јани макрадули – Kurir.mk

Јани Макрадули се подновил со автомобил од 40.000 евра

Ристе Здравков — Thu, 09 Jun 2022 10:18:01 +0000

Доскорешниот директор на Ад пошта, Јани Макрадули, во својот анкетен лист дополнил дека од лани, односно од 2021, како личен имот поседува автомобил BMW X1 во вредност од 2.381.225 денари, или безмалку 40.000 евра, преку договор за купопродажба. Макрадули оред два месеци беше разрешен од функцијата прв човек на Македонска пошта веднаш по приведувањето на владиниот генерален секретар Мухамед Зекири, за склучување на договор без јавна постапка за физибилити студија за приватизација на ова акционерско друштво во државна сопственост. Во имотниот лист Макрадули има и кредит од 861.528 денари подигнат во 2021.

Владата бара разрешување на Јани Макрадули од директорската функција на АД „Пошта“

Ивана Ефремовски — Tue, 19 Apr 2022 16:25:10 +0000

Владата на денешната седница побарала од Надзорниот одбор на Акционерско друштво за поштенски сообраќај „Пошта на Македонија“ да го отповика Јани Макрадули од должноста претседател на Управниот одбор и генерален директор на „Пошта“. -На денешната седница Владата одлучуваше и по решенијата на Комисијата за кадровски прашања и заклучи да му препорача на Надзорниот одбор на Акционерско друштво за поштенски сообраќај „Пошта на Северна Македонија“ да го отповика Јани Макрадули од должноста претседател на Управниот одбор и генерален директор и на оваа позиција го избере Васко Стефанов кој е разрешен од должноста заменик-директор на Агенција за вработување на Република Северна Македонија, соопшти владината прес-служба.

Макрадули со порака до своите партиски другари

Тале Кристо — Tue, 21 Dec 2021 17:56:39 +0000

Испаѓа дека предност стана, и е подобро, да си неактивен и да ги гледаш работите од страна, од комфорна позиција…, пишува во краток коментар на социјалнат мрежа на Фејсбук генералниот директор на Македонска Пошта Јани Макрадули.

СЕ ВРАБОТУВААТ ЛИ 280 ПАРТИСКИ ВОЈНИЦИ ВО ПОШТА: На досегашните вработени не им се продолжува договорот, од утре на улица?

Дарко Андоновски — Wed, 30 Dec 2020 10:32:20 +0000

И додека Македонска пошта се дави во долгови, нејзиниот прв човек Јани Макрадули на почетокот на овој месец распиша конкурс за нови 280 вработувања. И додека и опозициската ВМРО-ДПМНЕ алудираше дека станува збор за вработувања на партиски војници, денес до редакцијата на КУРИР се обрати вработен во пошта кој вели дека тоа што се предвидуваше и се случи. Имено јавниот оглас кој траеше неколку недели заврши, а на истиот се примени нови партиски војници, додека се бркаат старите кадри и нема да им биде продолжен договорот на истите. -Од утре на неколку колеги од поштата во Велес нема да им биде продолжен договорот и од утре нема да доаѓаат на работа, а на нивно место ќе се примат нови кадри, вели нашиот извор. Тој додава дека старите кадри се бркаат на улица не затоа што не знаат да работат, туку бидејќи треба да се примат партиски послушници на власта. Инаку огласот беше објавен во ек на пандемија и криза во државата и кога самата пошта е во долг од околу 10 милиони евра.

Макрадули откако изјави дека пошта има долг од 10 милиони евра, ги моли граѓаните да праќаат новогодишни честитки преку неа (ВИДЕО)

Дарко Андоновски — Tue, 15 Dec 2020 09:29:11 +0000

Управниот одбор на „Пошта на Северна Македонија“ на седница го усвои посебниот промотивен пакет на услуги за испраќање на празнични честитки и подароци, кој започнува да важи од 19 декемри годинава, заклучно со 15 јануари 2021 година. „На овој начин, сакаме да ги повикаме сите да ни се приклучат, со цел заедно да ја обновиме традицијата на испраќање честитка или подарок по пошта! Но исто така, на крајот на годината, која ни го промени секојдневното функционирање, да предизвикаме радост и насмевки кај нашите блиски и сакани во земјата и низ целиот свет, повеќе од неопходни во време на пандемијата предизвикана од коронавирусот“, посочуваат од Пошта. Оваа активност преку видео-порака ја поддржа и директорот на Пошта, Јани Макрадули, кој порача дека дека честитиките и подароците безбедно ќе стигнат до примателот. Макрадули инаку пред неколку дена изјави дека Македонска пошта има долг од околу 10 милиони евра. Генералниот директор на АД Пошта, Јани Макрадули изјави дека Владата и доделила на компанијата финансиски средства од буџетот поради загубите претрпени од пандемијата и стопирање на финансиските услуги поради стечај на Еуростандард банка АД Скопје. Тој потенцира дека главна цел во моментов е финансиско стабилизирање на АД Пошта. – Во моментов главна моја цел и на Управниот одбор, е финансиско стабилизирање на компанијата. Елиминирање на непотребни трошоци, наоѓање нови клиенти, повеќе инвестиции во рамки на решенија кои можат да ја подобрат финансиската состојбата, пред сè тоа е процесот на дигитализацијата, вложувања во животна средина, и на тој начин финансиското стабилизирање, но и враќање на репутацијата која порано ја имаше АД Пошта, се два приоритета на менаџментот. Средствата кои Владата ги дава за исплата на плати, ќе бидат насочени само за намената за која се дадени, подвлече Макрадули. Вкупниот долг на АД Пошти е околу 10 милиони евра. Освен од тековното работење, има долг кој се влече и од минатото и не зависел од нејзиниот менаџментот, туку и од одлуки на Владата. – Дел од тој долг, околу 2,5 милиони евра биле влог во акции во Поштенската банка, кои не стигнале до АД Пошта. Простувањето на долгови во два наврата од претходната Влада, на компании кои должеле на АД Пошта, се практично околу 7 милиони евра, кои не ги добила АД Пошта. Во јануари и февруари оваа година финансиското работење било стабилно, но со пандемијата, се јавува недостаток на средства во тековното работење. Околу 67 проценти од трошоците одат за плата. Ние ќе се обидеме тоа да го рационализираме, со прераспределба на вработените, за да можеме да генерираме нови приходи. По доаѓањето на новата банка очекувам финансиско стабилизирање, вели Макрадули. Тој потенцира дека јавноста не е информирана за многу услуги на Пошта кои ги нудат приватни оператори. – Ние сме и поефикасни и поевтини, но, не сме го изрекламирале тоа. Многу граѓани ќе испратат пакети, писма, поради ковидот. Ние им стоиме на граѓаните на располагање тоа да го направиме на најефикасен начин и најевтин, нагласи Макрадули, кој најави и вработување на доставувачи.

Макрадули: АД Пошта има долг околу 10 милиони евра

Дарко Андоновски — Fri, 11 Dec 2020 12:54:23 +0000

Генералниот директор на АД Пошта, Јани Макрадули изјави дека Владата и доделила на компанијата финансиски средства од буџетот поради загубите претрпени од пандемијата и стопирање на финансиските услуги поради стечај на Еуростандард банка АД Скопје. Тој потенцира дека главна цел во моментов е финансиско стабилизирање на АД Пошта. – Во моментов главна моја цел и на Управниот одбор, е финансиско стабилизирање на компанијата. Елиминирање на непотребни трошоци, наоѓање нови клиенти, повеќе инвестиции во рамки на решенија кои можат да ја подобрат финансиската состојбата, пред сè тоа е процесот на дигитализацијата, вложувања во животна средина, и на тој начин финансиското стабилизирање, но и враќање на репутацијата која порано ја имаше АД Пошта, се два приоритета на менаџментот. Средствата кои Владата ги дава за исплата на плати, ќе бидат насочени само за намената за која се дадени, подвлече Макрадули. Вкупниот долг на АД Пошти е околу 10 милиони евра. Освен од тековното работење, има долг кој се влече и од минатото и не зависел од нејзиниот менаџментот, туку и од одлуки на Владата. – Дел од тој долг, околу 2,5 милиони евра биле влог во акции во Поштенската банка, кои не стигнале до АД Пошта. Простувањето на долгови во два наврата од претходната Влада, на компании кои должеле на АД Пошта, се практично околу 7 милиони евра, кои не ги добила АД Пошта. Во јануари и февруари оваа година финансиското работење било стабилно, но со пандемијата, се јавува недостаток на средства во тековното работење. Околу 67 проценти од трошоците одат за плата. Ние ќе се обидеме тоа да го рационализираме, со прераспределба на вработените, за да можеме да генерираме нови приходи. По доаѓањето на новата банка очекувам финансиско стабилизирање, вели Макрадули. Тој потенцира дека јавноста не е информирана за многу услуги на Пошта кои ги нудат приватни оператори. – Ние сме и поефикасни и поевтини, но, не сме го изрекламирале тоа. Многу граѓани ќе испратат пакети, писма, поради ковидот. Ние им стоиме на граѓаните на располагање тоа да го направиме на најефикасен начин и најевтин, нагласи Макрадули, кој најави и вработување на доставувачи.

Милошоски: Стопанството ќе плаќа нови непотребни вработувања

Ивона Петрова — Fri, 04 Dec 2020 09:27:42 +0000

Заради пречестото добивање на многу датуми одеднаш, кои ЕУ, Брисел, Софија и Париз почнале на Заев да му ги праќаат како препорачани писма, "богатата и незадолжена" Македонска Пошта распиша оглас за вработување на 280 пошторазнесувачи, пишува на Фејсбук пратеникот Антонио Милошоски. Нето плата е 17.656 денари, што значи бруто е 26.000 денари, а за буџетот тоа ќе значат нови 120.000 евра месечни расходи. Трошокот од овие 280 вработувања само за следната 2021 година државата ја чини 1.440.000 евра, пари на даночните обврзници. Во момент кога стопанството е на колена, многу болници се без амбулантни возила, и многу училишта имаат суштинска потреба за реновирање, ваквата одлука на Заев и Макрадули е економски штетна и неодговорна.

ФОТО: Додека Македонска пошта се „дави“ во долгови, новиот директор Макрадули ќе вработува 280 луѓе

Дарко Андоновски — Fri, 04 Dec 2020 09:16:19 +0000

Коронавирус пандемијата и затворањето на Еуростандард банка на „Македонски Пошти“ зададоа тешки удари поради кои тоне и генерира загуби. Македонска пошта е меѓу најголемите работодавци во земјава, а од друга страна континуирано тоне во милионски долгови. „Пошта“ веќе неколку години наназад е на удар на јавноста дека е претворена во институција за згрижување на партиски кадри. Дополнително, последниот ревизорски извештај обелоденува дека, иако во оваа компанија што е во раце на државата, се трупале загуби а сепак менаџментот си обезбедувал бонуси. Според податоци на последниот ревизорскиот извештај компанијата има загуба од околу 10 милиони евра. Уште еден удар за „Пошта“ беше и затворањето на Еуростандард банка, преку која одеше платниот промет. Околу 20 проценти од приходите на „Пошта“ доаѓале од платниот промет кој сега е замрен по смртта на Еуростандард. „Пошта“ имаше мрежа на експозитури голема колку сите банки заедно. Но во ек кога „Пошта“ тоне длабоко во долгови новиот директор Јани Макрадули решил да вработува 280 луѓе. Со јавниот оглас ќе се вработат партиски војници на 280 работни места на неопределено време. Во огласот може да се забележи на кои места колку извршители ќе се вработуваат и се наведуваат критериуми кои треба да ги исполнува еден иден вработен таму. А, нето плата изнесува 17.656 денари. Новиот директор во ек на криза кога другите вработени во „Пошта“ немаат плата тој се дрзнува да вработува партиски војници.

Жерновски е новиот директор на Железници, Макрадули ќе раководи со Македонски пошти

Ивана Ефремовски — Tue, 27 Oct 2020 10:46:19 +0000

Екс градоначалникот на општина Центар, и поранешен заменик министер за надворешни работи, Андреј Жерновски, ќе биде директор на ЈП за Желзничка инфраструктура, дознава ТВ21. Во моментов со претпријатието раководи Фестим Халили, кадар на ДУИ.

Се очекува следните недели Владата да го предложи на УО, а потоа Жерновски да биде избран за нов директор на МЖ инфраструктура.

Уште еден заменик министер од минатата влада ќе биде директор на ЈП. Станува збор за Јани Макрадули, кој што беше заменик министер за животна средина, и поранешен потпретседател на Собранието, кој во иднина ќе раководи со ЈП Македонски Пошти. Досегашаниот директор на ова претипријатие, Ејуп Рустеми, во иднина ќе раководи со ЈП државни патишта.

Комисија за животна средина на ВМРО-ДПМНЕ: Дали додека ЕУ сака да се опоравува „зелено“, нашиот Јани спие во зимски сон?

Дарко Андоновски — Sun, 26 Apr 2020 17:15:58 +0000

Комисијата за животна средина на ВМРО-ДПМНЕ преку статус на Фејсбук прашува дали додека ЕУ сака да се опоравува „зелено“, „нашиот“ Јани спие во зимски сон? -Дали додека ЕУ сака да се опоравува „зелено“, „нашиот“ Јани плачко/спијач/зам. министер спие во зимски сон? А (БЕЗ)животната средина кој ќе ја уништува? Европските министри за заштита на животна средина повикаа на посебно внимание за животната средина и климата, во плановите за опоравување од пандемијата. „Сега е време за борба против пандемијата, но би треало да се подготвиме за реконструкција на нашите економии со воведување на планови за одржлив напредок“ велат министрите во текстот објавен на climatechangenews.com. „Мора да одолееме на искушението на краткорочните решенија како одговор на кризата која се заканува на повеќедецениско заробување на Европската унија во економијата на фосилни горива“ предупредуваат министрите. „Пораката која можеме да ја добиеме од актуелнава ситуација е дека мора брзо да се дејствува. Затоа, мора да ги задржиме амбициите и да ги намалиме ризиците и трошоците за неактивноста во областа на климатските промени и загубата на биодиверзитетот“, се вели во текстот. Тие повикуваат на „заеднички европски договор“ во рамките на „Зелениот договор“, кој веќе е најавен од страна на Европската комисија, и бараат „зголемување на инвестициите особено во областите на одржлива мобилност, обновливите извори на енергија, енергетска реконструкција на згради, истражување и иновации, заштита на биодиверзитетот и кружната економија“. „Мораме да покажеме дека ЕУ ќе биде пример и во овие тешки времиња, и ќе го трасира патот кон јаглеродната неутралност и исполнувањето на Парискиот договор за климата“ заклучуваат најодговорните за животната средина во ЕУ. Тоа се случува во ЕУ, кон која тежнеат големите продавачи на Македонија, но кај нас во однос на Екологијата, справување на „зелен“ начин со пандемијата, обновливи извори на енергија и заштита на економијата и стабилноста во државата е во однос на тоа ние ги имаме сите мерки повеќе од доволно исполнето ако прераскажуваме некој сон на Јани, ако збориме за реаланата состојба во Македонија ситуацијата е следна: Како што поминува време, повеќето луѓе заборавија како изгледа министерот за безживотна средина или неговиот многу популарен заменик што редовно плаче или спие по собраниските фотељи... Некои ќе заборават и кои се и како се викаат...Но, ние загриженото граѓанство кое редовно реагира по социјалните мрежи и гласно говори нема. -посочија од твитер заедницата Ги нема властите, нема никој, се заборавија и ПМ честичките и сите останати животно загрозувачки проблеми одеднаш... ги нема со денови како што минативе 4-ри години нема МЕРКИ за заштита на животната средина. Заменикот за (без)животна средина кој можевме да го видиме како спие низ собранието овој период го снема од видното поле на јавноста... нема повеќе причини за плачење и одеднаш го снема Јани, како што во годинешниот буџет нема пари за животната средина, го нема Јани како што нема нови садници, го нема Јани како што нема гасифицирани училишта и градинки, го нема Јани како што нема инспекција за животна средина, го нема Јани како што нема одговорност за загадувачите, го нема Јани како што нема нови урбанистички планови со 30% зеленило, го нема Јани како што нема селекција на отпад, го нема Јани како што нема мерења на загадувачите, го нема Јани како што нема филтри во РЕК, го нема Јани како што нема кој да ги регистрира, провери и санкционира исфрлањата на токсични матријали во водотоците ширум Македонија, едноставно ЈАНИ ГО НЕМА!!! -реагираат граѓаните во бура од лавини по социјалните мрежи. А кога подобро ќе се потсетиме за време на грејната сезона која само што помина, Јани беше сеприсутен по медиумите, иако не може да се посочи дека со тоа што беше присутен по медиумите и постојано фрчеше некаква прес конференција дека се случи или спроведе некоја мерка. Тоа скраја да е, далеку било... Јани во склоп на реагирањата на неговите партиски колеги гледа да го одржи степенот на незаинтересираност за граѓаните на Македонија на највисоко ниво и тоа му успева, исто како сега министерот за тендери Филипче, така Јани беше присутен секој ден по цел ден, на ТВ го видовме, ама мерки не се случија, ништо не се превзема и работите си останаа исти како и претходно исто како со сулфурот во екстралесното гориво... Го имаше секаде Јани, секаде можевме да го видиме, како што секаде имаше отпад и ѓубришта, како што имаше цела зима ПМ честички, го имаше Јани како што има загадени води и реки во Македонија, го имаше Јани како бучава од дискотеките која не стивнуваше секојдневно и по малку досадно. Но, тоа ништо не смени, пациенти продолжија да починуваат од загаден воздух, загадувачите работеа, отпадни води се исфрлаа и исто беше се како претходната зима, само воздух немаше и план за справување со проблемите на граѓаните. Службата во служба на граѓаните ја снема - посочуваат од твитер заедницата. Јани имаше и најава за План за чист воздух, еколошки проекти... Јани сигурно уште ги има плановите и сеуште зема плата од државните пари, сите ние сеуште му го плаќаме луксузот, стандардот и од нас и нашите платени даноци, нашите пари зема плата, ама само тоа е константа во оваа равенка, реализација на плановите НЕМА, подобрување во однос на ПМ честичките или не дај боже никакви мерки за подобрување на животната средина НЕМА... А кога станува збор за мерки за подобрување на квалитеот на (БЕЗ)животната средина, освен на ветувања, ветувања, ветувања, прес конференции исполнети со ветувања и уште малку ветувања нема на што друго да се сетиме во контекст на тоа што направи Јани... Дали после сето ова Јани заслужува да остане на истата позиција? Дали тие што го назначија и му дадоа функција треба да останат таму каде што се или се потребни промени и обнова на државата, подобри мерки и вистински мерки во справувањето со ПМ честички, со загадениот воздух, отпадните води и сето она што е дел од уништувањето на Македонија во зелениот, во делот на животната средина... НИЕ треба да одлучиме како граѓани и да осознаеме ама и да реагираме, бидејќи доколку тоа не се случи нема промена, нема обнова и следната есен и зима не очекуваат истите (НЕ) мерки истата (БЕЗ) животна средина и повторно ќе се гушиме, ќе се труеме и ќе ни се ослабува и имунитетот и организмот на секого од нас додека пак Јани повторно ќе биде сеприсутен и повторно ќе го слушаме на ТВ како ќе ни најавува што се ЌЕ направи... Да не оставиме на случајност, за нашите животи се работи... - реагираат по социјалните мрежи коментираат гласно граѓаните на Македонија, стои во нивниот пост на Фејсбук. https://www.facebook.com/permalink.php?story_fbid=218545196246860&id=109238533844194