Јан Зомер – Kurir.mk

Интер потврди- Јан Зомер е нивниот нов голман

Тале Кристо — Mon, 07 Aug 2023 20:41:31 +0000

Јан Зомер потпиша перманентен договор со Интер, откако ја плати откупната клаузула од шест милиони евра. Зомер го засили Интер кој остана без прв голман откако го продаде Андре Онана на Манчестер јунајтед.

Зомер и Интер се договорија, Онана заминува во Манчестер Јунајтед

Бошко Тасиќ — Sun, 09 Jul 2023 06:43:20 +0000

Камерунскиот голман Андре Онана може полека да се пакува и во следните денови да замине во Манчестер јунајетд, зашто Интер веќе ја најде замената за него и ги договори личните услови со швајцарската „единица“ Јан Зомер од Баерн Минхен. Миланскиот гигант веќе спреми шест милиони евра за да го купи Зомер, кого Баерн го донесе како замена за Мануел Ноер, откако стандардната „единица“ скрши нога, со надеж дека Баварците ќе ја прифатат оваа понуда и брзо ќе се заврши трансферот. До реализацијата, како што објавуваат италијански новинари, прво треба да се реализира трансферот на Онана на „Олд Трафорд“, а последните најави се дека ептен близу се Јунајтед и „нераѕурите“ за трансфер од околу 55 милиони евра. Зомер со Интер договори двегодишна соработка, а покрај него „нераѕурите“ ќе го ангажираат и младиот украински голман Андреј Турбин. Онана, пак, со Јунајтед ќе потпише петгодишен договор за седум милиони евра годишно.

Зомер ги испорача ветените чоколада за Де Лихт

Ристе Здравков — Tue, 14 Mar 2023 11:56:21 +0000

Голманот на Баерн Минхен, Јан Зомер, го исполнил своето ветување дадено по победата на неговата екипа над ПСЖ и пласманот во четвртфиналето на Лигата на шампионите. Швајцарскиот голман беше пресреќен што Матијс де Лихт исфрли една топка од гол-линијата и на тој начин спречи чист гол на гостите, па му вети цел камион со швајцарски чоколада. Една недела подоцна, пратката од 700 килограми стигнала со големо комби пред тренинг центарот на Баерн Минхен, но клубот очекувано не дозволил да стигне до фудбалерите, односно Де Лихт. Најдена е солуција со тоа што чоколадата се донирани во хуманитарни организации, кои подоцна ќе ги распределат на повеќе локации.

Yann Sommer kept his promise and brought a truck with 700kg of chocolate bars from 🇨🇭 to Munich. But instead of sending it to de Ligt, the chocolate was donated to a charity in Munich.#FCB_International pic.twitter.com/WjS6pPLHQ7
— FCB Internati⭕nal (@bayern_ar) March 14, 2023

Баерн Минхен ја најде замената за Нојер

Бошко Тасиќ — Thu, 19 Jan 2023 07:27:28 +0000

Еден од најдобрите голмани во германскиот фудбал ќе биде замената за Мануел Нојер во Баерн Минхен, откако баварскиот великан конечно успеа да пронајде заеднички јазик со Борусија Менхегладбах за реализирање на зделката. На крајот Баерн ќе плати околу 10 милиони евра за Јан Зомер, швајцарскиот репрезентативен голман кој со години наназад е еден од најстандардните чувари на мрежата во Бундеслигата. Германскиот првак долго се мислеше дали да носи замена за тешко повердениот Мануел Нојер и прашањето беше дали да носи прв голман или резерва за Улрајах, но на крајот Салихамиџиќ и Кан се одлучија за она првото. Зомер доаѓа во Баерн за да биде прв голман до крајот на сезоната, а потоа самиот ќе треба да одлучи дали ќе остане во тимот за да му биде конкуренција на Нојер. Швајцарецот во моментов треба да ги мине лекарските прегледи закажани во Минхен, по што и официјално ќе стане нов член на Баерн.

Баерн Минхен, конечно, најде голман

Ристе Здравков — Wed, 18 Jan 2023 15:38:58 +0000

Швајцарскиот голман Јан Зомер, ќе биде нов член на Баерн Минхен до крајот на денешниот ден. Чуварот на мрежата на Борусија Менхенгладбах и гигантот од Минхен постигнале договор за соработка и тоа за следните 2,5 години. 34-годишниот зомер доаѓа кај „Баварците“ како замена за Мануел Нојер, кој поради скршеница на ногата, ќе паузира до крајот на сезоната. Менхенгладбах порано не го пушташе својот голман, поради тоа што Баерн сакаше само позајмица до крајот, а Менхенгладбах инсистираше на трансфер. Целиот трансфер ќе изнесува околу 10 милиони евра (8,5 милиони плус бонуси). Зомер го напушта Менхенгладбах после девет години минати во клубот. Тој дојде од Базел, а претходно играше и за Грасхоперс и за Вадуц. Инаку Јан Зомер е рекордер по бројот на одбрани на еден натпревар во Бундеслигата (18), и тоа токму против Баерн Минхен.

Швајцарецот Зомер пред трансфер во Манчестер јунајтед

Ивана Ефремовски — Mon, 05 Dec 2022 20:38:35 +0000

Швајцарскиот голман Јан Зомер е на чекор да замине од Борусија Менхенгладбах и да прејде во редовите на Манчестер јунајтед кој во него гледа замена за Давид де Хеа, објави денеска германскиот весник Билд. Швајцарскиот репрезентативец има важечки договор со бундеслигашот од Менхенгладбах до крајот на оваа сезона, што значи дека веќе во јануари може да преговара со други клубови за својата фудбалска иднина. Доколку Зомер го напушти клубот, Борусија Менхенгладбах како негов наследник го гледа Јан Олшовски и нема планови да ангажира голман од друга средина, наведува Билд. (МИА)

Проблеми за Швајцарија пред натпреварот со Србија

Ивона Петрова — Thu, 01 Dec 2022 12:13:08 +0000

Јан Зомер (голман) и Нико Елведи (одбрана), стандардните швајцарски репрезентативци, не тренирале во денеска бидејќи им се слошило, јавуваат швајцарските медиуми. Зомер, кој е долгогодишен голман на сениорскиот тим, е еден од најважните, ако не и најважниот играч во овој состав, со оглед на чудата што ги прави меѓу стативите. Како што пренесува „Блик“, Зомер и Елведи имале лоша ноќ, им се слошило и не тренирале на утринскиот тренинг на репрезентацијата. -Во моментов не се знае дали ќе бидат во тимот на вечерниот тренинг. Треба да почекаме и да видиме каква ќе биде нивната состојба, пренесува „Блик“ повикувајќи се на извори од швајцарската репрезентација. Зомер и Елведи ги одиграа сите 90 минути против Камерун и Бразил, а се едни од најважните и најсигурните фудбалери на селекторот Мурат Јакин. Натпреварот меѓу Србија и Швајцарија се игра во петок од 20 часот.