Јавно претпријатие за државни патишта – Kurir.mk

Понудите за надзор за изградба на коридорите 8 и 10 се отвораат денеска

Дарко Андоновски — Tue, 25 Oct 2022 10:48:09 +0000

Во Јавното претпријатие за државни патишта (ЈПД) денеска се отвораат понудите за избор на надзор на изградбата на автопатите на коридорите 8 и 10 од страна на конзорциумот Бехтел и Енка. -Денеска ќе се изврши отварање на пристигнатите понуди, по што ќе следи постапката за еволуација на сите овие понуди, за да службите во јавното претпријатие по разгледувањето на документацијата ќе ја разгледаат комплетноста на понудите, а потоа секако ќе биде информирана јавноста, изјави министерот за транспорт и врски, Благој Бочварски, при денешната посета на Свети Николе. Ова е втор обид за избор на надзор за автопатските делници од коридорите 8 и 10, првиот беше неуспешен, бидејќи фирмата која се пријави на тендерот не доставила банкарска гаранција. Градежните машини и работници на конзорциумот „Бехтел и Енка“ ќе работат на четирите делници на Коридорите 8 и 10, а се очекува да стартуваат наредната година. Министерот Бочварски претходно изјави дека прва и најлесна делница од аспект на експропријација на земјиштетот е Гостивар-Кичево, а се очекува најдолго да трае постапката за делницата Требеништа-Струга-Ќафасан, за неа државата ќе мора да добие и мислење од УНЕСКО, бидејќи трасата поминува покрај Охридското езеро.

ИСКЛУЧЕНИ И КАМЕРИТЕ НИЗ ЦЕЛАТА ЗЕМЈА: Срамот на неспособната власт за справување на снегот резултираше со „Error“, граѓаните гневни

Дарко Андоновски — Sat, 13 Feb 2021 18:12:41 +0000

Снегот повторно како и секоја година ги изненади надлежните. Овој пат камерите на Јавното претпријатие државни патишта се исклучени за да не гледаат граѓаните колку е натрупан снегот и не е исчистен од патарините, па се до граничните премини. Патиштата инаку денеска во текот на целиот ден не се чистат од надлежните институции, додека забрана за движење се издава речиси на секој час на критичните места во земјава. Граѓаните во се поголем дел незадоволни испраќаат фотографии од ситуацијата низ државата со снегот, додека власта мудро молчи за време на викендот кој е неработен за претпријатијата.

Вработените во ЈП за државни патишта оставени сами на себе: По намалување на платата, им го скратија и превозот

Ивана Ефремовски — Wed, 24 Apr 2019 14:51:18 +0000

Вработените во Јавното претпријатие за државни патишта преживуваат вистинска голгота. Прво се соочија со намалување на платите, а нивните претпоставени си играат и со бодовите кои тие ги остваруваат. Дел од вработените ја контактираа редакцијата на КУРИР за да информираат за новиот проблем со кој сега се соочуваат. Имено, откако им се укинаа и други работи, сега им е скратен и превозот. Раководството за новитетите ги информирале вработените со известување залепено на видно место, па немале време ниту еден состанок да одржат. -Поради немање на превоз, сменоводителите и инкасантите да се организираат со сопствен превоз за доаѓање на работа десетина дена, се наведува во известувањето. -Откако ни ги намалија платите и си играат со бодовите, сега ни го скинаа и превозот. Така, до Скопје од Велес треба да одам со сопствен превоз. Со ист проблем се соочуваат и колегите кои на работа треба да доаѓаат од Куманово или Глумово. За обезбедување на превоз, тие имаат законска обврска, но сега се случува катастрофа, истакнува нашиот соговорник, вработен во Јавното претпријатие за државни патишта. Како што информираат вработените, во моментов меѓу нив владее голем револт, а состојбата ја опишуваат како катастрофална. -Знаеме дека превозот нема да ни го вратат. Ние 20 години одиме на работа со организиран превоз, обезбеден од нивна страна. По 20 години, сега ни се укинуваат единствените поволности и права кои ги имавме, информира за КУРИР вработен во јавното претпријатие.