јане ченто – Kurir.mk

Семејствата на осудените за 27 април: Не бараме милост, само бараме шанса за фер судење

Ивона Петрова — Thu, 27 Apr 2023 10:10:12 +0000

Семејствата на осудените за 27ми април преку социјалните мрежи објавија писмо до граѓаните на Македонија. -Поминаа седум години, народот вели дека времето ги лечи раните, но за нас, времето не само што не ги лечи раните, туку болките стануваат се' понеиздржливи. Неиздржлива е помислата, дека тие се постари за седум години, нивните мали дечиња за седум години пораснаа и веќе се момчиња и девојки, им се родија внуци и пораснаа. Неподносливо е по седум години да слушаме како се манипулира со јавноста дека нашите најмили извршиле тероризам ама не кажуваат дека сториле рероризам без оружје, неиздржливо е да се молчи дека се осудени за кривично дело против државата и дека се прогласени за државни непријатели. Граѓаните, од прв до последен треба да знаат дека во монтираниот политички процес нашите се прогласени за државни непријатели и дека се политички затвореници. Во МАКЕДОНИЈА седум години издржуваат затвор политички затвореници. Сакаме да порачаме дека не само кај нашите најмили, не само кај нас семејствата туку и во МАКЕДОНСКОТО општество засекогаш ќе останат раните од политички монтираниот судски процес. Нашите најмили, прогласените државни непријатели и ПОЛИТИЧКИ ЗАТВОРЕНИЦИ ќе бидат живи споменици на едно историско време за Македонија. И по седум години не прифаќаме дека затворените кои се наши деца, сопрузи и татковци се НЕПРИЈАТЕЛИ НА ДРЖАВАТА, не ја прифаќаме осудата за кривично дело против државата, не прифаќаме дека е нормално во 21 век во Македонија седум години да има ПОЛИТИЧКИ ЗАТВОРЕНИЦИ. Не само ние, речиси секој обичен граѓанин не го прифаќа тоа. Тешко ни е кога сите коментари се сведуваат на погрешна терминологија тероризам, учеството во толпа и физичките напади без докази, го квалификуваа терористичко загрозување. Во Патриотизмот, Русковска и Кацарска видоа непријателска намера со ништо не докажана. Политичкото обвинение и политичката пресуда која воопшто не образложува како тоа ги утврдиле НЕПРИЈАТЕЛСКИТЕ НАМЕРИ на нашите најмили, ДОПОЛНИТЕЛНО ги продлабочува нашите рани и ја зголемува нашата болка. Но, поторуваме дека тоа не е само наша болка, тоа е рана од која ќе остане траен белег во целото општество. Зарем не се свесни за тоа и политичарите - оние кои директно и индиректно ја определија нивната и нашата судбина. Зарем не се свесни дека со ПОЛИТИЧКИ МОНТИРАНИОТ судски процес и со политичките пресуди оставија тешки и неизлечиви рани и белези и врз државата и на ОПШТЕСТВОТО во целина. Зарем се согласија, овие рани ТРАЈНО да сведочат за нивнотото владеење, за нивното поигрување со нивните и нашите судбини. Ако се прашувате како ни е? Секој ден, седум години по ред, животите на нашите најмили но и нашите животи се голгота и пекол. Како може да се прифати политичка квалификација за кривично дело против државата, како да се заборават маратонските судења кои траеа по 12-15 часа, како да се заборави дека биле затворени само за да се обезбеди мнозинство за промена на уставот и името на државата, како да се чувствуваме кога еве СЕДУМ ГОДИНИ единствено тие се по затвори иако БЕА НАЈАВУВАНИ некакви криминали за високи политичари, како да се справуваме со фактот дека од денешна дистанца САМО ТИЕ СЕ ВО ЗАТВОРИ И САМО ТИЕ БИЛЕ ПРОБЛЕМОТ во македонското општество. Овие АПСУРДИ дополнително не болат сите нас а особено нашите кои гнијат во затворите веќе 6 години. Водиме секојдневни битки, битки со самите себе, да ги издржиме апсурдите и неправдите, тоа се тешки и секојдневни битки кои траат една вечност. Секој ден смогнуваме сила да се справуваме со болките од неправдата нанесена на нашите синови, сопрузи, татковци и браќа веќе 6 години затворени. Секој ден смогнуваме сила да го прикриваме нашето страдање и болка и да покажуваме сила и храброст при секоја посета и средба за да останеме единствената нивна потпора. Господ ни ја дава силата заедно да чекориме низ голготата со надеж дека ќе изгрее сонцето на слободата и за нашите и за нас. Укинувањето на првостепената пресуда на таканаречените организатори со која беа осудени на казни затвор по 5 и 6 години затвор што е ЕДНА ТРЕТИНА во однос на ДРАКОНСКИТЕ КАЗНИ на кои беа осудени нашите најмили и враќањето на предметот на повторно судење, ни даде тронка надеж и за нашите, надеж дека и нашите ќе имат можност и право на фер судење, со враќање на предметот на повторно судење и за нив. Не бараме мислост, само бараме правда во фер, правична и непристрасна постапка. Не бараме амнестија, не бараме помилување, бараме шанса за да ја докажат својата невиност. Тоа го заслужуваат особено после аспурдите во многуте судски постапки каде бевме сведоци на политичките пазари за застарувања и укинувања на пресуди и ОСОБЕНО заради селективната амнестија само на дел од првично обвинетите за настаните од 27 април. Тоа го заслужуваат нашите најмили кои веќе по 6 години гнијат во затворите, но длабоко сме убедени дека враќањето на постапката од почеток и судењето во фер постапка е повеќе од потребно на целото општество и особено на обвинителството и судството заради целосната недоверба на граѓаните во овие институции. Недоверба поради тоа што граѓаните беа сведоци на селективна правда во мноогу случаи, беа сведоци на ослободување на криминалци кои со украдени пари од граѓаните на Македонија се спогодија и си ја купија слободата, сведоци на промени на законот за ослободување од гонење на некои што гласаа за промена на уставот, сведоци на постапки кои до денешен ден се водат или воопшто не се водата, конечно сведоци на селективната амнестија за пратениците кои ги отворија што беше докажана причина за можноста граѓаните кои протестираа да влезат во Собранието на Република Македонија. Тие кои со отварање на вратите на Собранието овозможија народот да влезе во Собранието, не само што не беа прашани ЗОШТО ги отворија вратите туку освен тоа што уживаат во слободата, уживааат и во наградите, привилегиите и тендерите што ги добиваат до денеска, само заради гласањето за промената на Уставот. Би сакале да апелираме, како семејства на неправедно осудените кои си ја сакат татковината, Врховниот суд, само темелно да го разгледа нашиот случај, да ги разгледа прекршувањето и повредите на кривичната постапка, темелно да ги разгледа доказите за тоа дали е докажано надвор од разумно сомневање дека нашите најмили имале намера да го загрозат уставниот поредок на Република Македонија. Не бараме мислост, само бараме шанса за фер судење. Со почит семејствата на неправедно осудените за 27ми Април

ЧЕНТО: За прв пат во историјата на независна Македонија, фамилија Ченто без покана од власта за манифестации

Ивана Ефремовски — Wed, 03 Aug 2022 19:12:24 +0000

За прв пат во историјата на независна Македонија ниту еден член на фамилијата на Методија Андонов Ченто не доби покана од Претседателот на Собранието, Претседателот на Владата и Претседателот на Република Македонија за да учествува во една од централните манифестации организирани од било кој од трите институции, пишува Јане Ченто во текст објавен на ДЕНЕШЕН.МК. Неговиот текст го пренесуваме во продолжение: За прв пат од кога е поставен споменикот на Ченто во центарот на Скопје ниту една од тие три институции, претседател на Влада, претседател на Собранието или претседател на Републиката, НЕ НАПРАВИ манифестација пред неговиот споменик. Мене а претпоставувам и на другите им е јасно зошто е тоа така. Во нивните говори ќе чуете дека Гоце, Јане, Кузман и Ченто се бореле за некаква си европска северна Македонија, дека се бореле за НАТО и не знам што уште не, а тие луѓе се бореле прво автономна Македонија, за слободна Македонија, за независна Македонија за Македонија во која МАКЕДОНЦИТЕ ќе имаат полна национална слобода и своја држава и ќе говорат на својот мајчин македонски јазик. Имено создавањето на македонската држава одеше вака: „ ….Со седницата заседаваше Методија Андонов-Ченто, како Претседател на Иницијативниот одбор за свикување на АСНОМ, а подоцна и на Президиумот на АСНОМ. Ченто ја започна седницата со зборовите: „Сега градиме македонска држава и ќе ја изградиме”, а потоа постави реторичко прашање: „А како ќе се вика таа држава?” и одговори: „Разбира се – Македонија. Дали некој има подруго мислење?” Сите одобруваа. За жал денес не само што некои се обидуваат да ја ретушираат историјата во Уставот на Македонија каде АСНОМ доби ист аршин со Рамковниот договор, туку се обидуваат и да ги бришат полека од сеќавање кај македонскиот народ големите Македонци кои го дале својот живот за Македонија. Денес не само што тоа го прават туку и внуците, правнуците на тие големи Македонци што имаат идеја за таква АСНОМСКА Македонија ги затвораат по затвори со долги години казна само затоа што се спротивставиле на погубните и предавнички политики. Се уништуваат фамилии кои имаат патриотски корен и кои НЕ ПОПУШТААТ пред нивните предавства. Овој пост не сакав да го пишам на нашиот голем празник Илинден од причина што сакав тој ден да им дадеме почит на нашите херои кои загинале за идејата за слободна Македонија, но затоа решив да го пишам денес за да знае македонскиот народ и историјата што прават во позадина “големите” европјеци од Македонија во кои полна им е устата со ЕВРОПА и владеење на правото, додека едно зборуваат за обединување и помирување од друга страна ги уништуват сите што се против нивните луди идеја за некаква си хибридна северна и некаква хибридна нација во која нема Македонци. Еден ден ќе изгрее сонцето на слободата. Државата ќе си ја вратиме во рацете на својот македонски народ кој плати со многу крв за да имаме сопствена македонска држава со име Република Македонија. Да живее Република Македонија!

Јане Ченто со поддршка за Ламбе Алабаковски

Тале Кристо — Tue, 07 Jun 2022 21:09:35 +0000

Ламбе го знам од кога победи на М2 кон крајот на 2004 година. Во Јануари 2005 со моите другари како средношколци држевме дискотека во Прилеп се викаше Габијано ние решивме да се вика Аристократ, денешно Калипсо и на газдите Диме и Папазо им рековме да му се јават на Димитров кој му беше менаџер за да го донесеме во Прилеп и да направиме концерт иако имаше една песна со која победи, се викаше СПАСИ МЕ. Дојде денот за концертот Ламбе дојде со Димитров и мислам дека тоа му беше прв настап откако победи на М2. Диското беше преполно, девојки најмногу, бидејќи беше најмногу популарен меѓу женската популација. Ако се сеќавам добро продадовме повеќе од 1500 карти. Дојде се запознавме за прв пат, прекрасен скромен дечко патриот. Поминавме одлично таа вечер и потоа имавме и повеќе соработка. Оваа слика што е споделена со него е во 2009 година кога организиравме хуманитарен концерт и кога му се јавивме на Ламбе прифати веднаш да учествува. Дечкото јавно ни даваше поддршка кога не затворија, од Америка се јави и ни даваше поддршка и лична и преку социјалните мрежи. Зошто му давам поддршка на Ламбе, поради двојните стандарди кои ги имаа оваа власт: – Во Тетово се запалија живи луѓе, КАЗНА НЕМА, одговорни нема. – Автобуската несреќа со многу жртви КАЗНА НЕМА. – Шарената револуција ја ЗАПАЛИ КАНЦЕЛАРИЈАТА НА ПРЕТСЕДАТЕЛОТ НА ДРЖАВАТА. КАЗНА НЕМА за инспираторите и оние кои ја запалија пола Македонија и срушија легално избрана власт. – За пучистите од 27ми април казна нема! – За терористи кои ја запалија Македонија и убиваа македонска полиција и војска, кои дигнаа во воздух со динамит живи луѓе врзани на стубовите од хотел КАЗНА НЕМА! – За Карпалак КАЗНА НЕМА! – ЗА Вејце КАЗНА НЕМА! И да не редам други случаи каде што има селективна правда а ги има многу. -НАШИОТ случај е доказ какви двојни стандарди има оваа власт и како селективно работи. Крсто и оние што го сменија името на слобода и наградени со тендери а ние по затвори со монтиран судски процес. Затоа и му давам поддршка на Ламбе, бидејќи има двојни стандарди во оваа држава, затоа што го знам лично од моите средношколски денови и знам дека се работи за човек патриот воспитан во духот да си ја сака Македонија, второ затоа што има селективна правда во оваа држава. Трето, затоа што им ги затвори устите на МНОГУ самопрогласени фејсбук “патриоти” кои само лаат а не прават ништо. Македонија имала јунаци кои покажале пркост кон неправдите што и се прават на Македонија. Ова од Ламбе е пркос и крик на Македонецот кон неправдите што и се прават на Македонија и Македонците подолго време од страна на оваа власт. – Ламбе, кажав на суд и верувај така е, ВО ВАКВА ДРЖАВА СО КОЈА РАКОВОДИ ВАКВА ВЛАСТ ЧЕСТ Е ДА СЕ БИДЕ ВО ЗАТВОР! Тоа значи дека се бориме за македонските национални интереси против оние што ја окупираа Македонија и го репресираат македонскиот народ. Затоа Македонци, не прашувајте за кого бијат камбаните. Тие бијат за вас. Време е да излезете од вашиот комфор и страв и да ја спасите Македонија. Не можат сите да нѐ затворат, пишува Јане Чентона Фејсбук.

Татко на Ченто, Спиркоски: Му нудеа да сведочи лажно за да биде ослободен, но Јане е тврдокорен Македонец и не прифаќа спогодби кога станува збор за Македонија

Катерина Бојаџиева — Wed, 27 Apr 2022 17:08:40 +0000

Му се случи истото што му се случи и на неговиот дедо, вели таткото на Јане Ченто еден од неправедно осудените во случајот за 27-ми април, Коле Спиркоски во денешното отворено студио на телевизија Алфа по повод пет години од настаните за 27ми април во македонското собрание. -Уште тогаш организираше да се сплоти македонскиот народ да живееме сите заедно, да одиме напред ако држава. Тој се бореше за тоа, а не се бореше за некој други идеали. Па се знаат идеалите на македонецот какви се, неговите гени се такви, растен е, живеел со тоа нешто, за доброто на сите граѓани на Македонија, рече тој. Спиркоски потенцираше дека Јане Ченто се соочувал со притисоци од страна на власта додека бил во притвор во затворот во Шутка, нагласувајќи дека Јане е тврдокорен Македонец и не прави никакви спогодби кога станува збор за Македонија. -Кога беше во притвор во Шутка во ќелијата каде што бил од власта лица појдени кај него, Јане ти ќе зборуваш како ние што ќе ти кажеме и ќе бидеш ослободен од обвинение. Кога слушнал Јане тој е тврдокорен и не сака такви работи, со цело срце им рекол излегувајте надвор од ќелијата не сакам да ве гледам повеќе тука, јас не сакам никој да земам на душа да кажам дека нешто направил, а јас да кажам дека сторил. Не прифатил ништо и горд сум на него, вели таткото на Јане Ченто. Ова судство сега никогаш не било вакво порано. И нема да биде бидејќи ова е дното, порача Спиркоски.

„Ако не па нека ја пуштат, ако е воопшто во притвор“

Ивана Ефремовски — Wed, 11 Sep 2019 10:24:53 +0000

„Јане Ченто претепен од ќотек, модар по телото затоа што употребил стар модел на мобилен телефон во Шутка. Катица со компјутер, со принтер со сФе. Ако не па нека ја пуштат, ако е воопшто во притвор“.

Јане Ченто претепен од ќотек, модар по телото затоа што употребил стар модел на моб. тел. Во Шутка, а Катица со компјутер, со принтер со сФе. Ако не па нека ја пуштат, ако е воопшто во притвор.
— Aleksandar Dashtevski (@dastevski) September 11, 2019

Јане Ченто со порака: Збогум Шутка- ќе се бориме да ја докажеме невиноста и ќе успееме еден ден во тоа- нема предавање МАКЕДОНЦИ! (ФОТО)

Катерина Бојаџиева — Mon, 08 Jul 2019 09:42:48 +0000

Јане Ченто преку неговата сестра испрати порака до јавноста. Тој се збогува со затворот „Шутка“ и порача дека и од Идризово ќе се бори да ја докаже својата невиност и верува дека ќе успее во тоа. -Трпението не е само способност да се чека, тоа подразбира како се однесуваме додека чекаме. Вистинската вредност на човекот не се мери во моментите на удобност и благосостојба, туку во времињата кои носат предизвици и контроверзии. Промената не е неизбежна, туку се остварува преку непрекината борба. Ние ќе се бориме да ја докажеме нашата невиност и ќе успееме еден ден во тоа иако ќе бидеме во затворот Идризово, нема предавање МАКЕДОНЦИ !!! Македонија слободна ќе биде !!! Збогум Шутка! Порака од Јане Ченто преку неговата сестра.

Јане Ченто од притвор: Мојот син ќе наполни 4 години, а скоро две не сум го видел

Предраг Кукиќ — Sun, 23 Jun 2019 09:07:07 +0000

Не дигајте фама дали ќе не носеле Идризово и дека не знам што ќе се случи во Идризово, пишува во пораката преку Фејсбук патриотот Јане Ченто, кој е притворен и првостепено осуден за настаните од 27 април. – Јас сум осуден со првостепена пресуда и јас барав да одам во затвор пред правосилност на пресуда бидејќи жалбата ја подготвувам. Скоро 20 месеци сум јас и другите во 4 ѕида по 23 часа во ќелии од 7м2….за хигиената не ми се ни зборува сите имате гледано слики како е Шутка. Како сите осудени што бараат да одат пред правосилсност во затвор и ја така побарав и не гледам причини да се дига галама околу тоа дали ќе сме оделе Идризово и кој бил таму од страна на осудени или обвинети лица, бидејќи и таму се осудени лица кои издржуваат казни пред правосилност или по правосилност така да не барам посебен третман, како за сите затвореници така и за мене. Ееднаквост, порачува Ченто. Тој потсетува за времето минато и условите во притворот: – Во Шутка изминативе скоро 20 месеци и по ќелии и на шетња сум бил со многу луѓе, македонци, албанци, роми, срби, бошњаци итн, и верувајте никој не сака проблеми од затворениците, секој си има свој проблем и си гледа како да се спаси од оваа неправда што се прави… Така што, ве замолувам сите, особено медиумите, не подгревајте тензии без причина, нема потреба од страв дали некој нас или ние на некој нешто ќе направиме, ако се случи, не дај боже нешто се случи, ни први ни последни ќе бидеме. Се разбира дека нема да провоцираме ние и се надевам нема никој нас да не провоцира бидејќи гледаме да излеземе што побрзо од затвор и што побрзо да ја победиме оваа неправда која ни ја сервираа елитите, како нас така и за многу други случаи за кои сеуште не е излезена вистината на виделина, вели Ченто. И ги појаснува: – Ако некој не знае да му кажам, во притвор малолетно дете не смее да дојде на посета, така што мојот син кој на 15 јули ќе полни 4 години (48 месеци) го немам видено 20 месеци, некој од нас и повеќе време ги немаат видено своите деца, и да ќе одам во Идризово без разлика дали има безбедносен ризик за кој се надевам надлежните ќе преземат се за да се смали тој ризик, одам за да си го видам синот, да си ја гушнам фамилијата после 20 месеци… Дали вреди да бидам под ризик за тоа, да. Борбата за Македонија продолжува било во затвор или на слобода. Бог да ве благослови сите и Бог да ја благослови Македонија. Да живее Република Македонија! Правда за сите, порачува Ченто.

Писмо од Јане Ченто: Не му замерувајте на Иванов што не го искористи неговото право да не помилува

Предраг Кукиќ — Sun, 12 May 2019 07:43:53 +0000

Ден пред да истече мандатот на претседателот во заминување Ѓорге Иванов, кој не ја искористи можноста да ги помилува осудентите за настаните од 27 април, се огласи Јане Ченто, кој порача да не му замеруваат Македонците на Иванов. „Не му замерувајте на г-динот Иванов што не го искористи неговото право за да го запре лудилото во кое се наоѓаме долго време и ние и нашата држава Република Македонија. Не ги знаеме околностите што се одвиваат зад затворени врати, дали биле притисоци, уцени и слично, не може секој да се спротистави тоа е до карактерот. Но што е тука е. Борбата продолжува. Ќе ја добиеме битката на судски пат, ќе се мачиме но не се предаваме ние бидејќи сме невини и правдата ќе стигне. За да бидете вистински Претседател на државата треба да се грижите за сите од таа функција која ја имате, тоа го прават вистинските државници. Историјата ќе суди за сите политичари па така и за г-динот Иванов дали бил добар или лош Претседател на Република Македонија. Ми беше чест и задоволство што учевствував во кампањата и 2009 и 2014 година и застанав зад него за да биде Претседател на Република Македонија, дали било исправно или погрешно ќе суди историјата како и секогаш. Јас само ќе му се заблагодарам на г-дин Иванов што постхумно му го додели највисокиот орден на државата на Методија Андонов Ченто на 22 октомври 2010 година и го одликува Ченто со „Орден на Република Македонија“ и ние како фамилија го примивме тој орден и горди сме на нашиот татко, дедо, прадедо Ченто и сме благодарни што како институција Претседател ни беше укажана таа чест и што редовно бевме поканети на сите државни манифестации кои ги организираше Претседателот. Г-дине Иванов Ви посакувам се најдобро Вас и на Вашата фамилија“, напиша Јане Ченто на Фејсбук.

Јане Ченто до заговорниците на бојкот: Од вас зависи дали на есен оваа криминална банда ќе ја пратиме во историјата!

Предраг Кукиќ — Fri, 26 Apr 2019 12:36:09 +0000

Почитувани граѓани кои го бојкотиравте првиот круг на изборите, сметам дека треба да Ви се обратам Вас бидејќи Вие имате допринос што беше излезноста само 41 отсто и убеден сум дека од Вас зависи дали Силјановска ќе биде новиот претседател и дали ќе има предвремени парламентарни избори на есен кога конечно ќе ја испратиме оваа криминална банда во историјата или ќе одлучите да го бојкотирате и вториот круг за да можат Заев и неговата криминална банда да владеат уште најмалку 2 години каде што ќе се обидат да ја зацврстат власта со сите можни средства. Знам дека бројката за бојкот е голема но доколку гласате за Силјановска таа ќе биде новиот претседател и оваа криминална власт ќе биде на колена и ќе мора да си оди. Вашиот бојкот ќе го донесе Стево за претседател а со тоа и ќе се легитимира проектот “ Северна “. Реалноста е дека во овај момент де јуре, формално правно нашата држава е Република Северна Македонија, колку и јас и вие а и 75% од граѓаните на државата не се согласуваме со тоа име, но тоа е реалноста во овој момент, а Вие што планирате да бојкотирате и втор круг, ако мислите дека со бојкот на овие избори ќе го промените името, се лажете. Нас противници ни се Заев и неговата влада кои го сменија името на сила и со трговија на пратеници, а Вие ако бојкотирате и не го дадете гласот за Силјановска ќе имате уште еден противник пред Вас а тоа ќе биде Стево Пендаровски. Од Вас зависи дали ќе го имаме за противник Заев и неговата влада и нивната погубна политика или ќе се бориме против Заев како премиер и Стево како претседател, кој патем овој двоец ќе добие апсолутна моќ од државните институции, по која тешко ќе биде да се срушат од власт. Побрзо ќе го поразиме Заев доколку е сам, а Вие доколку бојкотирате бидете убедени дека Стево Пендаровски ќе биде новиот претседател, а Заев ќе добие многу време за да ги консолидира своите редови во наредните 2 години. СДС сега се во слободен пад после катастрофалниот резултат што го имаа на 21 април и поддршката за опозицијата (тука мислам на сите опозициони партии) ќе расте и тоа треба да се искористи во овие клучни моменти за пресврт на политичката ситуација во државата. Нека не ве лажат дека Албанците ќе му ги дадат 100 отсто гласовите на Стево во втор круг бидејќи тоа е лага, и Албанците се свесни и сакаат да го срушат Заев и неговите партнери во власта, бидејќи и Албанците сакаат промени, промени на подобро од овие две минати години во ужас и лаги кои им ги сервира Заев, бидејќи ни СДС, ни останатите коалициони партнери во владата не ги исполнија ветувањата кои им ги даваа на нашите сограѓани Албанци. Ако ги бојкотирате претседателските избори на 5 мај поради името Северна тоа значи дека сите наредни избори ќе ги бојкотирате, бидејќи Заев и Стево ќе бидат на власт, а тие нема да се заложат да го послушаат гласот на народот за името, тоа бидете убедени. Кога требаше бојкот за референдумот и јас повикав на бојкот и тогаш народот успеа во својата зацртана цел, но сега Ве повикувам да размислите дека со бојкот на овие избори само ќе ги зацврстите Заев и Стево на власт, а доколку гласате за Силјановска тоа е крајот за нив и нивните политички кариери и ќе биде почеток на нова епопеја на борба за подобра иднина, за чест, достоинство, правда за Македонија и за сите нејзини граѓани. За крај да резимираме: – Гласот за Силјановска е глас за борба, за чест, достоинство и правда за Македонија и нејзините граѓани. – Бојкот и глас за Стево е глас за легитимирање на Северна и останување на Заев на власт, и нивно продолжување на газење на честа, достоинството и правдата на Македонија и нејзините граѓани. Изборот е Ваш, се надевам дека ќе ја видете оваа историска шанса да ги испратиме транзициските политичари во историјата и дека ќе гласате за бројот 2 односно за проф. Силјановска Давкова за да можеме да ја испратиме оваа криминална влада во историјата и на есен да дојде нова, чесна, достоинствена и праведна влада. Влада составена и од десни и од леви партии кои и мислат добро на државата и на граѓаните, влада од чесни Македонци, Албанци, Турци, Срби, Бошњаци, Роми и останати етнички заедници. Републиката треба да ја издигнеме од калта во која ја закопа оваа криминална банда и ќе успееме во издигањето сите сплотени. Промената започна на 21 април а на 5 мај треба да удриме печат на победата за подобра Република Македонија. Да живее Република Македонија! Јане Ченто

Јане Ченто преку својата мајка испрати писмо до јавноста- еве на што повика

Катерина Бојаџиева — Fri, 05 Apr 2019 12:32:47 +0000

Јане Ченто преку својата мајка испраќа писмо до јавноста, во кое ја повикува да ја поддржи професорката Гордана Силјановска Давкова на претседателските избори. -Драги пријатели, победата и сами знаете оти е блиску. Таа ќе стане уште поблиска и поскоро ќе биде спечалена, ако секој чесен македонски граѓанин не си ги губи деновите држејќи се настрана од оваа борба против оваа криминална власт. Секој загубен ден е продолжување на животот на оваа криминална банда, продолжување на нивните ѕверства и малтретирање на секој оној кој мисли различно од нив. Секој треба да биде свесен за оваа вистина и за одговорноста која ќе ја понесе секој пред сопствената совест и пред граѓаните на Република Македонија. Затоа ве повикувам, мои роднини, мои пријатели, сите оние кои што ме познавате, сите оние кои сакаат да си оди оваа криминална власт, тоа да го докажете во битката која претстои, а тоа се претседателските избори на кои ќе застанеме зад проф. Гордана Силјановска Давкова и уверен сум дека ќе победиме на претстојните избори и ќе ја испратиме оваа банда во историјата. На 21 април нема да гласате само за Гордана Силјановска Давкова туку ќе гласате и против ова зло предводено од Зоран Заев, запомнете го тоа. Овие избори треба да го означат почетокот на крајот на Зоран Заев и неговата криминална банда. Почитувани пријатели, истомисленици, борци против овој режим, време е да се обединиме во интерес на Република Македонија во пресрет на изборите кои следат, да се обединиме против ова зло кое владее со Македонија и да ги поразиме на овие избори, а со тоа се отвора патот да му го зададеме последниот удар на предвремените парламентарни избори на есен. Како сите народи, големи и мали, така и ние сме исправени пред дилемата да избереме еден од двата спротивставени фронта, два системи, две гледишта за нашата татковина. Во овие моменти, ние како поробен народ и држава треба да застанеме категорично на фронтот на демократијата, слободата и правдата. Тоа е долг на секој од нас кој што ја сака оваа татковина. Можеби сите имаме грешки, но сега е моментот да се сплотиме под знамето на Република Македонија, сите кои се против овој режим, Македонија не вика. Сите граѓани на Република Македонија ја видоа политиката на Зоран Заев која се состои од заткулисни зделки и одлуки кои се штетни за Република Македонија. Ова ли е правдата да ги пуштаат од притвор тие што му требаат за да обезбеди 2/3 мнозинство во Собранието, пазар кој сите го гледаме и ден денеска. Тие ли се европски вредности, со уцени за да се собира 2/3 мнозинство во Собрание? Не би рекол. Јас сум уверен дека народот нема веќе доверба во оваа банда која е на власт, бидејќи се разголија и видовме колку вредат. Видовме банда која краде, уништува, монтира судски процеси, мести тендери и носи штетни историски одлуки за Република Македонија. Ситуацијата од ден на ден се влошува, има обид да се лишат Македонците од своите историски сеќавања и ги принудуваат во објекти на принудна асимилација. Државните институции се узурпирани од банда на криминалци и мора да ги ослободиме за да имаме правна држава. Ние денес сме на крстопат, но мораме да решиме дали сме подготвени да ги браниме државните интереси и интересите на граѓаните или вечно ќе се предаваме и ќе се повлекуваме пред овие бандити. Со оваа банда која е на власт ние од ден на ден доживуваме национален дебакл и катастрофа во која тонеме се подлабоко. Погледнете насекаде околу вас и ќе видете разочарани и понижени граѓани, наведнати глави, тажни лица, слика која е одраз на тешкиот денешен живот. Имаме општ распад на системот на сите полиња. Доживеавме премиерот и министрите во Владата на СДСМ да ги преќутуваат нашите браќа и сестри во Егејска Македонија и да се плашат да кажат дека таму има луѓе што зборуваат македонски јазик и кои се изјаснуваат како Македонци. Па тоа ни во најцрните ропства не го правеле нашите поробувачи, а денес премиерот на Република Македонија го прави тоа и негира дека таму живеат Македонци кои зборуваат македонски јазик. Затоа ве повикувам сите и десни и леви и оние од центарот, да се обединиме против ова зло, да го тргнеме овој јарем кој ни го ставија, а потоа да ја градиме Република Македонија. Имам порака и до оние кои сакаат да бојкотираат а тоа е: драги пријатели, имате шанса за бојкот во вториот круг ако видите дека оваа криминална банда ги краде изборите, затоа ве повикувам и Вас, излезете во првиот круг на 21 април и не го бојкотирајте првиот круг, напротив излезете масовно и со пенкало во рака урнете ја оваа банда уште во првиот круг, нека видат дека народот не стои зад нив, и дека народот ја враќа државата во свои раце. Да се избориме за перспективна и прогресивна Република Македонија , да се потпреме на сите оние кои и мислат добро на оваа држава и имаат морална вредност, бидејќи на Македонија и треба еволуција. Никој не треба да се води од лични амбиции, туку од заемните вредности, да се обединат напорите за решавање на проблемите кои секојдневно ги демнат македонските граѓани. Моменталната слика во Собранието што ја гледаме, не е Собрание на интелектуалци и луѓе кои што и мислат добро на својата татковина, туку е толпа лакома за пари и зависна од неколку луѓе. Чест на исклучоци. Во борба против оваа банда која е на власт треба да учествуваат вистинските синови и ќерки на Република Македонија, само тие може да имаат смелост, храброст и издржливост за да победиме против ова зло. Оваа влада на чело со Зоран Заев нема праведна моќ која потекнува од македонските граѓани. Во овој момент Македонија не е Република, туку владее одвратен деспотизам и тоа мора да запре. Овие што ја туркаат Македонија да се самоукине се паразити полни со лицемерие и подла суровост. Македонските граѓани ја откријаа подлоста и лицемерието на овие паразити и ќе му се спротистави на 21 април кога ќе му даде жолт картон. Сега е моментот сите партии, здруженија, поединци да ги исполнат нивните стремежи и да започне нова ера на соработка против оваа криминална власт. Никој не треба да ги игнорира неправдите од минатото, лекциите од историјата, но сега е моментот да се сплотиме, бидејќи тоа го бара нашата таковина. Ве повикувам сите добронамерни граѓани кои ја гледаат оваа неправда што се случува во Мaкедонија да излезете на 21 април и да ја поддржите проф. Гордана Силјановска Давкова за иден претседател на Република Македонија. Со победата на проф. Силјановска ќе бидеме на еден чекор да го отфрилме ова ропство во кое не држи оваа банда. По победата на Силјановска ќе има предвремени избори на есен, а тогаш сите партии ќе покажат колку вредат и врз тоа ќе имаме нова власт во Република Македонија која ќе биде чесна, достоинствена и праведна. Од слободниот човек не може да се направи роб, затоа што слободниот човек е слободен и во затвор. Да живее Република Македонија!, стои во писмото на Јане Ченто.