јасен – Kurir.mk

Мицевски: Нашиот став за Законот за одбрана е јасен и непроменет

Тале Кристо — Fri, 24 Jan 2020 14:44:53 +0000

Координаторот на пратеничката група на ВМРО-ДПМНЕ Никола Мицевски денеска истакна дека нивниот став во однос на членството на НАТО и Законот за одбрана е непроменет и јасен. – Не можеме да прифатиме обезличување на Армијата на Република Македонија, нешто што никој не го бара од нас. Впрочем поради таа работа ние поднесовме идентичен закон, тој што е отфрлен од страна на власта и во кој што единствена разлика беше непромената на името на Република Македонија, рече Мицевски, како одговор на прес-конференцијата на пратеникот Хари Локвенец од СДСМ. ВМРО-ДПМНЕ, потсети тој, ниту го поддржа Преспанскиот договор, ниту ги гласаше уставните измени, па така нема да гласа ниту за промена на името на Армијата.

Движење на возилата низ Јасен

Ристе Здравков — Tue, 02 Oct 2018 13:20:28 +0000

Патниот правец Скопје - Македонски Брод преку националниот парк Јасен од вчера е отворен за движење од 7:30 до 8:30 и од 14:30 до 15:30. Во правец од Македонски Брод кон Скопје отворен за сообраќај е од 6.00 до 7.00 часот и од 16.00 до 17.00 часот.

Нетпрес: Поранешни политичари масакрирале дивеч во Јасен

Ивона Петрова — Thu, 05 Apr 2018 17:35:52 +0000

Во саботата на 31. март, за само неколку часа се отстрелани 57 диви свињи, од кои 21 трофејна, иако ловот на крупен дивеч во ловиштето „Јасен“ завршува заклучно со 31. јануари. Дел од ловџискиот тим за „масакр“ биле и Хари Костов (поранешен премиер и министер во МВР), Нано Ружин (поранешен амбасадор) и Бранко Бојчевски (поранешен директор на Бирото за јавна безбедност). За своето задоволство групата ловџии платиле само 2400 евра, пишува порталот Нетпрес. Порталот пишува дека „Јасен” управува со 32 000 хектари ловиште и затворено ловиште од над 6000 хектари. Ловџии од САД и Русија, а во последно време и од европските земји, се чести гости во ловиштето. Поради големиот интерес на ловџии од странство, македонските државни ловишта во последните три години се најпосетени на Балканот. Ловот во Јасен се спроведува исклучиво врз основ на годишни договори со лиценцирани тур-оператори од светот. Во договорите се дадени ловни пакети за определени видови на дивеч и термини кога ловот ќе може да се реализира. Најмалата трофејна вредност што се плаќа во Јасен е 400 евра за отстрел на дива свиња, но нејзин максимум е околу 6.500 евра во зависност од трофејната вредност на уловениот дивеч. Цената за лов на дива коза е од 2.500 до 4.000 евра. Најскап е ловот на еленот – цените се движат од 1.500 до 17.000 евра. Со склучување на договорот на ловецот му се обезбедени таксите за влез во државата, формалностите околу ловното оружје, транспортот до ловниот дом и назад, сместување како и животно осигурување кое секој посетител на Јасен автоматски го добива.