јегуновце – Kurir.mk

Речиси двојно намален водостојот на Вардар кај Јегуновце

Дарко Андоновски — Tue, 05 Jul 2022 09:11:35 +0000

Водостојот на реката Вардар на мерното место кај Јегуновце е речиси двојно понизок во споредба со вчера, а на останатите три мерни места реката има исто или малку намалено ниво во однос на вчерашното. Според резултатите од последните мерења направени од Управата за хидрометеоролошки работи (УХМР), водостојот на поголем дел од реките во земјава е понизок од просекот за јули. Исклучок се реките Бабуна на мерното место кај Богомила, Брегалница кај Штип, Струмица кај Сушево и Црна Река кај Р.Б. Мост, каде нивото е повисоко од повеќегодишниот просек за овој период од годината. Трите природни езера во земјава имаат ист водостој како вчера, но нивото на Преспанското Езеро е за 1,84 метри пониско од просечното. Водостојот на Охридското и Дојранското Езеро, пак, е повисок од просечниот и тоа за еден сантиметар кај Охридското, односно за 2,6 метри кај Дојранското Езеро.

Костадиноски: Се уредува патот кон месноста „Пештер“ во Јегуновце

Ивана Ефремовски — Tue, 01 Mar 2022 17:02:41 +0000

Почна уредување на патот кон месноста „Пештер“ во Јегуновце. -Во соработка со општинското јавно претпријатие „Јегуновце“ започнавме акција за уредување на патот што води кон месноста „Пештер“ во Јегуновце. Со помош на механизација се расчистува градежниот шут и останат отпад долж патот кон „Пештер“ со што во понатамошна фаза ќе се прошири патот и целосно ќе се расчисти се со цел непречено движење кон месноста „Пештер“ што од година во година претставува атрактивна туристичка атракција за општина Јегуновце. Упатувам апел до локалното население за поголема грижа и да не дозволиме да го загадуваме просторот кон „Пештер“, туку да придонесеме да ја заштитиме природата и туристичките места во општина Јегуновце, истакна градоначалникот Димитар Костадиноски.

Се излеа Вардар, поплави куќи и обработливо земјиште во неколку села во Јегуновце

Магдалена Андонова — Tue, 12 Jan 2021 14:09:53 +0000

Градоначалникот на општината Дарко Блажевски објаснува дека излевањето е кај месноста Старо Вардариште каде реката и земјата се речиси на исто ниво. -Месноста Старо Вардариште е најниска местоположба долж Вардар и кога реката тука се излева веднаш се поплавува селото Раотинце. Во ова село поплавени се три куќи и домаќинства, излеана вода и поплави има на обработливо земјиште во Туденце, Сиричино, Јегуновце и Раотинце, изјави Блажевски. Тој се надева дека временските прилики ќе се стабилизираат и ќе нема поголеми поплави. -На помалите и споредни реки, како река Бистрица, интервениравме со механизација и се отстранија отпадоци, дрвја и земја кои се нашле во коритата. За реката Вардар немаме соодветна поголема механизација, изјави Блажевски. Според податоците на Управата за хидрометеоролошки работи, на 9 јануари водостојот на Вардар во оваа Општина бил 106 сантиметри, додека вчера и денеска достигна 220 сантиметри.

Една третина од граѓаните до 17 часот гласале во општина Тетово

Магдалена Андонова — Wed, 15 Jul 2020 16:03:21 +0000

Од 84.454 граѓани со право на глас во Општина Тетово до 17 часот 33,72 отсто го оствариле своето гласачко право што претставува најголем одѕив од сите шест тетовски општини. Општина Јегуновце со 32 отсто има сличен процент на излезност, додека останатите општини бележат под 30 проценти на граѓани кои гласале. Општина Теарце има одѕив од 29,70 отсто, додека Брвеница има 28,61 процентна излезност на граѓаните на вонредните парламентарни избори. Боговиње и Желино се општините со најмалку граѓани кои досега гласале. Во Боговиње има 27,55 отсто излезност, додека во Желино одѕивот на гласачи е 23,13 проценти. (МИА)

Прекин на сообраќајот на патот Пршовце – Јегуновце поради асфалтирање

Матеја Петровски — Sat, 28 Apr 2018 06:59:45 +0000

Прекин на сообраќајот денеска ќе има на патот Пршовце - Јегуновце поради негово асфалтирање, соопшти Авто-мото сојузот на Македонија. Од АМСМ посочуваат дека сообраќајот на државните патишта се одвива по суви коловози. Препорачуваат внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата, информираат од АМСМ. (Mиа)

Зголемени водостоите на реките, Вардар излеан кај Јегуновце

Ивона Петрова — Thu, 08 Mar 2018 08:33:47 +0000

Тројно зголемено во однос на просекот за март е нивото на Треска кај Македонски Брод, а водостоите на Вардар, Пчиња и Сатеска се удвоени, покажуваат денешните хидролошки мерења. Нивоата на Крива Река, Брегалница и Црна Река не бележат поголеми отстапувања. УХМР утрово соопшти дека реката Вардар наместа возводно и низводно од Јегуновце повторно е излеана.

Вардар пак се излеа кај Јегуновце

Ивона Петрова — Thu, 08 Mar 2018 07:25:57 +0000

Реката Вардар наместа возводно и низводно од Јегуновце повторно е излеана. Најновите хидролошки мерења покажуваат дека нивото на Вардар во овој дел е зголемен. Зголемување на водостојот е забележан скоро кај сите реки во државата.