Јан Весели – Kurir.mk

Јан Весели под знак прашалник за завршниот турнир во Каунас

Бошко Тасиќ — Sun, 14 May 2023 13:39:28 +0000

Кошаркарот на Барселона, Јан Весели го напушти натпреварот на каталонскиот клуб против Обрадоиро во АЦБ лигата поради повреда на грбот и е под знак прашалник за учество на Фајнл-фор турнирот, кој започнува следниот петок во Каунас. Весели на теренот мина само три минути и 21 секунда, по што го напушти теренот, а клубот излезе со соопштение во кое потврди дека Чехот заработил повреда на грбот. Засега нема официјални информации за потенцијалната пауза, но прашање е дали ќе биде подготвен до петок и натпреварот против Реал на завршниот турнир. Барселона лесно го победи Обрадоиро (94:77) на патот кон Каунас, а најдобар играч кај „блауграна“ беше Никола Миротиќ со 27 поени.

Весели се пресели во Барселона

Бошко Тасиќ — Fri, 01 Jul 2022 16:48:18 +0000

Чешкиот кошаркар Јан Весели (32) кариерата ќе ја продолжи во Барселона. Весели по осум години го напушти Фенербахче со кој во 2017 година ја освои Евролигата. Јан Весели потпиша тригодишен договор со Барселона. Минатата сезона тој имаше просек од 13,6 поени и 6,1 скока по натпревар. Весели пред Фенер играше за Денвер Нагетс и Вашингтон Визардс во НБА лигата.

Де Коло и Весели остануваат во Фенербахче

Магдалена Андонова — Tue, 07 Jul 2020 11:16:37 +0000

Нандо Де Коло и Јан Весели ќе останат во турскиот кошаркарски великан Фенербахче, објави инсајдерот Никос Варлас. Според изворот, овие двајца кошаркари нема да го напуштат турскиот тим, и покрај гласините за нивно заминување. Исто така, се известува дека иднината на уште еден лидер на Фенербахче, Костас Слукас, сè уште е под знак прашалник. Претходно се дозна дека турскиот клуб го намали буџетот. Тимот веќе го напуштија тренерот Желимир Обрадовиќ и играчот Луиџи Датоме. (MИА)