јавно претпријатие – Kurir.mk

Директор и раководител на јавно претпријатие од Крушево добија кривични пријави

Магдалена Андонова — Tue, 14 Jun 2022 14:53:17 +0000

Полицијата поднесе кривични пријави против Н.И.(39) од Крушево, в.д. директор на Јавното претпријатие „Комуна“ во Крушево и П.Н.(55) од Крушево, раководител на oддел во истото претпријатие, поради постоење основи на сомнение за сторени кривични дела „злоупотреба на службена положба и овластување“ и „несовесно работење во службата“. - Пријавените, во периодот од втората половина на 2018 година до 2020 година свесно пропуштиле преземање службени дејствија, односно не изготвиле соодветни документи за прием на 10 тони – еуродизел гориво во магацинот на јавното претпријатие. Исто така, не биле извршени требувања за издаден материјал од магацинот со кои се евидентира потрошувачката на гориво и со тоа предизвикале штета од 7.080 литри еуродизел. Н.И. постапил спротивно на законот и со отуѓување на работна машина - трактор ИМТ 539 без донесена Одлука за размена, отуѓување или расходување на основно средство за работа и со тоа го оштетил претпријатието за 400 евра, информираат од полицијата. Двете лица добија кривични пријави.

ВМРО-ДПМНЕ најавува кримилна афера за Шилегов и директор на ЈП под Град Скопје?

Дарко Андоновски — Sat, 18 Sep 2021 13:32:22 +0000

Портпаролот на ВМРО-ДПМНЕ денешниот прес го заврши со загадочен повик кон институциите за нивна внимателност во следните денови, најавувајќи информации според коишто, како посочи: „...Ќе стане јасно како Петре Шилегов иако нема покритие со своите официјални приходи, се стекнува со толку големо богатство и луксузен недвижен имот“, нагласи Стоилковски. Според извори од партијата, станува збор за огромен криминал, поткрепен со бројни докази којшто ќе биде објавен утре, а во кој што се вмешани Петре Шилегов како и директор на едно јавно претпријатие под Град Скопје. Иако партијата повика на внимателност на институциите, велат нема да остават на случајност, туку дека сето ќе заврши со поднесување на кривична пријава за сомневање за криминал. За сега не се открива за кој директор или за кое градско претпријатие станува збор.

ЕДИНСТВЕНА ВО РЕГИОНОТ: Македонија се гордее со жената возач на камион за собирање на смет (ВИДЕО)

Дарко Андоновски — Fri, 25 Dec 2020 13:14:32 +0000

Радовишанката Слаѓана Јакова (39) вработена како шофер во Јавното претпријатие „Плаваја“ во Радовиш речиси е единствената жена во регионот и пошироко која е возач на камион од ваков вид. Сторијата која ја објави телевизија Сител ги воодушеви сите и ги собра симпатиите на корисниците на социјалните мрежи. -Возам од 10, 11 години прво трактор, па кола, па дојде ред и со камион, кај нас фамилијарна работа е возењето маж, брат, сите возиме, вели таа. Слаѓана додава дека никој не верувал кога се пријавила на огласот дека ќе може да го вози камионот за собирање на сметот во Радовиш. Во целата сторија уживајте во продолжение:

Јавно претпријатие ставено во служба на СДСМ: Со службено возило се носат материјали во партиски штаб (ФОТО)

Ивана Ефремовски — Wed, 24 Apr 2019 14:08:22 +0000

Камион на Јавното комунално претпријатие „Гази Баба 2007“ ставено во служба на владејачката партија. Имено, возилото е забележано како носи материјал во штабот на општинската организација на СДСМ во скопско Маџари, Триангла. Фотографиите на кои јасно може да се види регистарскиот број ви ги пренесуваме заедно со друга фотографија од истото возило, како доказ дека станува збор токму за камион на јавното претпријатие.

Вида и сопругата удрија по Хрватска: Ова е безобразно да го правите додека цела нација се гордееше на СП, се гледаме на суд! (ФОТО)

Дарко Андоновски — Wed, 12 Sep 2018 13:30:51 +0000

Хрватскиот репрезентативец Домагој Вида со фановите откри дека бил измамен од јавното претпријатие за водовод во Хрватска откако за месец јули му стигнала сметка десет пати поголема од просечната. Имено фудбалерот во месец јули престојуваше во Русија каде се одржуваше Светското првенство во фудбал, а попратно во Русија беше и неговата сопруга и дете. Сопругата на фудбалерот на својот Инстаграм профил објави фотографија во која ги предупредува граѓаните на Хрватска да ги проверуваат нивните сметки за вода. „Проверувајте ги вашите сметки за вода, бидејќи ова што го прават е безобразно. Добро дојдовте во Хрватска каде сметката за вода која не сте ја користеле изнесува 691,66 куни, или околу 6 илјади денари“. Таа додаде и дека нема да ја плати сметката и дека семејството ќе го тужи јавното претпријатие водовод. „Што се однесува до мене проблемот е решен. Семејството Вида нема намера да ја плати сметката, па се гледаме на суд.“