Јасен Петров – Kurir.mk

Грузијците ги растурија на домашен терен – си поднесе оставка бугарскиот селектор кој викаше дека примиле смешен гол од Македонија

Магдалена Андонова — Mon, 06 Jun 2022 17:51:16 +0000

Селекторот на фудбалската репрезентација на Бугарија, Јасен Петров, поднесе оставка на должноста ден по високиот пораз на домашен терен од Грузија (2-5) во второто коло од групата 4 во Ц-дивизијата во Лигата на нации. Претходно минатата недела Бугарија во првото коло, исто така, на домашен терен одигра нерешено против македонската репрезентација (1-1) и е претпоследна во групата пред гостувањето во Гибралтар в четврток. – Мојот морал не ми налага ништо друг освен оставка. Преземам целосна одговорност, изјави Петров, кој седеше на селекторското столче од јануари лани. До назначување нов селектор репрезентативното кормило ќе го преземе техничкиот директор Георги Иванов. (МИА)

Бугарскиот селектор: Видовте какви играчи има Македонија

Ристе Здравков — Fri, 03 Jun 2022 06:20:02 +0000

На отворањето на новата сезона во Лигата на нации, Бугарија и Македонија ремизираа во соседското дерби во Разград, натпревар кој беше одбележан од лошиот старт на нашите избраници и јасната доминација во вториот дел. За жал, Македонија не ги искористи своите шанси во вторите 45 минути и не успеа да направи целосен пресврт против Бугарија, па така новото натпреварување го почнува со еден освоен бод на првото гостување. Боби Милевски нагласи дека Македонија заслужи да оствари победа, додека противничкиот селектор Јасен Петров заклучи дека овој тим на Македонија е максимално добар и организиран и е составен од играчи кои се дел од големи тимови. – Нашата желба беше да победиме, но вистината е дека сретнавме со многу добро воигран тим. Понекогаш не можевме да се најдеме на средината на теренот, едноставно не можевме да ги задржиме на почетокот на второто полувреме. Правевме и многу едноставни грешки и свесен сум дека овој тим може повеќе. Момците сакаа да победат, но доста брзаа со одлуките. – Идејата беше да играме убав фудбал, но реалноста ја гледате и вие. Тие имаат многу добри играчи кои играат во силни тимови, Македонија дефинитивно е добар и оформен тим, – изјавил Петров пред бугарските новинари.

Петров: Не сум политичар, на дуелот со Македонија влегуваме спортски и на победа

Бошко Тасиќ — Wed, 01 Jun 2022 15:07:36 +0000

Бугарија и Македонија утре го играат мечот од првото коло во Лигата на нации, селекторот на бугарската репрезентација не гледа политика, не е политичар, на средбата и пристапува фудбалски и спортски, и сака победа. Јасен Петров порача дека ниту е политичар, утре ќе се игра фудбал, а сака победа на Бугарија. „Фудбалот е најважната игра, ги радува луѓето и на фудбалот гледаме само како игра. Јас не сум политичар, ниту имам намера да делам политика, Бугарија и Македонија утре играат фудбалски натпревар. Велат, Македонија е фаворит, добро, но и ние имаме наши адути, кои ќе ги покажеме на натпреварот. Сите мечеви ни се еднакво важни, не ги делиме на помалку или повеќе важни, Македонија заслужува респект, но ние сакаме да победиме“ – рече селекторот Петров.

Бугарскиот селектор за ждрепката во Лигата на нации: Првото место е реален дострел

Ристе Здравков — Thu, 16 Dec 2021 20:58:33 +0000

Македонската фудбалска репрезентација денеска ги доби противниците во новото издание на Лигата на нации, а од шеширот со најквалитетни селекции ја добивме Бугарија. Нашиот источен сосед нема забележителни резултати последниот период, па делува како соодветен противник на избраниците на Благоја Милевски, а бугарскиот селектор Јасен Петров смета дека неговата селекција има право да се надева на првото место во групата. – Ждрепката ја оценувам како позитивна и поволна за нашата репрезентација. – Не треба никого да потценуваме, секого почитуваме, но сметам дека имаме шанса да го освоиме првото место. – Предизвик ќе биде тоа што ќе треба да одиграме три натпревари по ред, но подготвени сме за тоа што треба да го направиме, – изјавил Петров коментирајќи ја ждрепката во Нион. Покрај Македонија и Бугарија, во истата група од Ц лигата се и Грузија и Гибралтар.