јаже – Kurir.mk

Зошто треба да вежбате скокање јаже?

Ристе Здравков — Thu, 21 Apr 2022 13:34:45 +0000

Скокањето јаже е една од најинтензивните форми на вежбање и горење калории. Не изгледа така, но всушност го активирате целото тело и мора да бидете концентрирани на вежбата.

Овој тип на вежба може да го вметнете во вашата секојдневна рутина, а може и да го применувате ако немате многу време на располагање, како 10-15 минути. Фитнес инструкторката Зузана Мајорова објаснува зошто треба да почнете да вежбате скокање јаже.

Маж сакал да се забавува, но малку фалело да се обеси: Секунди го делеле од катастрофален крај (ФОТО)

Магдалена Андонова — Sun, 13 Mar 2022 18:10:22 +0000

Видеото кое за кратко време стана вирално предизвикува непријатност во првите секунди. На видеото се гледа дечко кој стои на гранка од дрво над езеро. Околу неговата нога има јаже, па претпоставуваме дека идејата била да виси наопаку од гранката. Но, за да се реализираат мислите и идеите, потребен ви е план, особено кога експериментирате со сопствениот живот. Типот очигледно не ја разбрал добро ситуацијата, бидејќи наместо околу ногата, јажето му завршило околу вратот. Накратко, за малку случајно ќе се обесил.

Со скокање јаже до 30 килограми помалку и одлична форма (ВИДЕО)

Ристе Здравков — Mon, 20 Dec 2021 08:10:28 +0000

Скокањето јаже е потценета вежба, а е еден од најдобрите тренинзи за целото тело. Ден и Брендон, попознати како Jump Rope Dudes, имаат цел канал на YouTube со милиони претплатници, по светен на скокање јаже и како тоа може да ви помогне да стигнете до одлична форма. Тие го направија токму тоа. Во новото видео тие открија како почнале и какво е чувството да се симнат 30 килограми благодарение на скокањето јаже. Приказната звучи прилично познато. Поранешниот фудбалер никогаш не внимавал многу на исхраната, му било важно да биде крупен и силен. Потоа пораснал, се вработил и не можел да најде време за вежбање. Скокањето јаже се покажало како добар избор. Можел да го стави во торба и да го носи со себе. Резултатите се очигледни. Ослабе 30 килограми и ги изгради стомачните мускули. Ова му помогнало да изгради самодоверба и се чувствува многу подобро отколку на 23 години. Сите придобивки што ги гледа и чувствува ги припишува на скокањето јаже. Целата приказна можете да ја слушнете во продолжение:

Од оваа приказна можете многу да научите: Ако не сте успеале во минатото…

Ивана Ефремовски — Tue, 13 Oct 2020 07:50:58 +0000

Еден човек поминувал покрај слонови и одеднаш застанал, збунет од фактот дека овие огромни суштества се чувани со само едно мало јаже заврзано на нивната предна нога. Тие немале ниту синџири, ниту кафези. Беше очигледно дека доколку сакале, тие би можеле во кое било време да се ослободат од своите окови, но поради некоја причина не го правеле тоа. Тој во близина го забележал нивниот тренер и му пристапил со прашањето зошто овие животни воопшто не се ни трудат да избегаат. „Па“, почнал да зборува тој. „Кога беа многу млади и многу помали од сега, ги користевме истите јажиња за да ги врземе и на тие години беа доволни за да ги задржат. Како што растеа, така тие сè повеќе веруваа дека не можат да избегаат. Затоа сега, како возрасни, воопшто не се ни обидуваат да го направат тоа.“ Човекот останал без зборови. Овие животни би можеле во кое било време да се ослободат од своите јажиња, но не го прават тоа бидејќи веруваат дека не можат и дека се заглавени онаму каде што се. Исто како животните, колкумина од вас поминуваат низ животот држејќи се за верувањето дека не можете да направите нешто само затоа што не сте успеале во минатото?