Вистината за ДУИ: Шефот на кабинетот се почестил со 4 лап-топа и еден таблет

Катерина Бојаџиева — Thu, 22 Mar 2018 13:31:29 +0000

Во рамките на кампањата „Вистината за ДУИ“, портпаролот на Општина Гостивар, Јасин Демири, на денешната прес-конференција информираше за два случаи на флагрантно кршење на процедурите и за злоупотреба на работите на Општина Гостивар, од страна на шефот на кабинетот на поранешниот градоначалник Невзат Бејта. “На 18.10.2013 Општина Гостивар се снабдела со Таблет - Aplle iPad во вредност од 42.901 без отворен тендер. Приемот на стоката го потпишал шеф на кабинетот на поранешниот градоначалник со напомена дека таблетот се наоѓа во неговата канцеларија, но тој таблет, истото лице не го предало при напуштање на канцеларијата. Во случајов има две сериозни повреди, односно необјавување на тендер за јавна набавка со вредност повисока од 30.000 и класична кражба на општински ствари“, истакна Демири. Понатаму тој информираше за друг случај, каде што е направена уште по тешка злоупотреба. Поточно станува збор за злоупотреба на средства во износ од 321.300 денари (или над 5.000 евра). “Општина Гостивар на ден 17.10.2013 година се снабдела со 4 лап-топаа по поединечна цена од 76500 денари плус ДДВ. Никој досега не ги видел тие лап-топи во општината и не се знае каде завршиле истите. Иако не стои потпис, се знае дека ги примил шефот на кабинетот на поранешниот градоначалник Невзат Бејта“, рече портпаролот на општината. “За тоа каде завршиле четирите лап-топа и Таблетот, ќе треба да даде отчет поранешната раководна структура на Општина Гостивар, и пред општинската администрација и пред истражните органи“, рече на крајот на прес-конференцијата портпаролот Демири.

„Вистината за ДУИ”: Бејта издавал решенија за легализација без потпис на шефот на урбанизам

Ивона Петрова — Thu, 22 Feb 2018 14:25:57 +0000

На денешната прес-конференција во рамките на кампањата „Вистината за ДУИ”, портпаролот на општина Гостивар, Јасин Демири, преку службени документи обелодени случаи на флагрантни прекршоци во сферата на урбанизмот од страна на поранешниот градоначалник на Гостивар, Невзат Бејта. -Како прво, ве потсетуваме дека кога Невзат Бејта беше министер за локална власт во 2011 година, на владин состанок тој побара да му се одземат надлежностите во сферата на урбанизмот на Општина Гостивар кога со неа раководеше Руфи Османи. Тогашната влада ВМРО-ДУИ истото и го направи на 29 јануари 2012 година, токму во времето кога во сила беа два паралелни закони, односно Законот за градење и Законот за легализација на бесправно изградени објекти. Во тоа време, инспекторите евидентираа 52 објекти во изградба, без соодветна документација, а истите објекти до ден денес имаат проблеми со решавање на правниот статус. Односно за сите овие објекти беа составени Записници и Решенија за рушење и се евидентираат како дивоградби кои треба да се рушат, што подразбира дека не можат ниту да се легализираат, ниту за нив да се издаде градежна дозвола, објасни Демири. „Но, за “гостиварскиот газда, законите не важат” и тој, значи Невзат Бејта, кога биле во прашање негови лични интереси, најверојатно за материјални придобивки, бил во состојба да ги супримира законите и да ги занемари соодветните служби, па самиот-лично потпишувал решенија за легализација на дивоградбите“, рече Демири. Тој, на новинарите им ги достави во увид и решенијата во кои отсуствува потписот на раководителот на Секторот за урбанизам, што јасно укажува дека истиот, барем во овој случај, не сакал да стане дел од криминалот.

Јасин Демири – Kurir.mk

Вистината за ДУИ: Шефот на кабинетот се почестил со 4 лап-топа и еден таблет

„Вистината за ДУИ”: Бејта издавал решенија за легализација без потпис на шефот на урбанизам