Јан Облак – Kurir.mk

Тотенхем сака да го ангажира Облак на местото на Лорис

Дарко Андоновски — Thu, 29 Sep 2022 08:20:02 +0000

Премиерлигашот Тотенхем е заинтересиран за голманот на Атлетико Мадрид, Јан Облак, објави „Ивнинг Стандард“. Спарс го гледаат 29-годишниот Словенец како замена за сегашниот голман на тимот, 35-годишниот Уго Лорис. На Тотенхем му е приоритет да го купи Облак и планира да го ангажира следното лето. Претходно беше објавено дека и Манчестер јунајтед е сериозен во намерата да го донесе Облак на „Олд Трафорд“. Во сезоната 2022/23, Облак прими шест гола на шест натпревари за Атлетико и имаше два натпревара со „сува мрежа“. Договорот на словенечкиот голман со мадридскиот клуб е со важност до крајот на јуни 2028 година. „Transfermarkt.com“ ја проценува вредноста на Облак на 40 милиони евра.

Облак се надева дека ќе ја освои Лигата на шампионите

Ивана Ефремовски — Sat, 30 Jan 2021 09:58:32 +0000

Голманот на Атлетико, Јан Облак призна дека сонува да ја освои Лигата на шампионите. -Не знам дали ќе ја освојам Лигата на шампионите, но секоја сезона има шанси за тоа. Кога ќе започне сезоната, сите сме на исто ниво во групната фаза. Се надевам дека Атлетико има шанса да ја освои Лигата на шампионите. Нема ништо поубаво од освојување на овој турнир со Атлетико, изјави Облак за „Cadena SER“. Во 1/8 финалето на турнирот оваа сезона, тимот од Мадрид ќе се соочи со Челзи. Првиот натпревар е на 23-ти февруари. (МИА)

Најдобриот голман на светот има договор со Атлетико

Дарко Андоновски — Tue, 28 Jul 2020 13:35:49 +0000

Претседателот на Атлетико Мадрид, Енрике Сересо, е категоричен дека „црвено-белите“ го има најдобриот голман на светот – Јан Облак. Тој е исто така убеден дека словенечкиотголман ќе остане на „Ванда Метрополитано“. – Отсекогаш сум велел дека Облак има договор со Атлетико и е најдобриот голман на светот. Не е изненадувачки што има понуди од други големи екипи. Облак е одличен и на неговата позиција нема подобар. За мене, зборувам како аматер, тој е најдобриот голман на светот. Да, Куртоа е исто така еден од големите голмани и, за среќа, двајцата играа за нас, и со двајцата имавме успех, рече Сересо во интервју за „Марка“. Според британските медиуми, најсериозен интерес за Облак има од Челси. Сересо изрази уверување и дека Жоао Феликс ќе стане водечка фигура кај „јорганџиите“. – Не беше лесно за него затоа што беше прва сезона. Ние сме задоволни од неговиот настап. Следната сезона работите ќе се претворат од ветување во факт. Се надевам дека во преостанатите натпревари од Лигата на шампионите тој навистина ќе покаже колку е добар. Мислам дека тој е многу среќен и возбуден што натпреварите ќе се играат во Лисабон. Тој има 20 години и има светла иднина. Ние сме многу горди што тој потпиша со нас, рече Сересо,кој даде 120 милиони евра за португалската надеж.

Тренерот на Атлетико Симоне со обраќање до Јан Облак

Тале Кристо — Thu, 16 Jul 2020 09:19:56 +0000

Тренерот на Атлетико, Диего Симеоне, го изнесе својот став за интересот што Челзи го покажува за голманот на мадридскиот тим, Јан Облак. – Не сум изненаден. Секоја година, на крајот на сезоната, нашите најдобри играчи паѓаат на радарите на врвните тимови. Ова е нормално, клубовите секогаш ги бараат најдобрите играчи, а ние ги имаме многу. Логично е дека Облак привлече интерес, но се надевам дека тој ќе продолжи да игра за Атлетико, затоа што тој е важен дел од нашиот тим, изјави Симеоне. Во сезоната 2019/20, Облак бранеше на 46 натпревари за Атлетико и прими 35 голови. Порталот Transfermarkt.com ја проценува вредноста на 27-годишниот Словенец на 80 милиони евра. (МИА)

Облак: Не размислувам за „Златната топка“ и се надевам дека Атлетико ќе ја освои Лигата на шампиони

Тале Кристо — Sun, 07 Jun 2020 19:45:27 +0000

Голманот на Атлетико, Јан Облак ги сподели своите размислувања за двете вредни награди, „Златната топка“ и трофејот во Лигата на шампионите. – Никогаш не размислував за „Златната топка“. Тренирам, играм и се обидувам да напредувам. Другото зависи од тие што гласаат. Исто така, не се грижам ниту за наградата која се доделува на најдобриот голман на Ла Лига. Единствено што ме мачи е влегувањето во Лигата на шампионите следната година и да се заврши сезоната каде што сакаме, изјави Облак. Ова е необична сезона. Никој не го очекуваше ова. Драго ни е што имавме можност повторно да тренираме. Пред неколку месеци имаше сомнежи, а сега тренираме целиот тим. Фудбалот нема да биде ист без навивачите на стадионите, но важно е сезоната да ја завршиме што е можно подобро за да ги заземеме посакуваните позиции во првенството и да одиме што е можно повеќе во елитното натпреварување. Се надевам дека можеме да ја освоиме Лигата на шампионите, додаде словенечкиот репрезентативец и член на Атлетико.

Атлетико ќе го продолжи договорот со Облак и ќе го зголеми износот на откупната клаузула

Дарко Андоновски — Mon, 07 Jan 2019 16:43:37 +0000

Атлетико е близу до продолжување на договорот со голманот Јан Облак, објавија шпанските медиуми. Сегашниот договор на 26-годишниот Словенец истекува летото 2021 година. Клубот од Мадрид сака да го зголеми износот на откупната клаузула за голманот, која во моментов изнесува 100 милиони евра. Облак одигра вкупно 50 натпревари за Атлетико во 2018, прими 36 гола. Го освои трофејот во Лига Европа и свропскиот Супер куп. Во Словенија, Облак беше прогласен за најдобар фудбалер во 2018.

Атлетико Мадрид негира дека добива понуди за Облак

Ивона Петрова — Wed, 18 Jul 2018 19:46:34 +0000

Атлетико Мадрид досега не добил ниту една понуда за голманот Јан Облак, соопшти претседателот на клубот Енрике Сересо. Во шпанските медиуми пред извесно време се појавија гласини дека словенечкиот голман летово ќе го напушти Атлетико, бидејќи добива голем број понуди од клубови кои се заинтересирани да ја платат неговата откупна клаузула од 100 милиони евра. - Никој досега не ни испрати понуда за Облак. Уверени сме дека тој ќе биде значаен дел од нашиот тим во следниот период, истакна Сересо. Облак во Атлетико дојде во 2014 година, а договорот му важи до 2021 година.

Атлетико ја зголемува цената на Облак

Даниел Василев — Thu, 17 May 2018 14:45:09 +0000

Раководството на Атлетико Мадрид планира да го задржи Јан Облак, но поради се почестите гласини за негово можно заминување во Премиер лигата, шпанскиот клуб ќе ја зголеми излезната клаузула за словенечкиот голман. Според договорот, кој важи до 2021 година, Облак би можел да го напушти мадридскиот клуб доколку некој е подготвен за него да плати 100 милиони евра. - Ќе се обидеме да му ја зголемиме цената, но она што е најважно е да му веруваме. Знаеме дека сака да остане, а тоа е и наша цел, истакна извршниот директор на клубот, Мигел Анхел Марин. Облак во Атлетико дојде во 2014 година, а синоќа го освои трофејот во Лига Европа без да прими гол во финалето. - Луѓето мислат и говорат сешто. Имам договор со Атлетико и не знам што ќе се случи во иднина бидејќи нешата не зависат само од мене, наведе голманот. Атлетико во недела ќе игра против Еибар, а на мадридскиот клуб му е потребен само бода да го обезбеди второто место без разлика на резултатите на останатите натпревари. МИА