јани бојаџи – Kurir.mk

Бојаџи: Она што финансиската полиција го побара од ТВ Алфа за мене беше шокантно

Катерина Бојаџиева — Tue, 25 May 2021 21:09:09 +0000

Јани Бојаџи, управител на телевизија Алфа во своето гостување во емисијата „Заспиј ако можеш“ зборуваше за упадот кој се случи пред неколку дена во телевизија Алфа и посочи дека откако тој е управител на оваа телевизија пристисоците од страна на државните институции не престануваат. -Јас сум овде околу 17-18 месеци и откога сум туку тие притисоци од страна на институциите на државата не престанале. Ние минатата годиниа имавме две контроли од страна на УЈП, исто така откога сум јас директор ние сме предавале две завршни сметки, сме направиле две ревизии и сме немале никакви забелешки. На крајот мислам дека Алфа телевизизија беше единствена национална телевизија кој минатата година покажа добивка и плативме уредно данок за тоа, истт така ги плаќаме и сите други редовни даноци, работиме согласно законот. Пред два месеци ние имавме финансиска полиција која треба да се бави со контрола на нашето финансиско работење, ние не сме компанија која има малопродажба, која секој ден нешто продава или купува па да имаме не знам колкав обем на финансико работење на дневно ниво, рече тој во своето гостување. Бојаџи во текот на своето гостување во врска со упадот од страна на финасиската полиција во Алфа телевизија укажа дека сето тоа што го побарала финасиската полиција за него било многу шокантно. -Финасиската полиција пред два месеци, преку нашето сметководство побараа увид во нашето надворешно трговско работење, што не е спорно. Нашето сметководство им доставило за бараните месеци и за бараниот период договори за работа со конкретни наши соработници од странство. Откако ги добиле договорите не биле задоволни, побарале фактури и сметководството и за тоа им испорача фактури. Јас за ова воопшто не кренав паника затоа што ние немаме што да криеме.Но работите излегоа од контрола, во моментот кога финансиската полиција побара од нашето сметководство на увид да и се достават предметите односно содржините кои ние сме ги произведувале за периодот за кој тие се интересираат за нашето финасиско раборење. Тие побара од нас да и доставиме какви емисиии сме произведувале, какви програми, какви продукции, кои се водители, што се зборува во тие емисии. Ова за мене беше многу шокантно и навистина бев шокиран, додаде тој.

ТВ Алфа: Владата на Зоран Заев шири лажни вести за телевизијата

Ивона Петрова — Sat, 06 Feb 2021 11:21:44 +0000

Владата на Зоран Заев продолжува со нападите на независните медиуми ширејќи лажни вести, злоупотребувајќи ги институциите на државата, овој пат Управата за јавни приходи, вели управителот на телевизијата Јани Бојаџи. -Вчера на веб страницата на “Владата на лажните вести” осамна список со компании што добиле, а не испалтиле субвенции за плати на вработени. На тој список лажно и тенденциозно е ставена и нашата телевизија. Субвенциите што Управата за јавни приходи на сметката на телевизијата ги има префрлено на ден 31 Јануари, петок, Телевизија Алфа, во потполн износ ги има исплатено на 03 и 04 Февруари, среда и четврток следната недела, 5 дена подоцна, како дел од редовните исплати на плати, придонеси, регреси и други додатоци на плати. Значи, еве ја технологијата на ширење на лажни вести: евтина, провидна и лесна. На 31 Јануари, петок, префрлате средства, а во понеделник, 2 дена подоцна, на 2 февруари, правите пресек за претходниот месец и објавувате список со лаги и невистини. Алфа Телевизија доби субвенции од 1 милион и седумстотини илјади денари, а на своите редовни вработени, хонорарни и други соработници во информативната, документарната, забавната и играната продукција, повеќе од 160 извршители, им исплати околу 10 милиони денари или околу 110.000 евра, вели Бојаџи. Бојаџи вели дека најсмешно во целата ова ситуација е тоа што сите тие движења на нивната сметка се на секојдневен увид на УЈП која има потполен преглед на приливот и одливот на средствата наменети за исплата на плати и придонеси на вработените. -Во овој случај, сметаме дека Владата на Зоран Заев шири лажни вести со цел да го наруши угледот и работењето на единствениот медиум кој има критичка уредувачка политика кон неа. Телевизија Алфа ова го смета како уште една злоупотреба на државни ресурси со цел партиски и владин притисок врз нашата телевизија, вели Бојаџи.

Јани Бојаџи назначен за нов директор на телевизија АЛФА

Дарко Андоновски — Fri, 09 Aug 2019 11:06:55 +0000

Телевизија Алфа преку соопштение ја извести јавноста за новиот директор на телевизијата. -Ве известуваме дека АЛФА СКОП. ДОО Скопје како сопственик и носител на лиценцата на АЛФА ТВ ДООЕЛ Скопје, анализирајќи ја досегашната работа на телевизијата во сите нејзини аспекти одлучи да работи на понатамошно подобрување на содржината и влијанието во јавноста на истата. Изминатиот период беше успешен и сме задоволни од досегашната работа, сепак гледаме голем простор во македонскиот етер каде дополнително може да се развиваме и истиот да го освојуваме. Би сакале да ја информираме јавноста дека на Васков Ефтов му истече едногодишниот менаџерски договор. Би сакале да му се заблагодариме за досегашната соработка како и напорите кои ги вложи за успешно водење на телевизија. Сметаме дека со неговата работа постигна многу успеси кои во иднина треба да се надградуваат. Тој беше целосно вложен и ангажиран за стабилизација пред се, но и развој на телевизијата во изминатата година. Со својот ангажман придонесе многу. Му посакуваме успех во понатамошниот професионален живот и остануваме отворени за соработка во иднина. Исто така, менаџментот на АЛФА СКОП донесе одлука за нов управител да биде именуван Јани Бојаџи, познат македонски режисер и продуцент, за кој се надеваме дека со својот квалитет и професионално искуство ќе постигне големи успеси и натамошен развој на телевизијата, стои во нивното соопштение.

Јани Бојаџи се огласи преку фејсбук статус

Ристе Здравков — Sat, 17 Nov 2018 16:02:29 +0000

Режисерот на филмот „Ругање со Христос“, Јани Бојаџи, објави моќен фејсбук статус. Во целост ви го пренесуваме статусот на Бојаџи:

Јaни Бојаџи: Доколку се повлечам и извинам ми понудија светла иднина, есапот од дома на пазар не им излезе баш точен

Ивона Петрова — Tue, 16 Oct 2018 06:50:26 +0000

Режисерот на филмот „Ругање со Христос“, Јани Бојаџи во интервју за Магазин.мк отворено вели дека му била понудена светла иднина доколку се извини и го промени филмот. Бојаџи открива и што му рекол неговиот татко на денот кога беше повикан на распит во полиција, што всушност е и денот кога беше закажана и одржана премиерата во Скопје во рамки на фестивалот Киненова. Магазин: Што се случи со “опомената” упатена преку вашиот татко? Мислам вие активно не информиравте на социјалните мрежи но има или нема обвинение за наводна трговија со артефакти? Зошто притворот беше тајмиран со премиерата? Помисливте ли да се откажете од се? ,,Немој случајно вечер да нема премиера! Арам да ти е ако го направиш тоа заради мене,,! Ете ова беа зборовите на татко ми пред да замине на распит во Скопје. Во такви моменти не ви се важни никакви филмови. Важен ви е само родителот. Но татко ми не ми остави право на избор. Беше сосема јасен. А тие што го познаваат знаат дека од кажаното не отстапува па ,,мајка Јана,,. Јас ви кажав дека тие сега се влезени во втората фаза на кампањата која според добрите фашистички практики сега се префрлаат врз мене и моето семејство. За среќа најголем артефакт кај мене дома е мојот татко кој ми е пример за се во животот. Верувам дека ова епизода во неговиот живот скоро ќе биде заборавена а е предмет на неговата наивност која ја злоупотребил еден човек со презиме Босиљанов кој е познат како верен и истакнат јуришник на партијата СДСМ од Струмица! Го кажувам ова за да знаат дека знам точно што прават и дека нема да дозволам на мојот татко да му недостига едно влакно од главата. Магазин: Бојаџи и покрај се изгледа дека власта и судството го изрежира “Ругање со Бојаџи”. Добивте и покана за суд со цел да ви биде изречена мерката забрана за прикажување но до тоа не стигна како барањето беше повлечено од самиот подносите. Сметате ли дека ако бевте потивок ќе успееја во намерата “Ругање со Христа” да не види “бел ден”? Не знам што сметале тие, ама сега е јасно дека есапот од дома на пазар не им излезе баш точен! Јас решив да не молчам. И покрај добрите понуди кои ги добив доколку неколку работи поправам, скратам, придотерам. Доколку се повлечам и извинам, ми понудија светла иднина и подршка за овој и сите други идни проекти! Многу повеќе за цензурирањето на филмот од страна на Владата и Министерството за култура, разните притисоци, за поддршката од претседателот Ѓорге Иванов, за самиот филм, но и за упорноста на Бојаџи прочитајте го целото интервју со режисерот на МАГАЗИН.

ФОТО: Претседателот Иванов со поддршка за режисерот Јани Бојаџи

Дарко Андоновски — Tue, 09 Oct 2018 12:08:05 +0000

Јани Бојаџи, режисерот на филмот „Ругање со Христос“, кој предизивика реакции во албанската јавноста Претседателот на Република Македонија Ѓорге Иванов на својот Фејсбук профил објави фотографија во знак на поддршка на режисерот Јани Бојаџи. Режисерот на филот „Ругање со Христос“ инаку деновиве предизвика реакции во албанската јавност поради тематиката на филмот, а преку социјалните мрежи вчера информираше дека денеска во 11 часот во Основниот суд Скопје 2 ќе биде одржано рочиште за забрана на неговиот филм.

Јани Бојаџи: Утре во 11 часот на рочиште ќе се бара забрана за прикажување на „Ругање со Христос“, ми ја забрануваат работата

Ивона Петрова — Mon, 08 Oct 2018 17:01:58 +0000

Јани Бојаџи, режисерот на филмот „Ругање со Христос“, кој предизивика реакции во албанската јавноста, преку социјалните мрежи информира дека утре во 11 часот во Основниот суд Скопје 2 ќе биде одржано рочиште за забрана на неговиот филм. Во продолжение интегрално ви ја пренесуваме објавата на Бојаџи, напишана на Фејсбук. Ете, стасавме и до тука! Утре во 11.00 часот во Основен суд 2 во Скопје, на предлог на државниот Правобранител а на барање на Министерството за култура ќе се одржи рочиште на кое се бара забрана за прикажување на играниот филм ,,Ругање со Христос,,! Драги мои фашисти! Ова мене ми е работа. Јас од филм живеам. Немам друга професија. Со ова вие мене ми ја забранувате работата! О, неразумници! Вие мене ми го забранувате правото да работам, да заработам и да живеам! Вие мене ми го одземате правото на живот! Ова продолжува веќе два месеци! Јас сум уметник. Работник. Пролетер. Не поседувам средства за работа. Не поседувам недвижности. Ако не работам не можам да си платам ќирија, струја, вода, данок. Акоа не работам не можам да си го прехранам семејството! О, несреќници, вие мене ме убивате! Ова е истребување! Вие мене утре ме судите на глад и на смрт! Се молам за вашиот разум и за благост во вашето срце кога ќе ме судите! Се молам за вас и теперам од страв оти не знам до кога јас ќе бидам разумен и благ со вас, о мои обвинители и судии! Вие утре ми судите мене, ама ќе си пресудите себе си. Оти ќе останете запаметени по тоа дека судите за нешто што не сте го виделе, а тоа е пострашно и ако лажно да сведочите! Драги мои фашисти, Јас знам дека по природата на тоа што сте – тирани и безумници, ќе го направите она што веќе сте го направиле во минатото! Таква си е нотропијата на фашизмот – ќе го излеете бесот и немоќта на улица и на невините, и ќе завршите под урнатините ! Но, ете, по не знам кој пат ви кажувам: не ви се плашам! Јас сум партизанско дете и немам друг избор освен да востанам, да се борам со вас и да ве победам. Знам. Така е тоа со слободата – треба да си ја заслужиш! СМРТ НА ФАШИЗМОТ – СЛОБОДА НА НАРОДОТ!

Бојаџи: „Артефактот“ си замина дома, татко ми повеќе не е задржано лице

Катерина Бојаџиева — Sat, 06 Oct 2018 18:46:53 +0000

Почитувани, татко ми повеќе не е задржано лице! „Артефактот“ си замина дома. Бескрајно сакам да верувам во случајности, во погрешно место и погрешно време. И, да, секој чесен човек треба и мора да верува во независноста и непристрасноста на судот и обвинителството. Бескрајно ви благодарам на сите за поддршката кон мене и моето семејство. Не знам како да ви се оддолжам освен со ветување дека следниот мој филм ќе биде подобар од овој, напиша вечерва режисерот Јани Бојаџи, чиј татко вчера беше приведен, на денот на премиерата на неговиот филм „Ругање со Христос“. Неговиот татко не е помеѓу седуммината на кои судот денеска им одреди мерка притвор, а кои беа уапсени во истата акција, во која беше проведен и таткото на Бојаџи. Режисерот во својот статус додава: И уште една добра вест! Центарот за култруа „Ацо Шопов“ во Штип се согласи штипската премиера на филмот „Ругање со Христос“ да се одржи на 09 Октомври, вторник, во 19.30 часот во големата сала. Подготвуваме квалитетна проекција на слика и звук, и се разбира, како и во Скопје со присуство на актерите и екипата на филмот. Браво на штипјани. Ги повикувам и другите градови да го следат Штип. Директори, управи, одважете се, чувството е прекрасно, верувајте ми!

Бојаџи: Веќе јас не сум важен и на филмот му посакувам добра среќа

Ристе Здравков — Sat, 06 Oct 2018 11:45:49 +0000

Сценаристот и режисер Јани Бојаџи, по синоќешната македонска премиера на неговиот дебитантски филм „Ругање со Христос“ на отворањето на 3. Меѓународен фестивал на дебитантски филм „Киненова“, ја повика Владата да го остави филмот да заработува и да се прикажува низ Македонија. Бојаџи, на денешната прес-конференција во МКЦ, рече дека вчерашниот настан за него била совршената можност за тој и филмот да се разделат и филмот да си тргне по неговиот, а тој по својот пат. - Веќе јас не сум важен и на филмот му посакувам добра среќа и да се сретнеме сите некаде пак. Важно беше да се случи таа премиера за да се отвори таа порта и паднат сите маски. Тука јас завршуваме, еве го филмот. Ако отвора општествени дискусии, мене ќе ми биде драго да се разговара, рече Бојаџи. Крајната идеја на филмот, продолжи тој, е да се гледа во кино, но дека само Штип прифатил во понеделник да се направи премиера. - Сите други центри за култура во Македонија кои поседуваат технички можности прво прифатија, а потоа одбија да го прикажуваат со образоложение дека немаат ниту еден единствен слободен термин до крајот на годината и да им се јавам после Божик следната година, рече Бојаџи. Нагласи дека филмот е финансиран од државата и центрите за култура се на државата, односно дека директорите на кино салоните ги именува Владата, но сега тие не му дозволуваат да се прикажува и заработува. - Филмот ќе си има фестивалски живот, но бидејќи е нискобуџетен филм со 280 илјади евра, кои се уште не се сите исплатени и имаме инспекции, а една апликација на посериозен фестивал чини 100 долари, целата моја идеја беше да дојдам до премиера, да го прикажувам и заработувам и половина од нив да потрошам на апликации, рече Бојаџи. Филмот освои награда на фестивалот во Монтреал, каде што беше светската премиера.

Јани Бојаџи: Во мојот дом имаше претрес, татко ми е приведен!

Ивана Ефремовски — Fri, 05 Oct 2018 17:53:22 +0000

Режисерот Јани Бојаџи потврди дека во неговиот дом во Струмица полицијата вршеше претрес. Бојаџи потврди дека во домот на неговите родители во Струмица е извршен претрес, а неговиот татко Андони е донесен во Скопје и приведен од страна на полицијата во полициската станица во Гази Баба. -Почитувани, да, утринава во домот на моите родители во Струмица е извршен претрес и после неколку часа мојот татко Андони (75) е донесен во Скопје и приведен во полициската станица во Гази Баба. До овој момент со него не разговарал полициски инспектор, обвинител или судија! Ви благодарам на подршката на сите вас кои денес од раните утрински часови бевте со мене и моето семејство.Да сте живи и здрави. Се гледаме за помалку од час во Кино Милениум.Татко ми со мислите ќе биде со сите нас, напиша тој.