јане мицевски – Kurir.mk

Мицевски: Посакувам од овој проект да има успешни биолози, хемичари, музички виртуози, научници… гордот на Македонија

Ристе Здравков — Thu, 05 Oct 2023 11:17:41 +0000

Центарот за развој на Скопски плански регион, е горд на спектарот на проекти со кои оваа година ги реализираме и покажавме дека мислиме на сите. Покрај социјално-инклузивните, инфраструктурните, еколошките проекти, од големо значење е инвестицијата во талентираните деца кои се нашата иднина и на кои треба да им обезбедиме услови за напредок и развој за да и возвратат со интелект, вештини и просперитет на нашата земја, за да ги задржиме во Македонија да не се одлеат како кадрова сила, туку да ги мотивираме да станат движечка општествена сила, која е рамо до рамо со светските таленти, напиша на Фејсбук Јане Мицевски. -Овој проект освен што е иновативен, има регионален карактер бидејќи обединува три општини, Центар, Кисела Вода и Карпош, истовремено е и инклузивен затоа што талентирани се е и децата од социјално загрозени семејства кои треба да имаат рамноправна шанса за надградба, стимул и развој на својот талент. Проектот е спроведен преку програмата за рамномерен регионален развој БРР/МЛС, а неговата реализација се одвиваше во три фази: - Изработена е проектна документација - Направена е целосна реконструкција на објектот - Набавена стока за опрема на кабинети Вкупната вредност на проектот за трите фази изнесува 5.526.318 мкд. Од кои со сопствено учество учествуваат трите општини партнери во проектот (Центар, Карпош и К.Вода) во вкупен износ од 600.000,00 мкд (по 200.000,00 мкд од општина), истакна Мицевски. Мицевски потенцираше дека опремени се кабинети по следните наставни предмети: биологија, хемија, уметност, музичко, физика со висококвалитетна опрема и канцелариски материјали. Општа цел на овој проект е подобрување на квалитетот на образованието преку поддршка на талентираните деца за да го достигнат својот потенцијал на едукативно и социјално ниво преку обезбедување релевантни и интересни предизвици засновани на способност и интерес на учениците. Посакуваме успешни генерации на идни врвни биолози, хемичари, музички виртуози, научници, да бидат гордост на Република Македонија, додава Мицевски.

Мицевски: Дечињата што го победија канцерот денес добија центар за рехабилитација и ресоцијализација

Тале Кристо — Mon, 04 Sep 2023 14:42:34 +0000

„Центарот за развој на скопскиот плански регион денеска го имплементира проектот „Приказната продолжува“. Проектот „Приказната продолжува“ е финансиран проект од швајцарската Агенција за развој, министерството за локална самоуправа на Република Македонија, како и Општина Ѓорче Петров“, истакна Јане Мицевски. Мицевски додаде дека ова е прв ваков објект во Република Македонија и вклучува можност за ресоцијализација на дечиња кои ја победиле битката со канцер. „Објектот е избран да биде токму на оваа локација во село Кучково, општина Ѓорче Петров од причина што се наоѓа во здрава животна средина, во висина од над 600 метри. И ги задоволува потребите за ваков тип на рехабилитација и ресоцијализација на дечиња што го победиле канцерот“, рече Мицевски. Тој нагласи дека проектот вклучува целосна адаптација на просториите на ова поранешно училиште, негово комплетно уредување како внатре така и поранешниот училишен двор. „Сакам да искажам благодарност до сите оние кои што се вклучени во проектот, сите вработени во Центарот на скопскиот плански регион, како и до швајцарската Агенција за развој која секогаш гледа можност да помогне кога реализираме проекти како од регионален така и од национален карактер“, појасни Мицевски.

Мицевски: Центарот за развој на Скопски плански регион учествува во изградба на нова детска градинка во општина Петровец со околу 10 милиони денари

Ивона Петрова — Thu, 27 Jul 2023 11:08:13 +0000

Ние како Центар за развој на Скопски плански регион особено сме горди кога реализраме еден ваков тип на проект. Имено се работи за изградба на детска градинка, која ќе биде клон на постоечката детска градинка „Авионче“ во општина Петровец. Оваа детска градинка ќе ги задоволува потребите за населението од општина Петровец, изјави Јане Мицевски, директор на Центар за развој на Скопски плански регион на денешното поставување камен темелник за нова градинка во општина Петровец. Мицевски потенцираше дека во склоп на оваа детската градинка ќе има и сензорна соба која ќе биде наменета за дечиња со посебни потреби, дечиња со аутизам, деца со Даунов синдром. -Финасиската поддршка обезбена преку Бирото за регионален развој, Скопскиот плански регион, она што треба да го напоменам е дека во склоп на детската градинка ќе има и сензорна соба која ќе биде наменета за дечиња со посебни потреби, дечиња со аутизам, деца со Даунов синдром, истакна тој. Мицевски заклучи дека вкупната вредност на оваа фаза од проектот изнесува околу 10 милиони денари. -Вкупната вредност на оваа фаза од проектот изнесува околу 10 милиони денари, рече Мицевски.

Мицевски: Итна седница на Скопскиот плански регион за проблемот со комуналната хигиена

Ивана Ефремовски — Sun, 09 Jul 2023 19:45:13 +0000

Поради новонастанатата ситуација со проблемот во ЈП Комунална хигиена во рамки на градот Скопје, утре (10.07) со почеток од 10 часот во зградата на Општина Аеродром ќе се одржи итна седница на Скопскиот плански регион на која се поканети сите градоначалници кои го сочинуваат Скопскиот плански регион. -На состанокот ќе биде разгледан проблемот кој е поврзан со Комуналната хигиена и одлагањето на отпадот на територија на Градот Скопје, информира Јане Мицевски, директор на Центарот за развој на Скопски плански регион.

Мицевски: Досегашната пракса за плаќање кон надворешни компании станува минато, со пуштањето во употреба на 4 нови градежни машини претпријатието „Дрисла“ станува независно

Магдалена Андонова — Thu, 10 Mar 2022 17:23:09 +0000

Досегашната пракса во ЈП Депонија „Дрисла“ за изнајмување градежни машини од надворешни компании од денес прекинува, истакна директорот на јавното претпријатие – депонијата „Дрисла“, Јане Мицевски на денешната седница на Советот на Град Скопје. - Во текот на вчерашниот ден пуштени се во употреба 4 нови градежни машини, кои Јавното Претпријатие „Дрисла“ ги набави со сопствени средства и со тоа во иднина нема да имаме потреба да изнајмуваме градежни машини од надворешни компании, посочи Мицевски. Тој додаде дека досега не 800 илјади евра туку многу повеќе се плаќало на надворешни компании за изнајмување на градежни машини. Досегашната пракса за плаќање кон надворешни компании веќе станува минато бидејќи сега претпријатието ќе биде независно. - За овие 4 нови градежни машини одвоени се околу 40 милиони денари и истите се според најновите европски и светски стандарди за квалитет на градежни машини. Оваа набавка беше значајна не само поради континуитетот во работата туку да го забрзаме и целокупниот работен процес и да не се доведеме во ситуација да имаме големи количини на отпад, заклучи Мицевски.

Мицевски: Поради застарената градежна механизација со која ЈП „Дрисла“ работи набавуваме 4 нови градежни машини и нови камиони

Катерина Бојаџиева — Thu, 24 Feb 2022 18:52:47 +0000

На денешната седница на Град Скопје, се обрати директорот на ЈП Депонија „Дрисла“, Јане Мицевски, каде тој посочи дека депонијата во изминатите години откако функционира со работа таа работи со застарена градежна механизација и за таа цел извршена е набавка на 4 нови градежни машини и нови камиони за потребите на депонијата. „ЈП „Дрисла“ за жал овие 20 години откако постои, работи со една застарена градежна механизација, а токму механизацијата е еден од основните ресурси за функционирање на депонијата „Дрисла“ како санитарна депонија“, посочи Мицевски. Мицевски додаде дека за таа цел ние вршиме набавка на 4 нови градежни машини кои за некој ден истите ќе бидат пристигнати и промовирани пред јавноста. Тој потенцираше дека со пристигнувањето на новите градежни машини ќе биде обновен возниот парк на депонијата Дрисла и во иднина ќе се нема потреба да изнајмуваме надворешни компании кои ќе вршат испорака, односно помош со градежни машини што било пример во минатото. „Во ЈП Депонија „Дрисла“ исто така се планира набавка и на нови камиони. Со тоа повеќе нема да се има потреба за изнајмување на камиони од надворешни компании за вршење на градежни зафати во депонијата Дрисла“, заклучи Мицевски.

Мицевски: За финансиското работење на „Дрисла“ ќе следува ревизија, ќе се откажат сите непродуктивни расходи

Дарко Андоновски — Thu, 09 Dec 2021 15:35:05 +0000

„Како што знаете јас сум назначен за вршител на должност на оваа функција веќе неколку дена. И поради тој факт јас ова финансиско работење што го имам и е пред вас не би можел да и не е чесно да го коментирам, се додека не се направи една ревизија која ја најавувам од оваа седница на Совет. И каде што ќе може да се види зошто и како се трошени овие финансиски средства“, истакна Јане Мицевски, директор на „Дрисла“ на денешната седница во Советот на Град Скопје. Мицевски додаде дека она што тој може да вети пред Советот и пред граѓаните на Скопје е Јавното претпријатие депонијата „Дрисла“ ќе се вложи максимално да работи транспарентно пред се. „Потребно е да се откажат сите непродуктивни расходи, да го вратиме сјајот во работењето како што било и во некои подобри времиња. Тоа е она што јас можам да го ветам“, нагласи Мицевски. Мицевски посочи дека за сето она што претходно е тема на разговор денес најавува ревизија на финансиското работење.

Мицевски: Дескоска во комисија за полагање на правосуден испит вдоми сопруга на поранешен кандидат за градоначалник од СДСМ

Катерина Бојаџиева — Fri, 31 Jan 2020 14:34:06 +0000

Скандал до скандал, непотизам до непотизам. Рената Дескоска повторно е вмешана во скандал каде што инсталира партиски кадри на СДСМ на важни позиции во државата, истакна Јане Мицевски од ВМРО-ДПМНЕ. -Најпрвин сама се кандидираше за член на Венецијанска комисија, па потоа воведе критериум за да мора сите кои полагаат правосуден испит да ги поседуваат книгите на нејзиниот сопруг, денеска ќе објавиме уште еден скандал на непотизам. Имено, Рената Дескоска во комисијата за полагање правосуден испит вдоми уште еден партиски приврзаник на СДСМ, а тоа е Тања Милева, сопруга на поранешниот кандидат за градоначалник на СДСМ од Радовиш и поранешен член на ДИК. Тања Милева е одбрана од Рената Дескоска да биде член во комисијата во делот за Кривично право. По кои критериуми е одбрана баш Тања Милева, сопругата на членот на СДСМ и близок до Заев, Игор Милев?, запраша Мицевски и додаде: „Еве вака Рената Дескоска го руиниса правосудниот систем на Република Македонија. Еве вака функционираат СДСМ кога се на власт. Дескоска, Заев и СДСМ партизираат се што можат да партизираат и тоа со нивни најблиски членови. Ова е школски пример на непотизам и партизација. За ова мора да се сноси одговорност, а Рената Дескоска, да си оди од позицијата министер за правда и тоа веднаш“.

Мицевски: Дали со новиот правосуден испит Дескоска му овозможува финансиски бенефит на сопругот?

Дарко Андоновски — Thu, 30 Jan 2020 13:27:54 +0000

Нов непотистички скандал ја тресе македонската јавност, скандал во кој повторно во главната улога се наоѓа висок државен функционер од редовите на СДСМ, ова денеска преку изјава за медиумите го истакна Јане Мицевски. -Откако пред само неколку дена се само кандидираше за член на Венецијанската комисија, министерката за правда Дескоска се појавува во нов скандал. Имено министерката за правда Рената Тренеска Дескоска со измените во програмата за полагање на правосуден испит, програма која излезе на 17.01.2020 во Службен весник, програма која ја донесе лично Дескоска, воведува нов критериум за идните правници, а тоа е поседување на книгите на нејзиниот сопруг, Тони Дескоски. Министерката за правда Тренеска Дескoска како нов критериум за полагање на правосуден испит во програмата која ја сама ја донесе на почетокот на оваа година воведува предмет кој го предава лично нејзиниот сопруг, Тони Дескоски, поточно се работи за предметот меѓународно приватно право, рече Мицевски. Тој додава дека се поставува прашањето каква корист ќе има Дескоска од оваа измена? Колку илјадници евра фамилијата Дескоски ќе заработи од новата програма за полагање на правосуден испит. -По кои критериуми е одбрана, токму литературата на нејзиниот сопруг, за полагањата на Правосуден испит? Откако две години како е министер за правда прави се за да го заштити криминалот на власт која ја предводеше аболицираниот Заев сега и самата таа е вмешана во дејанија кои претставуваат школски пример за непотизам. Ја повикуваме Антикорупциската комисија да отвори постапка за овој случај, и да каже дали во овој случај има конфликт на интереси, потенцира Мицевски.

Мицевски до Шилегов: Граѓаните на Сопиште немаат метро, но имаат чест, достоинство и крената глава, каква вие немате ниту сега, ниту ќе имате до крајот на вашиот живот!

Ивана Ефремовски — Wed, 28 Feb 2018 14:19:42 +0000

Ја слушам новата изјава на градоначалникот на Скопје, Петре Шилегов и искрено имам помешани чувства, човек не знае дали повеќе да го жали или да се смее. И секогаш кога аргументите не се на негова страна од него ќе чуете политиканство, банализирање и несватлива дрскост. Со исклучителна доза на иронија, ги навредува жителите на општина Сопиште сврстувајќи ги како граѓани од втора категорија, велејќи дека доколку сакале можело да посакаат не само споменик и метро, демек на подбишега заклучокот треба да биде не скокајте многу, вие не сте како другите скопјани, кои се под надлежност на градот Скопје ( кои патем немаат ниту метро, ниту трамвај, а со градоначалник како Шилегов нема ниту да го имаат). Ова го истакна денес Јане Мицевски, Претседател на Советот на општина Сопиште од ВМРО-ДПМНЕ, преку својот Фејсбук профил. Во продолжение следува неговиот статус: Овие зборови доаѓаат од човекот чиј што единствен проект досега е пуштањето во употреба на обична автобуска станица, и кој што речиси половина од мандатот го потроши на шетање низ регионот и Европа. Околу споменикот посветен на Ќосето, барем да почекаше да измине некој ден повеќе, со цел да не го сруши претходниот рекорд на најбрзо менување на сопствените ставови. Пред само неколку дена тој излезе во јавност и соопшти дека спомен обележјето на Ќосето му припаѓа на донаторот и тој може да го подигне за што ќе има рок од 2 недели. Врз основа на таа негова изјава советот на општина Сопиште донесе одлука да побара од донаторот да дозволи истиот да се постави на локација во општина Сопиште, бидејќи граѓаните на Сопиште, за разлика од кусогледоста и несебеспознаеноста на Шилегов, ќе им биде чест и достоинство да имаат спомен обележје посветен на македонскиот револуционер и херој Андон Ќосето, за чие поставување општината повторувам, нема да има никаков финансиски товар. Денес Шилегов излегува и го тврди сосема спротивното, дека споменикот има можност да не се подигне бидејќи наводно спорно било плаќањето, односно Шилегов толкува и навлегува во должничко доверителски и сопственички односи на ствар врз која нема повеќе ингеренции. Оттука за да не ја замајува јавноста, во часовите кога е на работното место во градот Скопје(иако велат тоа време е кусо), и во перидот кога е во можност и состојба да одговори го повикувам нека излезе и расчисти неколку дилеми: Што ви е крајната цел, сакате да го стопите споменикот, за да до крај бидете комплетен талибанец или навистина сакате да најдете решение за споменикот кое ви го нудиме? Свесни ли сте за навредата на граѓаните на општина Сопиште, каде иако нема метро, има изградено многу повеќе(со неспоредливо помал буџет) од една автобуска станица каква што вие имате направено за 4 месеци мандат? Која е вистинската причина поради која го опструирате процесот на ставање на спомен обележјето и не секате да биде подигнат во општина за која за среќа немате надлежност, дали тоа не го правите затоа што несакате да се соочите со сопствениот срам, и морална ерозија во која се подлабоко заглавувате? Граѓаните на Сопиште немаат метро , но имаат чест, достоинство и крената глава, каква вие немате ниту сега, ниту ќе имате до крајот на вашиот живот!