јавна трибина – Kurir.mk

Јавна трибина за аерозагадувањето во Скопје и инспекцискиот надзор

Ивона Петрова — Tue, 29 Oct 2019 06:33:14 +0000

Јавна трибина за аерозагадувањето и инспекцискиот надзор над загадувачите во Скопје ќе биде одржана денеска во Општина Аеродором во органзиација на Здружението на граѓани за одржлив развој и заштита на животната средина „Зелен институт”. Трибината е во рамки на проектот „Платформа за координација и граѓанско учество во инспекциски надзор врз загадувачите на воздухот“ имплементиран во Градот Скопје и четири пилот-општини (Карпош, Центар, Аеродром и Гази Баба), а поддржан од Министерството за животна средина и просторно планирање. Организаторите истакнуваат дека аерозагадувањето во Скопје е на високо ниво и неопходно е да се прошири обемот на досега спроведените мерки, а особено во однос на инспекторирање на индустриските загадувачи. Предлагаат повеќе мерки, меѓу кои и подигање на капацитетите и координацијата на инспекторите за животна средина во Градот Скопје и општините и вклучување на граѓаните во инспекцијата на изворите на аерозагадувањето од индустријата. Во проектните активности спаѓа и обука на инспекторите за животна средина од сите скопски општини, заедно со оние од Градот Скопје, за покоординирано и поефикасно работење. Предвидено е во секоја од општините и во Градот Скопје да се одржат панели со различни општествени актери кои можат да влијаат врз квалитетот на воздухот (инспектори за животна средина, советници, градоначалници, граѓански активисти, претставници од изворите на загадување, медиуми и др.), за да се изнајдат начини за намалување на загадувањето. Искуствата од овој проект ќе можат да се применат и во други општини, со крајна цел – максимална мобилизација на целото општество во борбата со опасното загадување на воздухот и заштита на животот и здравјето на граѓаните, велат од „Зелен институт”.

Во среда јавна трибина во Скопје- Раздавање, распродавање или крадење на македонската историја

Предраг Кукиќ — Mon, 02 Sep 2019 10:42:32 +0000

На 4 септември со почеток во 13 часот во хотелот Бест Вестерн ќе се одржи јавна трибина на тема “Раздавање, распродавање или крадење на македонската историја“/Пиши-бриши брусалка историја и Дали добрососедството подразбира и негирање на сопствената историја?/ Воведни излагања на темата ќе поднесат: Д-р Тодор Чепреганов - “Илинденско или илинденско-преображенско востание?“ Д-р Наташа Котлар - “Македонско национално движење во XIX век: Особености и процеси“ Ефтим Клетников - “Историјата како култура и варварство: Европскиот идентитетски геноцид над Македонија“ Дардан Венетски – Раздавање, распродавање или крадење на историја? Во дебатниот дел учество ќе земат повеќе историчари, социолози, политолози и аналитичари. Организатори на трибината се Македонски манифест и Институт СИА Виста, Скопје.

ВО ЖИВО: Јавна трибина на тема „Македонија: Името е Татковина, а Јазикот душа на Македонците’’

Ивона Петрова — Tue, 18 Dec 2018 10:47:37 +0000

Институтот „Сиа Виста“ во вторник, денес во 12 часот ќе одржи јавна трибина „Македонија: Името е Татковина, а Јазикот душа на Македонците’’. Трибината ќе се одржи во хотелот Бест Вестерн. Според најавата, воведни излагања на темата ќе поднесат: Ефтим Клетников, Ристо Никовски, Михајло Миноски, Цветин Чилиманов, Јованка Кепеска, Наташа Котлар, Благој Јанаков, Константин Миноски, Милојка Калкашлиева, Дардан Венетски, Виолета Ачковска, Ламбе Арнаудов и Оливер Андонов. -Уводничарите ќе изнесат свои погледи и ставови за Договорот за добрососедство со Република Бугарија, Законот за јазици, Спогодбата со Република Грција за промена на името Македонија, Референдумот од 30. Септември 2018 година и Уставните амандмани за промена на Уставот на Република Македонија. На јавната трибина ќе биде емитувана видео порака до Македонците и Македонија од Џејсон Мико, геополитички аналитичар и колумнист. Ќе се прочита и пораката на Бил Николов, Претседател на Македонско меѓународно движење за човекови права, се наведува во соопштението.

„Македонија: Името е Татковина, а Јазикот душа на Македонците’’ – Утре јавна трибина во Бест Вестерн

Ивона Петрова — Mon, 17 Dec 2018 11:40:42 +0000

Институтот „Сиа Виста“ во вторник, со почеток во 12 часот ќе одржи јавна трибина „Македонија: Името е Татковина, а Јазикот душа на Македонците’’. Трибината ќе се одржи во хотелот Бест Вестерн. Според најавата, воведни излагања на темата ќе поднесат: Ефтим Клетников, Ристо Никовски, Михајло Миноски, Цветин Чилиманов, Јованка Кепеска, Наташа Котлар, Благој Јанаков, Константин Миноски, Милојка Калкашлиева, Дардан Венетски, Виолета Ачковска, Ламбе Арнаудов и Оливер Андонов. -Уводничарите ќе изнесат свои погледи и ставови за Договорот за добрососедство со Република Бугарија, Законот за јазици, Спогодбата со Република Грција за промена на името Македонија, Референдумот од 30. Септември 2018 година и Уставните амандмани за промена на Уставот на Република Македонија. На јавната трибина ќе биде емитувана видео порака до Македонците и Македонија од Џејсон Мико, геополитички аналитичар и колумнист. Ќе се прочита и пораката на Бил Николов, Претседател на Македонско меѓународно движење за човекови права, се наведува во соопштението.