јар – Kurir.mk

Масовно труење со гас во ЈАР, починаа најмалку 16 лица

Катерина Бојаџиева — Thu, 06 Jul 2023 10:09:39 +0000

Најмалку 16 лица загинаа во населба во Јужна Африка по труење со гас, изјави денеска шефот на владата на провинцијата Гаутенг, Пањаза Лесуфи. Претходно локалната служба за итни случаи соопшти дека 24 лица загинале поради истекување на гас. „Телата на жртвите се расфрлани по тоа подрачје, а најмладата жртва има една година“, рече Лесуфи. Тој наведе дека во тек се истраги за да се утврди каков тип на гас ја предизвикал несреќата што се случи во средата. Лесуфи го посети местото на несреќата, населбата Уџерица кај Боксбург, источно од Јоханесбург. Медиумите објавија дека гасот истекол од боца, која се користи за нелегално одвојување на златото од јаловина. Во декември, во експлозија на цистерна со гас во Боксбург загинаа десет лица, исто толку беа повредени, а беа уништени куќи и возила.

УЖАС: Во поплавите во ЈАР досега загинаа 253 лица

Ивана Ефремовски — Wed, 13 Apr 2022 14:56:20 +0000

Бројот на загинати од поројните дождови и поплавите во јужноафриканската провинција Квазулу-Натал достигна 253, соопшти денеска Номагугу Симелане, шеф на здравствената служба во покраината. За 24 часа наврнале околу 300 мм дожд во областа Дурбан, што е двојно повеќе од претходниот рекорд. Катастрофата беше предизвикана од суптропски циклон, невообичаен за овој регион. Првично беа пријавени 60 жртви. Владата на Квазулу-Натал ги прогласи погодените области за зона на катастрофа. Претседателот Сирил Рамапоза пристигна на местото на настанот за да дознае за последиците од катастрофата. На погодените од природната несреќа им е обезбедено привремено сместување, храна и медицинска помош. Како што западните медиуми, редок метеоролошки феномен е забележан во Јужна Африка од 8 април, кога поради влијанието на студените воздушни маси на Антарктикот над земјата се надвисна студен циклон со обилни врнежи. Најмногу настрадаа југоисточните региони, главно провинцијата Квазулу-Натал. Метеоролошката служба на Јужноафриканската Република предупреди на нови врнежи. (МИА)

ЈАР: Наместо пофалби, светот ја казнува ЈАР за откривањето во рана фаза на нова мутација на коронавирусот

Ивана Ефремовски — Sat, 27 Nov 2021 15:40:53 +0000

Јужноафриканската Република (ЈАР) денеска оцени дека е казнета поради способноста рано да открие нови варијанти на Ковид-19, бидејќи забраните и ограничувањата за патување, кои ги воведоа многу земји поради новата варијанта на коронавирусот -омикрон, се закануваат да му наштетат на туризмот и другите сектори. ЈАР има некои од водечките светски епидемиолози и научници, кои успеале да откријат нови варијанти на коронавирусот и нивните мутации во рана фаза од нивниот животен циклус. Варијантата омикрон првпат беше откриена во ЈАР, а потоа е идентификувана и во Белгија, Боцвана, Израел и Хонг Конг. „Оваа последна рунда забрани за патување е поврзана со казнување на ЈАР за нејзиното напредно геномско секвенционирање и можноста за побрзо откривање на нови варијанти“, објави јужноафриканското Министерство за меѓународни односи и соработка. На одличната наука треба да и се аплаудира, а не да се казнува, се наведува во соопштението. Многу земји побрзаа вчера и денеска да објават ограничувања за патување во ЈАР и другите земји во регионот. (МИА)

ЈАР ги престигна Мексико и Чиле според бројот на заболени од коронавирус

Ивона Петрова — Fri, 17 Jul 2020 05:49:09 +0000

Република Јужна Африка ги надмина Мексико и Чиле според бројот на потврдени случаи на заразени со коронавирус. Според Министерството за здравство на Јужна Африка и американскиот универзитет „Џон Хопкинс“, Јужна Африка сега е шестата земја во светот според бројноста на заразени лица. Од почетокот на пандемијата во оваа земја се регистрирани 324.221 лица со коронавирус, што е повеќе од половината од заразените на целиот африкански континент, пренесуваат американските медиуми. Според Министерството за здравство, од почетокот на пандемијата се регистрирани 4.669 смртни случаи поврзани со коронавирус. Епицентарот на вирусот е провинцијата Готенбург, која ги вклучува големите градови Јоханесбург и Преторија. Во оваа провинција, каде што живее четвртина од вкупното население во ЈАР, од почетокот на пандемијата се регистрирани повеќе од 117. 000 случаи на коронавирус.

Делови од ЈАР под снег

Предраг Кукиќ — Mon, 10 Sep 2018 13:11:25 +0000

Во југозападните делови од Јужноафриканската Република падна снег. Жители на Вестерн Кејп и Лесото објавија фотографии на социјални мрежи од таа неочекувана состојба на времето. На фотографиите може да се видат слонови и жирафи како се пробиваат низ дрвја покриени со снег. (МИА)