Јана Арсовска – Kurir.mk

Јана лавовски се бореше со болеста, но ја загуби битката: Четири месеци по нејзината смрт судот ја кажа болната вистина

Ивана Ефремовски — Sat, 11 Apr 2020 12:22:55 +0000

Четири месеци по смртта на охриѓанката Јана Арсовска која со години лавовски се бореше со многу агресивен и многу редок вид на рак, Вишиот управен суд донесе одлука според која Фондот за здравство требало да одобри средства за да продолжи нејзиното лекување во странство. Ова е болна вистина бидејќи се отвораат многу прашања. Сега навистина е предоцна, ја загубивме Јана. Поразителен и срамен е фактот дека највисокиот суд во Македонија за управни постапки се произнесе откако Јана повеќе не е меѓу нас. -Нашата Јана додека беше со нас беше многу храбра, исклучително силна, природно питома и полна со љубов и внимание, дури и кон институциите кои законски требаше да и го поклонат своето внимание и грижа, а не го сторија тоа. Јана ги бираше зборовите дури и кога требаше да се зборува за односот на тие институции кои законски беа обврзани да ја заштитат, а не го сторија тоа-болат зборовите на нејзините најмили, тие не смогнаа сили јавно да зборуваат, затоа што за нив Јана сеуште е жива и сеуште се борат за неа, за правдината да излезе на виделина. Се’ што им тежи на душата преточија на хартија. Денес, може да соопштиме дека погрешните, лажни и нестручни одлуки на комисиите на ФЗО ќе бидат предмет на кривична пријава до сите кои одлучуваа во нејзиниот случај и не и овозможија шанса да се бори против опасната болест. Тромавоста на одлучување на судовите и скандалозно долгото време кое им треба за да постапат во предмети во кои е загрозен живот на пациенти, и наместо за 5 дена ги решаваат за 5 месеци, веруваме дека ќе биде исто така предмет на соодветна одговорност. А одлуката на Фондот за здравствено осигурување после пресудата во наша корист на Управиот суд, кој наместо да и даде шанса на Јана реши да поднесе жалба за оваа пресуда, ќе остане пример за нечовечко постапување не само во аналите на Фондот, туку веруваме и во аналите на одговорност за ваквото постапување, за што допрва ќе имаат работа и обвинителството и судовите. Јана ништо нема да ни ја врати, но ќе бараме одговорност за вакво нешто да не се случи никому никогаш во иднина. Не смее ниту еден човек кој има законско право на заштита и право на борба за својот живот, да не добие шанса поради нестручноста, ароганцијата, дилетантството и нечовечноста на институциите на државата, стои во дописот што до АЛФА го испрати семјеството на нашата Јана, чија смрт ја потресе целата македонска јавност, оти беше многу племенита,срдечна, хумана. Во битката за живот Јана помагаше на други, дури и кога немаше за себе.

ТРАГЕДИЈА: Почина Јана Арсовска, Македонците се сплотија да помогнат, но сите ја загубивме битката

Ивана Ефремовски — Thu, 12 Dec 2019 15:15:58 +0000

Јана Арсовска не издржа. Почина храбрата охриѓанка за која се собираа средства за лекување во Барселона, Повеќе од два месеци се собраа половината од потребните за лекувањето на Јана Арсовска на клиниката во Барселона. Јана пред скоро време беше во Солун во приватна клиника која понуди опции за третирање на ретката и опасна болест кои се финансиски беа поповолни од клиниката во Барселона. Инаку спорот околу незаконското одбивање на ФЗО за лекување на Јана се уште е во Вишиот управен суд, каде дојде откако по одлуката на Управниот суд случајот на Јана да биде повторно разгледуван, Фондот за здравствено осигурување скандалозно и нечовечки се спротистави на оваа одлука и реши да поднесе жалба. Јана веќе петта година се бореше со еден премногу редок вид на канцер. Се работи за „адултна неуробластома“, детски рак кој кај возрасни е толку редок што тешко се прави и статистичка споредба, но во САД отприлика пресметале дека се јавува кај секој 1 на 12 МИЛИОНИ луѓе. После дијагнозата во Македонија во 2015 и операцијата во Скопје при која и беше отстранет левиот бубрег и надбубрежната лезија, Јана двапати се лекуваше во Флензбург, Германија (2016 и 2018), со поддршка од Фондот за здравствено осигурување. Лекарите од клиниката во Флензбург препорачаа ИТНА имунотерапија за Јана. Но, поради реткоста на болеста, во Македонија ниту најстручните лица не знаеја премногу за истата и за протоколите за лекување, па и покрај итните назнаки од Германската клиника, објаснувањето со луѓето од ФЗО околу оправданоста на барањето за поддршка поради докажаните резултати од имунотерапијата одеше со… побавно темпо. За разлика од темпото со кое ваквите болести обично дејствуваат во организмот на еден човек. РЕДАКЦИЈАТА НА КУРИР ИЗРАЗУВА ИСКРЕНО СОЧУВСТВО ДО СЕМЕЈСТВОТО НА ЈАНА! НЕКА ПОЧИВА ВО МИР!

Натпреварот меѓу РК „Охрид“ и РК „Бутел“ со хуманитарен карактер, средствата наменети за Јана

Ивона Петрова — Wed, 16 Oct 2019 08:29:22 +0000

Вечерашниот натпревар помеѓу РК „Охрид“ и РК „Бутел“ ќе има и хуманитарен карактер. Сите средства собрани од продажбата на влезниците за натпреварот ќе бидат донирани за охриѓанката Јана Арсовска. Дополнително во СРЦ „Билјанини Извори“ ќе бидат поставени и кутии за донации од охридскиот Црвен крст. Влезниците за натпреварот може да се набават на билетарницата во СРЦ „Билјанини Извори“ која ќе биде отворена од 12 часот и ќе работи до почетокот на натпреварот во 19 часот. Сите тимски и сплотени да помогнеме за ЈАНА!

Јана 4 години храбро се бори со ракот: Битката ја отежнува Фондот кој ја одби за да го продолжи лекувањето во странство

Ивана Ефремовски — Sun, 01 Sep 2019 14:56:12 +0000

Болеста значи нов живот, но трагата по него е исцрпувачка и неизвесна. Една од раните на ракот, е тагата-зборовите тешко излегуваат од грло, но лесно се преточуваат на хартија во долгите ноќи кога болката е неиздржлива,кога 33 годишната охриѓанка Јана Арсовска која 4 години боледува од редок и многу агресивен вид на рак се бори со себе си. Јана помина низ две трансплантации на матични клетки,многу хемотерапии, зрачења, но болеста сеуште не поминува. Деновиве се навршува една година од втората трансплантација, а Јана лежи веќе 8 месеци не може да стане, бидејќи има силни болни во ногата на која има изгореници од зрачењето. Тешко е да останеш позитивен-вели но јас сум жива и појака од секогаш. Лекарите од германската клиниката во Флензбург каде се лекуваше предлагаат да прима имунитерапија со антитела кои ги уништуваат малигните клетки,но тоа чини многу пари,првично околу 80.000 евра. Затоа Јана, благодарна на сите хумани луѓе и на државата што и помогна да се лекува во странство, уште еднаш се обрати до Фондот за здравство да и одобри сретства за да го продолжи лекувањето, но беше одбиена. Целата сторија за неа, погледнете ја на АЛФА

Jaна има редок тумор, но ја одбија за нега: Македонијо, те сакам, но само да оздравам и заминувам

Катерина Бојаџиева — Fri, 05 Jul 2019 13:10:52 +0000

Јана Арсовска боледува од адултен неуробластом, опасен малиген тумор, од кој заболува само еден во десет милиони. Се работи за агресивен канцер, кој после повеќе од една година повторно ѝ се вратил. По четири години борба по болници, на Јана ѝ е одбиена државна нега, додека сè уште ги очекува резултатите од биопсијата за тоа дали и по третпат ќе треба да се соочи со сè. -Многу интересна вест ме разбуди утрово, за неверување… Имав поднесено документи за нега да земам од државава на следна основа, а и ми следува: 2015 – дијагностицирана со адултен неуробластом на 29 год. детска дијагноза, опасен малиген тумор за кого нема протокол официјален за возрасни. Примени 7 опасни хемотерапии + 10 дена строга изолација за MIBG терапија што во МК не постои + трансплантација на матични клетки (исклучително тежок период, месец дена изолација). Потоа следуваат контроли, но се работи за агресивен канцер и после година дена болеста ми се врати. Следува: 4 циклуси нови хемо + радиотерапија (и денес имам нус појави, ужасен дерматит / изгореници на десната нога, лимфен едем и со месеци одам со штаки) + втора трансплантација на матични клетки. Следен чекор се предлага имунотерапија, еден циклус чини околу 80 000 евра… + месеци во Германија, далеку од дома, од најблиските + панични напади + страв + пропуштам втора сезона да не ја работам поради нус појави кои не се воопшто наивни! И така, јас како човек со две трансплантации во година дена, неспособна за работа сеуште, што чекам резултати од биопсија во страв да не биде коскената срцевина уништена од ударно зрачење, МЕ ОДБИВААТ ЗА НЕГА! Мене, што 4 години од животов ги поминувам во болници. Не се жалам за тоа, таков пат ми одредил Бог и тој ќе ми даде сила за напред. Ќе водам јас уште многу тури, но сега, во овој момент за прв пат ВИСТИНСКИ чувствувам потреба да си заминам од тука. Македонијо, моја земјо прекрасна, те сакам бескрајно, но ако даде Бог ќе те напуштам. Амбициозна сум, зборам неколку странски јазици, вредна… само да оздравам и би сакала да заминам во некоја друга земја, можеби поправедна! Барем се надевам!!! Ве сакам другарчиња, нека Бог ве чува сите, па и мене, пишува таа на Фејсбук.