Јани Атанасов – Kurir.mk

Јани Атанасов стави потпис на договор со Краковија

Бошко Тасиќ — Tue, 24 Jan 2023 05:53:02 +0000

Македонскиот репрезентативец, Јани Атанасов потпиша за полскиот тим Краковија, стави потпис на три ипол годишен договор. На Атанасов договорот со Хајдук му истекуваше на лето, но Краковија сакаше да го има Македонецот уште во јануари, па плати обесштетување од 300.000 евра. Атанасов потпиша три ипол годишен договор откако денеска ги помина медицинските прегледи. 23-годишниот Атанасов е фудбалер од Академија Пандев, првото меѓународно искуство му беше во Бурсаспор, од таму се пресели во Хајдук, а сега ќе го носи дресот на Краковија.

Атанасов: Имаме одлични млади играчи што се жедни за успех

Бошко Тасиќ — Tue, 20 Sep 2022 18:07:12 +0000

Јани Атанасов верува и во себе и во Македонија и очекува голема битка и победа во Тбилиси против Грузија на 23. септември. На Динамо арена ќе играме клучен меч за првото место и се освен убедлива победа дефинитивно ќе значи дека Македонија нема да има шанси за пробив во повисок ранг на натпревари во Лигата на Нации, односно ќе остане во Ц сегментот. „Не сме комплетни и ни фалат неколку репрезентативеци, но затоа сме ние тука за да дадеме се од себе. Очекуваме селекторот да подготвки тактика за успех, а ние да ги исполниме зададените задачи на терен. Мораме да играме поагресивно од претходниот меч со Грузија, кога не победија во Скопје со 3:0. Имаме доста квалитетни млади играчи и жедни сме за успех на Македонија. Одиме на победа во Грузија“, изјави Атанасов.

Јани Атанасов останува во Хајдук до 2023 година

Бошко Тасиќ — Wed, 19 Jan 2022 19:24:36 +0000

Македонскиот фудбалски интернационалец и повремен репрезентативец Јани Атанасов доби нов договор од сплитски Хајдук и во клубот останува и во следната година. 22-годишниот играч за врска добива се поголема минутажа на „Пољуд“ и важи за еден од омилените играчи кај навивачите на сплитските „били“. Пристигна како слободен играч од турски Бурсаспор и брзо се наметна. Договорот на Атанасов и Хајдук истекуваше по оваа сезона, но двете страни се договорија за уште една година соработка. Атанасов за хрватскиот тим досега одигра 47 официјални средби на кои даде четири гола, со уште две асистенции.

Милевски со дополнителен повик во репрезентацијата

Бошко Тасиќ — Wed, 25 Aug 2021 19:05:13 +0000

Селекторот на фудбалската репрезентација на Македонија, Благоја Милевски го надополни првично објавениот список на повикани фудбалери за претстојните квалификациски натпревари за Светското првенство. Откако станува се појасно дека Милевски нема да може да смета на Бобан Николов и Арјан Адеми донесена е одлука во репрезентативниот табор да се повика и фудбалерот на Хајдук Сплит, Јани Атанасов. Атанасов ќе ја пополни празнината во средниот ред и ќе биде еден од неколкумината фудбалери кои ќе бидат освежување за националниот табор. Милевски се реши да направи одредени промени во тимот по заминувањето во репрезентативна пeнзија на Горан Пандев, Иван Тричковски и Крсте Велкоски, но и да им испрати порака на дел од фудбалерите од чија форма не е задоволен. Повратници во репрезентацијата се Адис Јаховиќ, Никола Ѓорѓев и Стефан Ашковски, додека нови имиња се Бојан Миовски, Никола Серафимов и Тодор Тодороски. Инаку,селекцијата на Македонија во краток период ќе одигра три компетитивни натпревар и и тоа против Ерменија (2. септември), Исланд (5. септември) и Романија (8. септември).

Младиот Атанасов од академија Пандев, потпиша за Бурсаспор

Ивана Ефремовски — Tue, 05 Jun 2018 06:43:11 +0000

По успешно завршените медицински прегледи играчот на ФК „Академија Пандев“, осумнаесетгодишниот Јани Атанасов, потпиша четиригодишен договор со турскиот прволигаш Бурсаспор. - На Јани сите му посакуваме многу успеси во новиот клуб и натамошната фудбалска кариера, а ние ќе продолжиме уште повеќе да вложуваме во младинските категории и со правилна работа и посветеност во иднина да создаваме играчи кои ќе бидат дел од најсилните фудбалски лиги, објави раководството на струмичкиот прволигаш. Инаку, Атанасов е втор играч со трансфер од Академија Пандев, по тој на Кристијан Трпановски во Славија од Прага минатиот летен преоден рок.