АД ЕСМ до утре ќе поднесе понуда на јавната набавка на ЕВН Хоме

Ивона Петрова — Thu, 23 Jun 2022 11:42:50 +0000

АД ЕСМ најави дека ќе поднесе понуда на јавната набавка на ЕВН Хоме со рок до утре. До Владата доставиле пресметки и предлози во однос на цената и количините, по што на затворена владина седница носи одлука со препорачана цена и количина, која се доставува до ЕСМ. Согласно одлуката, ЕСМ во затворена понуда ќе аплицира на повикот на ЕВН Хоме, инфрмираат денеска во соопштение од АД ЕСМ, во врска со процедурата за снабдување со електрична енергија за престојниот период од 1 јули до 31 декември годинава. Врз основа на направените анализи и пресметки, АД ЕСМ утврдиле, како што велат, дека е во состојба да ги обезбеди вкупните количини на електрична енергија кои му се потребни на ЕВН Хоме, односно 100 проценти да ги покрие потребите на Универзалниот снабдувач за граѓаните и малите потрошувачи (законот за оваа година го обврзува ЕСМ за 60%), како и целосно покривање на техничките загуби во системот на ЕВН Електродистрибуција и целосно покривање на техничките загуби во системот на МЕПСО. За таа цел, АД ЕСМ го зголеми планот за производство на електрична енергија за 2022 година за 20 проценти од производството во минатата година. Конзумот на ЕВН Хоме е зголемен за 27 проценти, поради префрлањето на потрошувачи од слободниот на регулираниот пазар (деловни субјекти, општини, јавно осветлување). -Дополнителните потреби на ЕВН Хоме и на ЕВН Електродистрибуција ќе ги задоволиме со дополнителна набавка на јаглен за зголемување на производството од термоелектраните Битола и Осломеј, како и обезбедување доволни количини мазут за работа на ТЕЦ Неготино, стои во соопштението.

Министрите ќе ни се „удават“ во месо!

Дарко Андоновски — Mon, 21 Jan 2019 17:32:43 +0000

Владата распиша оглас за набавка на над шест тони свежо месо во вредност од 2.400.000 денари, пренесува Пресинг ТВ. Ќе се набавува свеж јунешки мускул добиен од млади говеда, јунешки бут, јунешки рамстек, телешки бифтек, свински прави ребра меснати свежи, крезли и јатки од свежо јагне, прасечко месо, свинско каре, свинско филе… Според огласот очигледно дека најмногу се јаде јунешки бут без коска добиен од млади говеда од 18 до 24 месеци старост. Се јаде дури два тона јунешки бут годишно. Меѓу омилените јадења на министрите по се изгледа е и свинското каре. Ќе се набави нешто повеќе од еден тон вакво квалитетно месо. Според пресметките направени врз основа на набавката која ја прави Службата за општи и заеднички работи при македонската влада, месечно во рестораните кои се под капата на СОЗР се јаде по 522 килограми месо, или дневно по 22 килограми свежо јунешко или свинско . За набавката на свежо месо ќе се спроведе електронска аукција, а тендерот ќе го добие фирмата која ќе понуди најниска цена.

јавна набавка – Kurir.mk

АД ЕСМ до утре ќе поднесе понуда на јавната набавка на ЕВН Хоме

Министрите ќе ни се „удават“ во месо!