Јаник Синер – Kurir.mk

Руне против Рубљов во финалето на Мастерсот во Монте Карло

Бошко Тасиќ — Sun, 16 Apr 2023 06:41:50 +0000

Данскиот тенисер Холгер Руне е вториот финалист на АТП мастерс 1000 турнирот во Монте Карло, откако во крајно интересен натпревар славеше над Италијанецот, Јаник Синер со 2-1 по сетови 1-6, 7-5 и 7-5. Италијанецот фуриозно го отвори натпреварот и брзо го освои првиот сет со 6-1. Сепак, Данецот заигра многу подобро во вториот сет кој го освои со 7-5 и израмни на 1-1. По голема борба во одлучувачкиот трет сет со истиот резултат успеа да стигне до конечен триумф и пласман во своето прво финале во Кнежевството. Таму за противник ќе го има Андреј Рубљов кој во првото полуфинале беше подобар од Тејлор Фриц од САД.

Циципас по пет сета го совлада Синер за четвртфинале во Мелбурн

Бошко Тасиќ — Sun, 22 Jan 2023 13:30:04 +0000

Грчкиот тенисер Стефанос Циципас се пласираше во четвртфиналето на Австралија Oпен, oткако по пет сета славеше над Јаник Синер (6-4, 6-4, 3-6, 4-6, 6-3). Мечот траеше нешто повеќе од четири часа, Циципас во четвртфиналето ќе игра со Јиржи Лехеко. Четврторангираниот светски тенисер до водство во сетови стигна по двата врзани брејка, а слична беше ситуацијата и во вториот сет. Гркот беше поконцентриран во клучните моменти и заслужено поведе со 2-0. Сепак, Синер покажа квалитет и ја врати неизвесноста на натпреварот. Во третиот сет славеше со 6-3, додека во четвртиот одново го исфрли од игра фаворизираниот противник и израмни на 2-2. Решавачкиот сет беше решен во шестиот гем, кога Циципас ја врати играта од првиот сет и успеа да ја зачува предноста до крајот. .

Италијанскиот тенисер Синер ќе го пропушти турнирот во Фиренца

Магдалена Андонова — Wed, 05 Oct 2022 09:00:50 +0000

Италијанскиот тенисер Јаник Синер нема да игра на АТП 250 турнирот во Фиренца (Италија) кој ќе се одржи од 10 до 16 октомври. – Разочарувачки е што морав да се повлечам од мечот во Софија. Зборував со докторот и тој ме советуваше да направам мала пауза за да заздрави скочниот зглоб. За жал, тоа значи дека ќе го пропуштам турнирот во Фиренца следната недела. Пропуштањето на турнирот во Италија е многу болно за мене… Но, сега е време да работам со мојот тим за да станам посилен. Се надевам дека ќе бидам подготвен за турнирите во Виена и Париз, напиша 21-годишниот играч на социјалните мрежи. На 1 октомври Синер не можеше да го доигра полуфиналниот меч на турнирот во Софија против Данецот Холгер Руне. При резултат 2:3 во решавачкиот сет падна, извртувајќи го скочниот зглоб и по неколку гема Италијанецот реши да се повлече. 12-от светски рекет. Јаник Синер се наоѓа на 12. место на АТП ранг-листата. (МИА)

Синер го освои турнирот во Умаг

Бошко Тасиќ — Mon, 01 Aug 2022 06:50:03 +0000

Италијанскиот тенисер Јаник Синер славеше во финалето на турнирот во Умаг, Хрватска против Карлос Алкараз со 2-1 во сетови, односно 6-7, 6-1 и 6-1. Битката меѓу едни од најталентираните тенисери почна израмнето, па првиот сет беше решен дури во тај-брејкот, каде што Шпанецот го искористи лошиот сервис на Синер.

Италијанецот потоа влезе во неверојатна серија и со три брејка го доби вториот сет со 6-1, а идентично беше и во третито сет, каде што повторно славеше со 6-1.

Синер пред мечот со Ѓоковиќ: Поминав низ многу четвртфиналиња

Дарко Андоновски — Tue, 05 Jul 2022 08:54:38 +0000

Италијанскиот тенисер Јаник Синер се осврна на претстојниот дуел со Србинот Новак Ѓоковиќ во четвртфиналето на Вимблдон. – Се разбира, оваа година покажав дека имам постојаност. Поминав многу четвртфиналиња, многу кола од осминафиналните фази. Мислам дека физички се подобрив. Ако победувате на Грен слем турнири и продолжите во втората недела, значи сте и физички подготвени, изјави Синер. Дваесетгодишниот Италијанец Синер кој го победи Шпанецот Карлос Алкарас во четвртото коло на Вимблдон (6:1, 6:4, 6:7 (8:10), 6:3), во четвртфиналето на турнирот ќе игра со Ѓоковиќ, прв фаворит за трофејот. Синер е 10-ти носител. Мечот е закажан за денес со почеток во 14:30 часот.

Синер го елимираше Алкараз за пласман во четврт-финалето на Вимблдон

Бошко Тасиќ — Sun, 03 Jul 2022 19:05:33 +0000

Италијанскиот тенисер Јаник Синер, кој е десетти носител, се пласира во четврт-финалето на Вимблдон. Тој го совлада Карлос Алкараз со 3:1 во сетови (6:1, 6:4, 6:7, 6:3) и обезбеди трето четвртфинале на грен-слем турнир во кариерата. Белгискиот тенисер Дејвид Гофан се пласираше во четвртфиналето откако по пет сета го совлада Американецот Френсис Тијафо со 7:6, 5:7, 5:7, 6:4, 7:5. Гофан во четвртфиналето ќе игра против Британецот Камерон Нори, кој го победи Американецот Томи Пол со 6:4, 7:5, 6:4. Тој стана првиот британски играч кој стигнал до четвртфиналето по Енди Мареј во 2017 година.

Кирјос беше казнет со гем против Синер, по мечот го навреди судијата

Ивона Петрова — Wed, 30 Mar 2022 06:46:21 +0000

Судијата Карлос Бернардес го казни австралискиот тенисер Ник Кирјос со гем за време на вчерашниот меч од четвртото коло на Мастерсот во Мајами против Јаник Синер. Ова се должи на трите опомени во текот на првиот сет, кој Кирјос го загуби во тај-брејк. Австралиецот ја доби првата опомена за непристојни зборови. За време на тај-брејкот фрли рекет во теренот, но не беше казнет поради тоа. Сепак, при 3:5, Бернардес му упати втора опомена за неспортско однесување. Судијата сметаше дека Кирјос навредувал гледач кога разговарал со некого на трибините. Откако го загуби тај-брејкот, Кирјос побара објаснување од судијата за второто предупредување. Кога Бернардес го искажа своето гледиште (дека зборува за него и генерално премногу зборува), Австралиецот си го скрши рекетот. За ова доби трета опомена и игра казна. Како резултат, Синер излезе на сервирање при резултат 1:0. Кога требаше да започне вториот сет, на теренот истрча навивач, кој сакаше да направи селфи со Кирјос. Тој бил пресретнат од обезбедувањето. По мечот кој заврши со 7:6 и 6:3 за Синер, Кирјос не се ракуваше со судијата и го нарече „за.бан ретард“. Вториот збор е погрден термин за лицата со пречки во развојот. Поради ова Кирјос се соочува со нова казна.