Јанис Адетокунбо – Kurir.mk

Адетокунбо се искачи на првото место во историјата на Милвоки по одиграните натпревари

Ивона Петрова — Mon, 20 Mar 2023 11:12:11 +0000

Грчкиот кошаркарски репрезентативец Јанис Адетокунбо стана играч со најмногу натпревари во историјата на Милвоки. Тој досега има 712 натпревари за Бакс. Рекорден за грчкиот играч беше натпреварот со Торонто (118:111) одигран ноќеска на домашен терен. Големата НБА-ѕвезда го помина Јуниор Бриџмен кој кариерата ја заврши со 711 натпревари за Милвоки. Од сегашните играчи на Бакс, Крис Мидлтон е на 4. место на вечната листа со 651 натпревар. Дваесет и осумгодишниот Адетокунбо води во историјата на клубот и по асистенции (3. 332), блокади (901) и поени (16. 071) во клупската историја.

Адетокунбо постави рекорд, па се повреди (ВИДЕО)

Ристе Здравков — Fri, 17 Feb 2023 11:02:04 +0000

Во текот на ноќта се одиграа три натпревари во НБА лигата, а ударна вест во САД е повредата на еден од најдобрите кошаркари на денешницата, Јанис Адетокунбо. Милвоки гостуваше во Чикаго, а Јанис на паркетот мина само девет минути. Тој го започна натпреварот и излета на крајот од првата четвртина, а набрзо по враќањето во игра на почетокот на втората четвртина се здоби со повреда на зглобот. Коби Вајт отиде на леј-ап, Јанис се обиде да го блокира, а при падот ја повреди раката и мораше да го напушти паркетот, а уште се чекаат вести за тежината на повредата. Адетокунбо овој меч го заврши со 2 поени и 7 скока, но благодарение на 3 асистенции го собори рекордот на Милвоки. Одличниот Грк сега има 3.274 асистенции на своето конто и го мина Пол Преси кој во периодот од 1982 до 1990 година запиша 3.272 асистенции за Бакс. Милвоки го победи Чикаго со 112:100 благодарение на 33 поени на Брук Лопес, додека на другата страна Никола Вучевиќ постигна 22 поени со 16 скока.

Адетокунбо: Би било одлично да бидам знаменосец на Олимпијадата во 2024 година

Магдалена Андонова — Wed, 12 Oct 2022 07:33:28 +0000

Суперѕвездата на Милвоки и Грција, Јанис Адетокунбо изрази желба да биде знаменосец на грчката делегација на Олимпијадата во 2024 година. – Ќе имаме две добри шанси да освоиме медали – на Светското првенство и, се надевам, на Олимписките игри. Ние изградивме посебен тим. За Бакс играм 10 години, но да носам репрезентативен дрес е посебна чест. Можеби е повозбудливо, им носиме радост на милиони фанови. Никогаш во животот не сум почувствувал толкава љубов од целиот свет. Навивачите не следеа каде и да одевме. Од Мадрид каде одигравме пријателски натпревари до Милано и Берлин каде се одржа Евробаскетот. Како што напишав на социјалните мрежи, ова лето повторно се заљубив во кошарката. Би било одлично да бидам знаменосец на Олимпијадата во 2024 година, но пред тоа мораме да направиме нешто за да го постигнеме тоа, изјави Јанис. Дваесет и седумгодишниот Адетокунбо кој е по потекло од Нигерија, со Милвоки бакс во 2021 година ја освои НБА-лигата. Истата сезона тој беше прогласен за МВП во најсилната кошаркарска лига на светот. (МИА)

Адетокунбо: Задоволство ми е да играм за грчката репрезентација

Бошко Тасиќ — Thu, 08 Sep 2022 06:25:05 +0000

Јанис Адетокунбо е среќен поради настапите во репрезентативниот дрес по пауза од три години. – Се трудам да не ги оценувам моите настапи. Само се трудам да се забавувам што повеќе од играта. Секој натпревар е различен. Секогаш кога ќе излезам на паркетот, ова е ново искуство за мене, кое ми останува во сеќавање. Но, признавам дека оваа година сум многу среќен што сум заедно со моите соиграчи од репрезентацијата. Не знам што точно е причината. Можеби затоа што не сме играле од 2019 година. Можеби се работи за тренерот Итудис и како тој ме мотивира. Но, мило ми е за секоја можност да одам на паркетот со моите соиграчи - изјави Јанис. Грција е лидер во Ц-групата со максимални четири победи и обезбеден пласман во осминафиналето на Европското првенство 2022.

Адетокунбо: Не сум најдобар кошаркар на светот

Ивона Петрова — Mon, 08 Aug 2022 10:21:29 +0000

Ѕвездата на Милвоки бакс и репрезентативец на Грција, Јанис Адетокунбо, не се гледа себе си како најдобар кошаркар на планетата. Тој побара медиумите да не го нарекуваат најдобар играч на светот. – Тренерот не треба да приспособува 11 играчи за мене. Не се работи за мене. Самиот сум подготвен да се прилагодам на секого, ќе направам сè што му треба на мојот тим. Ако треба ќе одам на позицијата пет. Во моментов грчката репрезентација сè уште не е подготвена да се бори за медал. Но, имаме шанса. Кога ја започнавме сезоната со Милвоки, не се надевавме да освоиме шампионска титула. Но, работевме напорно и победивме. Јас не сум најдобриот играч на светот. Не ми кажувајте дека јас сум тие“, рече Адетокунбо. Како дел од грчката репрезентација, двоккратниот МВП на НБА-лигата се подготвува за претстојното Европското првенство.

НБА: Рекорд на Адетокунбо

Тале Кристо — Fri, 01 Apr 2022 07:39:41 +0000

Кошаркарите на Милвоки го совладаа синоќа по продолжение Бруклин со 120-119, во натпревар во кој Јанис Адетокунбо стана најдобар стрелец во историја на „Бакси“, пред легендарниот Карим Абдул – Џабар. Грчкиот кошаркар влезе во натпреварот со 14.172 поени, а клупскиот рекорд го постигна со тројка на 18 секунди пред крајот на регуларниот дел со која донесе продолжение. Адетокунбо сега е прв стрелец во историјата на Милвоки со 14.216 кошеви, пред Џабар со 14.211 поени. Резултати од натпреварите во НБА лигата одиграни ноќта меѓу четвртокот и петок: Детроит – Филаделфија 102-94, Атланта – Кливленд 131-107, Бруклин – Милвоки 119-120, Чикаго – ЛА Клиперс 135 – 130, Јута – ЛА Лејкерс 122-109.

Адетокунбо со дабл-дабл го предводеше Милвоки до првиот триумф во НБА-финалето

Ивана Ефремовски — Mon, 12 Jul 2021 07:14:42 +0000

Првата ѕвезда на Милвоки бакс, Јанис Адетокунбо е најзаслужниот за победата на неговиот тим извојувана ноќеска на домашен терен против Феникс санс со 120:100. Гркот натпреварот го заврши со дабл-дабл ефект (41 поен и 13 скока). – Знаевме дека мора да излеземе, да покажеме добра кошарка и да се бориме со сите сили. Се подобривме откако го загубивме првиот натпревар. Сега се подобривме во споредба со вториот натпревар, изјави Адетокунбо. Во серијата прв до четири победи Феникс води со 2:1. Големото финале од НБА-лигата продолжува на 15 јули со четвртиот меч кој ќе се игра на теренот на Милвоки.

Мали се шансите Адетокунбо да настапи на првиот натпревар од финалната серија

Ивана Ефремовски — Tue, 06 Jul 2021 07:04:46 +0000

Првата ѕвезда на Милвоки бакс, Јанис Адетокунбо, најверојатно ќе го пропушти првиот натпревар од финалната серија во НБА-лигата против Феникс санс. За време на четвртиот натпревар во серија против Атланта во источното финале, Гркот го повреди левото колено. Оттогаш закрепнува од повредата. Според главниот тренер на Милвоки, Мајк Буденхолцер, во понеделникот Адетокумбо беше во можност да работи одделно од тимот на теренот. Не се соопштија детали за какви вежби и движења во оваа фаза може да изврши двократниот МВП. -Тој помина убав ден. Постигна добар напредок, кусо информира Буденхолцер. Големото финале во НБА-лигата ќе стартува ноќеска во 3 часот по полноќ на теренот на Феникс санс. Шампион ќе биде тимот кој прв ќе дојде до четири победи.

Милвоки загуби од Атланта, овој играч се повреди и не го доврши натпреварот

Магдалена Андонова — Wed, 30 Jun 2021 07:28:07 +0000

Јанис Адетокунбо го повреди коленото и не беше во можност да го продолжи четвртиот натпревар финалето на Источната конференција во НБА-лигата. Атланта победи со убедливи 110:88 и изедначи на 2:2 во серијата прв до четири победи. Лидерот на Милвоки, Адетокунбо го повреди левото колено по судирот со центарот на Хоукс, Клинт Капела во средината на третата четвртина. Адетокумбо сам го напушти теренот, но не беше во можност да ја продолжи играта. Гркот за 24 минути постигна 14 поени и 8 скока. Атланта играше без својот најдобар кошаркар, Треј Јанг кој е повреден. (МИА)

Адетокунбо постави антирекорд во кариерата на мечот против Мајами

Магдалена Андонова — Tue, 01 Sep 2020 09:13:26 +0000

Кошаркарот на Милвоки, Јанис Адетокунбо, постави анти-рекорд на првиот натпревар од полуфиналето во Источната конференција против Мајами (104:115). Најдобриот играч на НБА-лигата за сезоната 2018/19, реализира само четири од 12 слободни фрлања, што е негов најлош рекорд во плејофот. На крајот од мечот, Адетокунбо стигна до 18 поени, 10 скока и 9 асистенции. Вториот натпревар од серијата Милвоки – Мајами ќе се одржи на 3 септември. (МИА)