јанаки митровски – Kurir.mk

ПО ДОЈАВИТЕ ЗА БОМБИ: Децата исплашени, родителите „зовриени“ почнуваат да се самоорганизираат за акција – СОНК и МОН разговарале за загубените часови

Ивона Петрова — Thu, 02 Mar 2023 10:37:33 +0000

Исплашени деца, револтирани родители, институции кои велат дека нешто прават, а всушност креваат раменици. Дојавите за бомби го парализираа образовниот процес на децата. Последиците од немирот, стравот и паниката кај децата допрва можат да го земат данокот. Рекорден број дојави за бомби се регистрирани во текот на вчерашниот ден. 120 пријави во училишта во Скопје, сите лажни утврди МВР. Дојави за бомби има и денеска. Како ќе се надоместат големиот број загубени часови се уште не е познато. Од МОН минатата недела испратиле допис за итни мерки што треба да ги преземат за непречено реализирање на воспитно-образовниот процес во безбедна и стимулирачка работна средина. Организирање на учење на далечина (онлајн-настава) е една од насоките на МОН. Подобро он-лајн настава отколку стресна евакуација е ставот на СОНК. Претседателот Јаким Неделков во изјава за Курир вели дека за целата ситуација која трае со месеци нема соломонско решение, но дециден е дека безбедноста е пред се’.

-Надлежните институции мора да изнајдат решение во однос на безбедноста. Како земја членка на НАТО мора посериозно да се залагаат нашите институции да го решат ова, но и меѓународните партнери да помогнат. Изгубените часови се на штета на учениците. Сите знаеме каков е квалитетот на он-лајн наставата, но подобро тоа отколку никаква настава. Не смееме да се замајуваме и да мислиме дека дојавите се проформа, вели Неделков за Курир.

По однос на тоа како ќе се надоместат загубените часови, Неделков вели дека имале неколку средби со МОН на кои дискутирале за тоа, но засега нема конкретна одлука по ова прашање. Родителите се се погласни дека сите граници на, како што велат, неспособноста на институциите се поминати. Трпение веќе нема, социјалните мрежи се „вжештени“, а почнуваат и првите поконретни чекори за нешто да се превземе. Адвокатот Јанаки Митровски преку социјалните мрежи вчера побара идеи од родителите за самоорганизирање со цел да се изврши притисок врз институциите. Во изјава за Курир вели дека се уште нема ништо конкретно, но идеите постојат.

-Оставени сме сами на себе, а ситуацијата со дојавите за бомби трае со месеци. Не можеме родителите постојано да излегуваме од работа. Лично сум против онлајн настава бидејќи се покажа како контрапродуктивно за образованието и социјализацијата на децата. Има од родители некои идеи за како да се самоорганизираме, но засега ништо конкретно не е одлучено, вели Митровски за Курир.

Во меѓувреме МВР вели, работат на расчистување на случаите. А расчистени беа само случаите каде малолетници, поттикнати од првичните и сеуште актуелни дојави, пријавуваа поставување на бомби.

Митровски: Спасовски и МВР немаат право да бараат притвор за Ламбе Алабаковски!

Тале Кристо — Tue, 07 Jun 2022 16:21:19 +0000

Нема никакви ингеренции како министер и ова не може никако поинаку да се перцепира, освен како дитректен политички притисок, вели адвокатот Митровски. При денешното одговарање на новинарски прашања во врска со палењето на Клубот „Ванчо Михајлов“ во Битола, внимание привлече изјавата на министерот Оливер Спасовски дека МВР бара притвор за осомничениот Ламбе Алабаковски. Имено, притвор може да бара Обвинителството, а не и Министерството за внатрешни работи. Адвокатот Јанаки Митровски за „Фокус“ појаснува дека Спасовски треба да биде километри одалечен од помислата да бара притвор. -Нема никакви ингеренции како министер и ова не може никако поинаку да се перцепира, освен како дитректен политички притисок, вели Митровски. Предметот за Алабаковски не се процесира во редовна, туку во итна постапка. Митровски објаснува дека постапката е итна кога обвинителот одлучил дека пред судија на претходна постапка ќе предложи мерки за обезбедување на присуството на Алабаковски во текот на целата постапка и тие варираат од обврска да се јавува во судот повремено до притвор. -Се користи кога обвинителот ќе процени дека осомничениот може да бега или да се крие, да ја попречува или влијае на истрагата и сведоците и да го повтори делот. Така е во книгите, праксата покажува дека во овој дел од постапката обвинителот е доминантен, вели Митровски. Извор: Фокус

Адвокатите Пешевски и Митровски се пријавија бесплатно да го бранат Ламбе Алабаковски

Дарко Андоновски — Tue, 07 Jun 2022 10:06:19 +0000

Адвокатот Драган Пешевски преку статус на Фејсбук објави дека тој и адвокатот Јанаки Митровски јавно се пријавуваат за бесплатна одбрана на пејачот Ламбе Алабаковски.

Ja и Janaki Mitrovski јавно се пријавуваме за pro bono одбрана на Ламбе!!! Нека разберат клетите фашисти!!!, стои во неговиот пост на Фејсбук.

Јанаки: Не можеме да зборуваме за некаква победа, ова е сериозен блам, рашомонијада и Боливудски тип на серија

Катерина Бојаџиева — Wed, 24 Feb 2021 20:02:28 +0000

Адвокатот Јанаки Митровски, на вечерашното издание на „Топ Тема“ на Телма телевизија во врска со актуелните случувања со бегството на Сашо Мијалков истакна дека не може да се зборува за некаква победа, туку оти ова е сериозен блам, рашомонијада и серија од Болувудски тип. -Не можеме да зборуваме за некаква победа, ова е еден сериозен блам којшто се случи ќе биде уште долго време предмет на подсмев и сметам дека требало да имаат многу поголем сенс затоа што не се политичари баш без искуство и Заев и Спасовски, за да излегуваат со вакви изјави, прогласување триумф, правда, функционирал системот, а лицето си дојде само барано по меѓународна потерница за да ни обајсни дека имал Ковид и имал температура, а во ноември беше лиферувана информација дека имаше вирус, вели адвокатот. Ова е една голема рашомонијада и Боливудски тип на серија, додава адвокатот Јанаки Митровски.

Адвокатот Митровски: Да не се дозволи во Скопје да има улица која ќе носи име на џелатот на Власите

Ивана Ефремовски — Thu, 18 Feb 2021 14:55:46 +0000

Адвокатот Јанаки Митровски испрати допис до членови на Совет на Град Скопје. Тој реагира на одлуката улица во Скопје да го носи името на Али Паша Јанински, кој тој го нарекува џелат на Власите. Неговиот допис прочитајте го во продолжение: Верувам дека сте свесни дека овие денови е актуелна темата за предлозите за преименување на повеќе улици во Градот кои очекувано предизвикуваат интерес кај нас, граѓаните кои живееме во Градот Скопје. Како граѓанин кој живее во Скопје, но и како етнички Влав, ме вознемири веста дека еден од предлозите за добивање на улица е Али Паша Јанински. Очигледно дека не сте доволно запознаени со историјата и културата на Власите во Македонија па од тие причини би сакал да верувам дека се работи за ненамерен превид. Името на Али Паша Јанински е засекогаш врежано во колективната меморија на Власите од Македонија, но и од Албанија како име кое симболизира терор, грабеж и колеж. Токму Али Паша Јанински е Отоманскиот големец кој во 1788 година го ограби и запали Москополе, културен и тргоивски Центар на Власите, колејки го или протерувајки го автохтоното Влашко население. Москополе како центар на Власите бил трговски центар и културна престолнина. Во средина на 18 век бил единствено место на Балканот кое имало печатница, вон Цариград. Неговата убавина и богатство го привлекле Али Паша кој заедно со своите банди го опустошил. Оној дел од Власите кои не биле заклани или поробени, пребегале преку планините и се населиле на територијата на денешно Крушево, чии основачи се токму Власите од Москополе. Токму затоа името на Али Паша Јанински кај Власите создава чуство на гадење и немир, па оваа предлог одлука ме вознемири мене како и верувам сите Власи кои што живеат во Република Македонија. Верувам дека сте запознаени со историскиот допринос на Власите во градење на оваа држава, за што впрочем своевремено се произнел и еден од најголемите Македонци на сите времиња, Крсте Петков Мисирков. Од тие причини, сакајки да верувам дека се работи за превид, Ве молам од свое име, но и од име на целиот Влашки народ да оваа грешка се корегира, и да не се дозволи во Градот Скопје да има улица која ќе носи име на џелатот на Власите!!!

Митровски: Каде тоа има законски основ за онлајн судење?!

Магдалена Андонова — Mon, 19 Oct 2020 17:07:54 +0000

„Дали може некој од колегиве од мојата и сродните професии( обвинители и судии) да ме подучи мене како очигледно недоволно образован каде тоа има ЗАКОНСКИ основ за онлајн судење?!“, стои во Фејсбук статусто на адвокатот Јанаки Митровски. -Еве прифаќам дека не знам, сигурно оние кои заговараат онлајн судења повеќе знаат од мене. Бујрум каде да прочитам законски основ за генијалнава идеа!, пишува тој.

Митровски: Одлуката на Катица Јанева е незаконита- постои одредена координација меѓу неа и извршната власт, а делумно и републичкото обвинителство

Катерина Бојаџиева — Sat, 07 Sep 2019 15:55:12 +0000

Не постои законски основ да редовните јавни обвинителства ги превземат предметите кои се започнати од СЈО, а тоа е така бидејќи така е детерминирано во Законот за СЈО кој што е се уште на сила, истакна адвокатот Јанаки Митровски за Алфа ТВ. Никаде, ни во Законот не е дозволено ниту предвидено дека еднаш воспоставена надлежност на СЈО може да се врати во редовните јавни обвинителства. Од тука, одлуката на Катица Јанева или полномошно како сакате наречете го, е незаконито. Според Митровски, постои одредена координација меѓу Јанева и извршната власт, делумно и републичкото обвинителство. Вели дека Јанева воопшто не била загрижена за СЈО и предметите. -Ако Јанева беше загрижена за СЈО немаше да го доведе СЈО на ова дереџе и да учествува во Рекет.

Адвокатот Митровски: Нека ве тужи Рашковски за клевети и навреди, праксата на ЕСЧП ве штити

Ивана Ефремовски — Tue, 02 Jul 2019 19:24:45 +0000

Адвокатот Јанаки Митровски, по заканите за тужби од страна на Драги Рашковски, порачува: -Нека ве тужи Рашковски за клевети и навреди до миле воље и назад. Праксата на ЕСЧП ве штити. Постојат десетици пресуди од Стразбур кои потенцираат дека не само што носителите на јавни функции мораат да бидат подложни на критичка опсервација, туку и дека нивниот праг на толеранција мора да биде многу повисок. (Макрадули против Македонија на пример најтазе). Ушите ќе ви јаде ич да не му се плашите, пишува тој.

Адвокатот Митровски до пратеникот Богоевски: Ја замајуваш јавноста, ајде на тестирање во МАНУ!

Ивана Ефремовски — Wed, 15 May 2019 21:11:41 +0000

Адвокатот и поборник за легализација на канабисот, Јанаки Митровски, го осуди пратеникот Павле Богоевски за замјување на јавноста. Митровски повтори дека маслото не се мери во грамови туку во кубици, а пола кубик не чини 2500 денари. Од овие тврдења се заклулува дека Богоевски не нарачува масло од канабис, туку друга, многу потешка дрога. -Поборник сум за легализација на канабис и декриминализација на лична употреба на наркотици. Од тука не можам да го осудам Павле. Но! И те како можам да го осудам неговиот обид да ја замајува јавноста. Масло не се мери во грамови туку во кубици, а пола кубик не е 2.500. Перфидно е да се повикува на болните и уживателите. Павле не е обичен граѓанин, пратеник е. Ако толку е загрижен за декриминализација на канабисот може и те како нешто да направи. Ете БИЛКА работи на предлог законски измени добредојден е да допринесе, напиша Митровски на Фејсбук. Откако Богоевски изјави дека се пријавил во полиција и ако барала истрагата ќе направел нарко-тест, Митровски напиша дека тој лично се нуди да му плати тестирање во лабораторија во МАНУ од влакна од косата. -Павле вика бил подготвен да му се направи тестирање. Павле бесплатен правен совет од адвокат- DONT GO THERE!! Или веќе чим така си одлучил еве јас се нудам да помогнам да си ја докажеш теоријата. Не тестови од 200 ден од Зегин или крв, урина.Еве јас ти предлагам во МАНУ лабараторијата прават тест од влакна од коса и има да ти извадат историјат каков тип млеко си пиел, а не какви наркотици си земал или не. Тоа тестирање чини 60.000,00 денари и се нудам ЈАС да го платам. Alea iacta est!!!! – напиша адвокатот.

Митровски: Артисти охрабрете се, можеби ќе изгубите еден хонорар, ама ке добиете милион фанови, за интегритет да не збориме

Матеја Петровски — Fri, 13 Jul 2018 10:32:46 +0000

Прославата која Владата ја организира оваа сабота во 15 градови низ Македонија прерасна во голем скандал. Голем број артисти велат дека биле донесени во заблуда, дека на некој начин не знаеле дека потпишуваат договор за прослава на показа за влез во НАТО. Адвокатот Јанаки Митровски, рече дека не секој артист ќе му понуди бесплатна помош за раскинување на договор. Фејсбук статус на Јанаки Митровски: -Повеќе артисти се јавија дека биле во заблуда, или на некој начин не знаеле во што се впуштаат кога потпишале договор за прослава на некаква си покана за НАТО. Заблуда, согласно законот за облигациони односи, е основ за раскинување на договор. Му нудам на секој артист pro bono правна помош доколку сака да го раскине договорот. Доколку треба артистите да плаќаат пенали поради тоа, фер е да се помогне. И тоа прво од оние што сте најгласни.Отвараме сметка и донираме пари за таа цел.Јас прв донирам. Артисти охрабрете се, можеби ке изгубите еден хонорар, ама ке добиете милион фанови, за интегритет да не збориме.