јелена антиќ – Kurir.mk

Јелена Антиќ се пензионираше од кошарката

Бошко Тасиќ — Fri, 15 Sep 2023 04:12:36 +0000

Една од најдобрите македонски кошаркарки низ историјата, Јелена Антиќ, со пост на социјалните мрежи го најави своето пензионирање. На 32 години, Антиќ објави крај на играчката кариера. „Имав само 15 години кога заминав од дома, оставајќи се зад себе, за да го остварам мојот сон. Мојот кошаркарски сон. 17 години подоцна со душевен мир и насмевка на моето лице, можам да и кажам благодарам на кошарката што ми го подари светот. Свет на можности. Ти ги дадов моето срце и душа, моето тело и ум. Навистина длабока љубов. Но, последните неколку години беа исцрпувачки, физички и психички. Паднав, но станував секој пат. Еден чекор напред, два чекори назад, два чекори напред, три чекори назад… додека не се вратив на две нозе. Моето срце сè уште чука за тебе, но моето тело е подготвено да те пушти. Ти благодарам за сите добри и лоши, за насмевките и солзите, спомените и лузните. Ова не е збогум,ова е само гледање од другата страна на аут-линија“, напиша Антиќ. Kариерата Антиќ ја почна во Младинец, за рано да се пресели во САД. По враќањето од САД најпрво настапуваше за белградски Партизан, а потоа и за Радивоје Кораќ (Србија), Макаби Ашдод (Израел), ЦСУ Алба (Романија), Лулеа Баскет (Шведска), Висла Краков како и за македонскиот тим Баскет Кам.

Антиќ избра 25 кошаркари за подготовките за јуниорското ЕП во Софија

Ивона Петрова — Wed, 10 May 2023 17:38:42 +0000

Македонската кошаркарска репрезентација до 18 години ќе учествува на Европското првенство во Б дивизијата, кое од 30 јуни до 9 јули ќе се одржи во Софија. Селекторот на женската јуниорска репрезентација, Јелена Антиќ денеска излезе со поширокиот список на кошаркарки на кои ќе смета во подготвителниот период. Подготовките ќе се одвиваат во Скопје, а првиот селективен тренинг е закажан за крајот на мај. На поширокиот список на селекторот Антиќ се најдоа 25 кошаркарки: Марија Николов – Баскет Кам 2011, Ана Милованова – Баскет Кам 2011, Мила Ѓуковиќ – Баскет Кам 2011, Милица Николиќ – Torrelodones, Шпанија, Ања Начевска – Вардар, Мартина Џангаровска – Вардар, Михаела Алексовска – Крива Паланка, Ксенија Петревска – Крива Паланка, Божица Стоевска – Крива Паланка, Климентина Модева – Струга 2009, Евгенија Танаскоска – Michigan Magic AAU, САД, Јована Димковска – Бадел 1862, Зара Стојковска – Бадел 1862, Ана Ангеловска – Патриот 2016, Белма Дечковиќ – МЗТ Скопје Аеродром, Ива Дојчинова – Тим Арена, Сара Ѓорѓиеска – ГКК Охрид, Љубица Бошкова – Јанбор, Анастасија Тодорова – Јанбор, Ангела Анѓелеска – Вардар, Деа Хоџа – Шкупи, Мила Ќолчевска – Пробаскет Кавадарци, Ана Иветиќ – Тим Арена, Матеа Митева – Тим Арена, Ана Ѓорѓиевска – Тетова Булс.

Јелена Антиќ повторно ќе игра во Израел

Бошко Тасиќ — Tue, 27 Dec 2022 06:03:14 +0000

Една од нашите најдобри кошаркарки, Јелена Антиќ договори нов клупски ангажман и тоа надвор од нашите граници. Антиќ во оваа сезона беше најдобриот играч на скопски Вардар, но сега од Македонија заминува во Израел и тоа во редовите на Макаби Ашдод. Ова за Македонката е враќање во добра позната средина затоа што ги бранеше боите на истиот во кампањата 2014/2015. Јелена со новиот тим ќе игра и во ФИБА Еврокупот што значи дека е одличен предизвик, тест на највисоко ниво. Кога се во прашање предизвиците надвор од нашата земја, таа има настапувано уште за Партизан од Белград, Радивој Кораќ, Ман Филтер, ЦСУ Алба Јулија, Лулеа баскет, Висла Краков и Намур Капитале.

Вардар со Јелена Антиќ ќе ја брка титулата

Бошко Тасиќ — Sat, 10 Sep 2022 06:43:11 +0000

Македонската кошаркарска репрезентативка Јелена Антиќ (31) е нов член на прволигашот Вардар. Таа неодамна ја предводеше младинската репрезентација на Македонија, а воедно беше и асистент кај сениорите. Минатата сезона го носеше дресот на Баскет Кам од Македонска Каменица. Ангажманот на Антиќ е голема новост за „црвено-црните“ од Скопје, и тоа ги прави главни фаворити за домашните титули во сезоната што следува.

Антиќ повика 18 кошаркарки на подготовки за ЕП до 20 години

Дарко Андоновски — Wed, 18 May 2022 12:49:12 +0000

Селекторот на македонската женска кошаркарска репрезентација до 20 години Јелена Антиќ денеска го објави списокот со 18 имиња за подготовките за настап на Европското првенство во Б дивизијата. Подготовките ќе стартуваат на 8 јуни за кога е закажан првиот собир на репрезентацијата во СРЦ „Кале“. Европското првенство ќе се одржи од 9 до 17 јули во Скопје, а македонската репрезентација е сместена во групата Ц заедно со соодветните национални селекции на Хрватска, Романија, Косово и Црна Гора. Повикани кошаркарки: Матеа Атанасовска, Матеа Николиќ, Елена Тасевска, Стефани Костова, Сара Максимовска, Камелија Игнатова, Наталија Секуловска, Теона Поп Стојанова, Илина Селцова, Моника Зафировска, Ива Чолакоска, Марија Димитријевиќ, Ана Цветковска, Габриела Модева, Рина Салиу, Мартина Блажевска, Нина Зафирова, Михаела Алексовска.