Јан Вертонген – Kurir.mk

ВРИЕ кај Белгијците – Вертонген: Не можеме гол да дадеме, имаме престари офанзивни играчи

Бошко Тасиќ — Mon, 28 Nov 2022 06:00:58 +0000

Пред некој ден Де Брујне изјави дека Белгија нема шанси за трофејот бидејќи имаат многу стар тим, слична изјава даде и Еден Азар кој посебно ги посочи стоперите.

Искусниот Јан Вертонген по мечот со Мароко даде зајадлива изјава како одговор на она што го кажаа Де Брујне и Азар.

„Не создадовме доволно шанси. Мислам дека имаме квалитет да се надеваме на подобар резултат во третото коло, но очигледно дека напаѓаме лошо затоа што имаме престари офанзивни играчи“, изјави Вертонген.

Вертонген потврди дека го напушта Тотенхем

Ивана Ефремовски — Mon, 27 Jul 2020 18:48:43 +0000

Јан Вертонген потврди дека го напушта Тотенхем по осум години во клубот. -Моето време во клубот заврши. Тажен ден од неколку причини. Ќе ми недостигаат пријателите што ги создадов овде, персоналот кој го води клубот, играњето на неверојатниот нов стадион и секако – вие, навивачите, напиша Вертонхен на својот профил на Твитер. Триесет и три годишниот играч пристигна во Тотенхем во 2012 година од Ајакс и одигра вкупно 315 натпревари за осум години. Вертонген го напушта клубот откако му истече договорот, а тој претходно посочи дека би сакал да игра во Италија или Шпанија и рече дека има „сериозни“ понуди. Клубот му посака многу успех, исто како и голманот Мајкл Ворм, чиј договор истече. Ворм оствари 48 настапи во сите натпреварувања во два мандата во клубот. (MIA)

Вертонген: Сакам да играм во амбициозен клуб

Ивана Ефремовски — Thu, 23 Apr 2020 07:15:27 +0000

Централниот дефанзивец на Тотенхем, Јан Вертонген, негираше дека одлучил да не потпише нов договор со клубот за да помине како слободен агент во Интер. – Сакам да играм во Европа и да научам поинаков јазик, рече Белгиецот пред една недела. Дефанзивецот полни 33 години во петок, а неговиот договор со „петлите“ истекува на крајот на сезоната, но изгледа дека тој нема да биде продолжен. – Сакам да потпишам со соодветен клуб. Може да биде Тотенхем или кој било друг европски тим. Мора да биде амбициозен клуб. Сакам да играм во Европа, бидејќи репрезентацијата е многу важна за мене, изјави Вертонген за „Плеј Спортс Кот“. Според информациите, Белгиецот сака да замине во тим од Италија или Шпанија. – Можеби звучи чудно, но по кризата предизвикана од коронавирусот ќе има поголем интерес за мене. Бидејќи сум слободен агент и некои клубови може да немаат многу пари, додаде тој.