Јанис Антетокумпо – Kurir.mk

Антетокумпо со урнебесна порака до Ал Хилал: Земете ме мене, личам на Мбапе!

Ристе Здравков — Mon, 24 Jul 2023 19:11:36 +0000

Грчката НБА-ѕвезда Јанис Антетокумпо испрати урнебесна порака до саудиски Ал Хилал, откако денеска овој клуб испрати понуда која е светски рекордна од 300 милиони евра за да го купи Килијан Мбапе од Пари Сен Жермен, а на Французинот му нуди 700 милиони евра за една година. Додека трае сагата за француската суперѕвезда, а саудијците се надминаа со понудата која практично не се одбива, Антетокумпо на Ал Хилал му порача дека може и него да го земат, зашто – личел на Мбапе. „Ал Хилал може мене да ме земете. Личам на Мбапе“, објави Антетокумпо.

Al Hilal you can take me. I look like Kylian Mbappe 😂😂👀 pic.twitter.com/VH0syez3VX
— Giannis Antetokounmpo (@Giannis_An34) July 24, 2023

НБА: Антетокумпо излезе од карантин

Ивона Петрова — Sat, 25 Dec 2021 11:30:58 +0000

Најдобриот кошаркар на шампионот Милвоки, Јанис Антетокумпо, излезе од безбедносниот и здравствен протокол што го пропишува НБА лигата и ќе може да настапи за својот тим веќе на следниот натпревар против Бостон на домашен терен. Грчката кошаркарска ѕвезда отсуствуваше од тимот од 15 декември, а Милвоки во тој период одиграа пет натпревари од кои два загуби. Милвоки со ефект од 21-13 во моментов е на третото место во источната конференција зад Бруклин (21-9) и Чикаго (19-10), чиј тренер Били Донован во петокот влезе во здравствено – безбедносниот протокол. Антетокумпо сезонава досега одигра 26 натпревари со ефект е 27 поени по натпревар, 11.6 скокови, 5.8 асистенции и 1.6 блокади.

Фантастична вечер за Антетокумпо во НБА лигата

Тале Кристо — Sun, 21 Nov 2021 10:36:10 +0000

Актуелните НБА шампиони, кошаркарите на Милвоки, забележаа домашна победа над Орландо со 117-108, предводени од незапирливиот Јанис Антетокумпо, кој постигна 32 поени, додавајќи и 20 скокови. Грчкиот кошаркар со нигериско потекло стана само вториот кошаркар во историјата на НБА лигата по Вили Наулс во 1959 година, со ефект од 30 поени, 20 скокови и пет асистенции за помалку од 35 минути игра. Антетокумпо мина на паркетот против Орландо 30 минути и во својот ефект додаде и три блокади и две „украдени“ топли. Резултати од натпреварите во НБА лигата одиграни ноќта меѓу саботата и недела: Индијана – Њу Орлеанс 111-94 Вашингтон – Мајами 103-100 Њујорк – Хјустон 106-99 Аталанта – Шарлот 115-105 Бостон – Оклахома 111-105 Милвоки – Орландо 117-108 Минесота – Мемфис 138-95 Портланд – Филаделфија 118-111 Сакраменто – Јута 105-123.

Јанис со „трипл-дабл“ во победата над Портланд

Ивона Петрова — Fri, 22 Nov 2019 07:48:47 +0000

Јанис Антетокумпо го запиша својот втор „трипл-дабл“ за сезоната, а Милвоки забележа нова победа, овој пат против Портланд во 137:129. Суперsвездата заврши со 24 поени, 19 скокови и 15 асистенции и стана првиот играч во историјата на тимот со индикатори од најмалку 20-15-15. Си Џеј МекКулум ги предводеше Трејлблејзерс со 37 поени и Кармело Ентони додаде 18, но недостатокот на повредените Дамјан Лилард, Хасан Вајтсајд и Зак Колинс го стави тимот во тешка ситуација. Гостите сепак се бореа цврсто и во средината на последната четвртина се приближија на 117:115, но тројки на Брук Лопез и Весли Метјус решија сè. Милвоки го подобри својот баланс на 12-3, додека Портланд има само 5-11. Во вториот натпревар за вечерта, Брендон Инграм постигна 15 од своите 28 поени во последната четвртина за да им овозможи на Њу Орлеанс да ја освојат својата посета кај Феникс со 124:121. Тоа беше трет последователен успех на „пеликаните“, а за „сонцата“ ова беше трет последователен пораз.