јанша – Kurir.mk

Логар: Јанша не и наштети на Словенија со твитовите за американските избори

Тале Кристо — Wed, 11 Nov 2020 12:18:26 +0000

Шефот на словенечката дипломатија Анже Логар денеска ги негираше тврдењата на опозицијата дека твитовите на премиерот Јанез Јанша за американските избори се „дипломатско фијаско“ и „срам“ за земјата. Јанша веднаш по завршувањето на американските избори на Твитер ја поздрави победата на Доналд Трамп, а по прогласувањето на Џо Бајден за победник, словенечкиот премиер не му честиташе, тврдејќи дека е прерано. Логар наведе дека тврдењата на опозицијата повеќе ја осрамотуваат Словенија отколку твитовите на Јанша. Тој додаде дека Владата на Јанша во односите со САД и позицијата на земјата во Европска Унија направила многу повеќе отколку левичарските влади изминатите години.

Јанша ги смени првите луѓе на словенечката полиција, војска и разузнавачките служби

Тале Кристо — Sat, 14 Mar 2020 14:05:27 +0000

Само неколку часови откако ја презема премиерската функција, Јанез Јанша ги смени првите луѓе на словенечката полиција, армија и разузнавачките служби. Како што јави дописникот на МИА од Љубљана, сменета е директорката на полицијата Татјана Бобнар, а на нејзино место е именуван Антон Травнер. Досегашниот началник на Генералниот штаб на армијата Аленко Ерменц си заминува од позицијата, а ќе го наследи Роберт Главаш. Трет во првиот бран промени е и директорот на Безбедносно-разузнавачката служба Дејан Милиевич, а на таа позиција веднаш именуван Андреј Осолник. Новите министри денеска имаат состаноци со оние кои заминуваат и практично ги превземаат кабинетите и функциите.

Јанез Jанша се мајтапи со Заев: Досието со изборни измами на премиерот сакан од ЕУ

Љупчо Цветаноски — Sun, 26 Jan 2020 08:50:01 +0000

Лидерот на десничарската Демократска партија во Словенија и поранешен премиер Јанез Јанша ги коментира на Твитер последните информации за изборни нерегуларности во Македонија, што ги објави новинарот Ларис Гајсер во италијанскиот весник „Ла верита“. Јанша се потсмева со европарламентарката Тања Фајон и лидерот на словенечките социјалисти Дејан Жидан, нарекувајќи го Заев „близок пријател“ на оваа двојка, која од петни жили го помагаше доаѓањето на власт на лидерот на СДСМ во Македонија и промената на името на државата. Јанша додава дека за овие луѓе и опцијата што ја застапуваат „победата на фер избори никогаш не била опција“ и дека тоа е така е во Словенија, Романија, Малта, а ете и во Македонија. „Досието со изборни измами во Македонија на премиерот сакан од ЕУ“.