Предзиборни вработувања на големо, ЈП Комуналец Крива Паланка ќе троши 3 милиони денари за привремени вработувања

Дарко Андоновски — Thu, 11 Mar 2021 18:53:39 +0000

На официјалната страна на јавни набавки објавен е оглас од страна на ЈП комуналец Крива Паланка каде што е објавено дека оваа институција планира да троши 3 милиони денари за привремени вработувања. Така во делот на предмет на договорот стои Агенција за привремени вработувања додека во делот на проценета вредност стои сумата 3 милиони денари. Она што е симптоматично според критичарите е дека има се поголем број на вработувања како се наближуваат локалните избори. Познавачите велат дека иако владата ветувала кратење на непотребните вработувања и намалување на администрацијата забележани се се поголем број на вработувања во општините и во државните институции што се коси со изјавите на претставниците на власта Инаку власта пред да дојде на власт критикуваше дека има огромен број на вработувања но според експертите во измнинатите 3 години вработувањата во државните институции не престануваат.

Диpeктopи тepaлe вpaбoтeни во „м*jчина“ пopaди лични фpycтpaции

Дарко Андоновски — Mon, 24 Aug 2020 16:06:34 +0000

На неколкумина вработени во Јавното Комуналното претпријатие во Делчево, изминатите неколку недели животот им се претворил во вистински пекол, објавува Инфомакс. Имено, од непознати причини според извори на Инфомакс, врз вработените бил извршен мобинг, тие биле навредувани и вербално малтретирани од директорот Стојче Стојковски. Според тврдењата на Дарко Гоцевски, долгогодишен вработен во претпријатието, на 10-ти август, бил заменет од неговата функција во претпријатието со друго лице, и тоа додека бил на годишен одмор без за тоа да биде информиран. Неколку пати вработениот се обидел да воспостави комуникација со директорот, но сето тоа завршило со вербален напад од страна на директорот кон вработениот. Дарко Гоцевски не бил единствената жртва на мобинг во јавното претпријатие. Освен Дарко, жртва била и уште една вработена во ЈП Комуналец од Делчево. Случајот е пријавен во Трудовата инспекција, а потврда за пријавата има од 11. август годинава. Оттаму пак, Гоцевски го информирале дека директорот се уште нема одговорено, а причината е неможноста да стапат во контакт со директорот кој бил на годишен одмор. Претходно, градоначалникот на општина Делчево предизвика инцидент кога со камиони полни со песок блокираше влез на приватна компанија за технички преглед во општината.

јавно комунално претпријатие – Kurir.mk

Предзиборни вработувања на големо, ЈП Комуналец Крива Паланка ќе троши 3 милиони денари за привремени вработувања

Диpeктopи тepaлe вpaбoтeни во „м*jчина“ пopaди лични фpycтpaции