи ја чешката позиција дека Западен Балкан е важен и неделив дел од европското семејство, се наведува во соопштението од ДУИ.

Претседателот на ДУИ Ахмети нагласил дека овој процес треба да се изведе со помош на Брисел и Вашингтон, како што се спровеле и сите други прашања. Ахмети потенцирал дека земјата од овој процес ќе излезе како победник, како што излезе победник, стои во соопштението, со членството во НАТО, без никакви лоши последици за државата.

Мицкоски на средба со Липавски: ВМРО-ДПМНЕ го црпи суверенитетот исклучиво од народот и затоа се потребни предвремени избори

Ивана Ефремовски — Tue, 07 Feb 2023 15:48:26 +0000

Претседателот на ВМРО-ДПМНЕ, Христијан Мицкоски, потпретседателот на партијата Владо Мисајловски, членовите на ИК Антонио Милошоски и Марија Митева, како и меѓународниот секретар Стефан Андоновски, денеска остварија средба со висока делегација на Чешката Република предводена од Јан Липавски, министер за надворешни работи, на која присуствуваше и амбасадорот на Чешката Република во Македонија, Јарослав Лудва. На средбата се разговараше за актуелната политичка состојба во Македонија, како и прашањето за пристапување на Македонија кон Европската Унија, за кое што уште еднаш недвосмислено ги истакнавме нашите ставови и позиции за непромена на Уставот под бугарски диктат. Од страна на Мицкоски беше исто така потенцирано дека единствениот виновник за ситуацијата во која се наоѓа Македонија во моментов е владата на СДС, која ги прифати сите штетни договори и ја остави државата во чекалната на ЕУ. ВМРО-ДПМНЕ даде уверување дека како партија, но и идна влада суверенитетот го црпиме исклучиво од народот и затоа се потребни предвремени избори на кои граѓаните ќе ни ја дадат довербата за која ќе работиме чесно и посветено, за да ја видиме Македонија напредна и просперитетна, вистински на патот кон ЕУ, информираат од партијата.

Пендаровски оствари средба со Липавски

Ивона Петрова — Tue, 07 Feb 2023 13:25:03 +0000

Претседателот Стево Пендаровски денеска го прими Јан Липавски, министер за надворешни работи на Чешката Република, кој престојува во посета на Република Северна Македонија. На средбата беа разменети мислења за севкупните односи меѓу двете држави, кои се пријателски, со интензивен политички дијалог на високо ниво. Во однос на аспирациите за членство во Европската Унија, претседателот Пендаровски се заблагодари за постојаната чешка поддршка во однос на политиката на проширување и во тој контекст беа разменети мислења за текот на билатералниот скрининг со ЕУ. На средбата се разговараше за актуелните состојби во регионот на Западен Балкан, при што претседателот Пендаровски истакна дека стабилноста и безбедноста на регионот, како и неговиот демократски развој, се потпираат на европската перспектива и во таа насока посочи на потребата ЕУ да го задржи фокусот кон регионот. Претседателот Пендаровски и министерот Липавски разговараа и за состојбата во Украина, партнерскиот одговор на НАТО сојузниците, како и активностите на македонското претседателство со ОБСЕ во тој контекст.

Телефонски разговор Османи – Липавски: Чешка е подготвена за брз старт на преговорите по одобрување на европскиот предлог

Тале Кристо — Tue, 12 Jul 2022 09:47:19 +0000

Поддршката за напредокот на Северна Македонија во процесот на евроинтеграцијата беше изразена денеска во телефонскиот разговор, што министерот за надворешни работи Бујар Османи го оствари со неговиот чешки колега Јан Липавски. Османи, како што соопшти МНР, го уверил соговорникот дека членството во Европската Унија е врвен државен интерес и првенствен надворешно-политички приоритет на Северна Македонија. Соговорниците размениле мислења за потребата од брза и динамизирана реализација на европската перспектива на земјите од Западен Балкан со цел обезбедување стабилност, отпорност и развој на регионот на Западен Балкан во сегашниот несигурен геополитички контекст. Липавски ја потенцирал подготвеноста за брзо организирање на првата Меѓувладина конференција, откако Северна Македонија ќе го одобри европскиот предлог. -Двајцата соговорници ги повторија клучните аспекти од компромисниот предлог, што ја води земјава поблиску до Европската Унија, земајќи ги предвид и нашите интереси во смисла на чиста формулација на македонскиот јазик, изостанување на историските прашања во преговарачката рамка и отпочнувањето на пристапните преговори веднаш, нагласи МНР во соопштението.