Јанг Бојс – Kurir.mk

Солскјер во одбрана на Лингард: Ниту еден фудбалер не сака да греши, но тоа е дел од играта

Тале Кристо — Wed, 15 Sep 2021 07:32:12 +0000

Тренерот на Манчестер јунајтед, Оле Гунар Солскјер, застана во одбрана на играчот од средниот ред на „Црвените ѓаволи“, Џеси Лингард, чија грешка резултираше со пораз од Јанг Бојс со 1:2 во натпреварот од 1. коло од групната Лига на шампиони. – Ниту еден фудбалер не сака да греши, но тоа е дел од играта. Ќе учиме од ова, Џеси ќе учи од ова. Ќе се снајде и ќе биде подготвен до недела, кога играме со Вест Хем во Премиер лигата, го цитира Би-би-си, Солскјер. Во петтата минута од судиското надополнување на натпреварот против Јанг Бојс одигран вчеравечер, при резултат 1:1, Лингард имаше неуспешно додавање пред својот гол, а неговата грешка ја искористи напаѓачот на швајцарскиот тим Џордан Сибачо, кој го совлада голманот на Јунајтед, Давид де Хеа.

Јунајтед со гол во судиското надополнување избори учество во нокаут фазата во ЛШ

Ивона Петрова — Wed, 28 Nov 2018 08:01:44 +0000

Со голот на Маруан Фелаини во првата минута од судиското надополнување, Манчестер Јунајтед го победи Јанг Бојс и се пласира во елиминациската рунда од фудбалската Лига на шампиони. Во прилог на Манчестер одеше и победата на Јувентус над Валенсија која на едно коло пред крајот на групната фаза, остана на пет бода зад англискиот великан. Резултати на натпреварите во Лигата на шампионите, петто коло сегмент Е-Х: АЕК – Ајакс 0:2 ЦСКА Москва – Плзен 1:2 Рома – Реал Мадрид 0:2 Баерн Минхен – Бенфика 5:1 Хофенхајм – Шахтјор 2:3 Јувентус – Валенсија 1:0 Лион – Манчестер Сити 2:2 Манчестер Јунајтед – Јанг Бојс 1:0. До сега пласман во следната фаза обезбедија: Баерн, Ајакс, Манчестер Сити, Реал Мадрид, Рома, Јувентус и Манчестер Јунајтед. За последното место ќе се борат Лион и Шахтјор. Денеска се играат натпреварите од сегментот А-Д.

Мурињо: Натпреварот со Јанг Бојс нема да биде одлучувачки

Ивона Петрова — Tue, 27 Nov 2018 12:28:46 +0000

Тренерот на Манчестер Јунајтед, Жозе Мурињо, пред натпреварот од петтата рунда од групната фаза на Лигата на шампионите против Јанг Бојс, истакна дека ова не е одлучувачки натпревар. Сепак, тој сака тимот да игра како да е плеј-оф. -Дури и ако не победиме, ние се уште нема да зависиме од другите резултати. Ова не е одлучувачки натпревар.Но, сакам да играме од првата минута како ова да е последната шанса да ја поминеме групата. Сакам да заборавиме дека ќе имаме уште една шанса и да играме како да е плеј-оф, изјави Мурињо. Натпреварот Манчестер Јунајтед – Јанг Бојс се игра вечер од 21 часот. На табелата во Х-групата води Јувентус со девет бода, Манчестер е втор со 7, Валенсија има пет, Јанг Бојс 1.

И противниците разочарани кога не игра Роналдо

Ивона Петрова — Tue, 02 Oct 2018 06:07:03 +0000

Кристијано Роналдо е една од најголемите ѕвезди во светскиот фудбал, а за неговата популарност потврда е и изјавата на тренерот на Јанг Бојс, Герардо Сеоане, кој рече дека е разочаран што Португалецот нема да настапи за Јувентус во дуелот со неговиот тим во втората рунда од Лигата на шампионите. - Ние сме разочарани што Роналдо нема да игра. Навистина сакавме да се сретнеме со него, но со или без Роналдо, Јувентус нема недостатоци, нагласи Сеоане. Роналдо нема да игра поради црвен картон добиен на претходниот натпревар. Дуелот Јувентус – Јанг Бојс ќе се игра вечер во Торино со почеток од 18 часот и 55 минути. МИА