јапонски цреши – Kurir.mk

Цветањето на јапонските цреши оваа година започна најрано во последните 70 години

Ивона Петрова — Wed, 31 Mar 2021 07:49:02 +0000

Цветањето на јапонските цреши оваа година започна најрано во последните седум децении, а експертите наведуваат дека причина за тоа најверојатно се климатските промени. Цветањето на црешите го следи Јапонската метеоролошка агенција речиси 70 години, а забележано е дека првата цреша оваа година процветала во Кјото на 26 март. Слични рекорди се регистрирани во повеќе десетици градови низ земјата. Цветот на црешата „сакура“ вообичаено цвета во април, кога Јапонија го слави почетокот на новата учебна и работна година. Но сега повеќето дрвја процветале пред првиот училишен ден. Научникот за заштита на животната средина во Осака, Јасујуки Аоно, кој ги следи историските документи, изјави дека најраното цветање пред оваа година било на 27 март во 1612, 1409 и 1236 година.

Општина Центар ги исече јапонските цреши во центарот на Скопје, револтот кај граѓаните се повеќе расте (ФОТО)

Дарко Андоновски — Fri, 15 Nov 2019 09:37:48 +0000

Општина Центар се одлучи да ги исече до корен јапонските цреши кои цветаа секоја пролет во Скопје и го разубавуваа центарот на градот. Станува збор за 13 стебла на цреши кои се наоѓаат на пешачката улица Максим Горки. Негативните коментари веднаш започнаа да се шират на социјалните мрежи, како и револтот и разочараноста на граѓаните кон надлежните расте. Познатиот режисер Владимир Милчин, пак, го изрази својот револт на фејсбук. –Паднаа јапонските цреши. Сабајлево. Соголена е најубавата улица. Горки. Без најава. Прашувам еден од работниците кој им наредил да сечат, ми вели: Зоран Заев. Градоначалникот Богдановиќ ми вели дека дрвјата биле болни и дека ќе насаделе нови! Пролетоска речиси сите процутеа…, напиша Милчин.