јелена жугиќ – Kurir.mk

Жугиќ: 13 ноември не обврзува на лојалност кон Скопје, над 400 борци родум од Скопје и скопско положија живот за нашата слобода

Дарко Андоновски — Sun, 13 Nov 2022 11:29:34 +0000

-13 Ноември 2022 година, 78 години од Денот на ослободувањето на Скопје од фашистичкиот окупатор, нека ни е честит денот, почитувани скопјанки и скопјани, рече Јелена Жугиќ, претседател на Градскиот комитет на Унија на жени на ВМРО-ДПМНЕ на денешниот настан по повод одбележување на 78 години од ослободувањето на Скопје под слоганот „Слободата не се подарува, се освојува. Таа во текот на своето обраќање посочи дека градскиот комитет на Унија на жени на ВМРО-ДПМНЕ се собра денес да оддаде признание и длабока почит на борците за слобода родум од Скопје и скопскиот регион. -Градскиот комитет на Унија на жени на ВМРО-ДПМНЕ се собра денес овде во паркот посветен на жената борец да оддаде признание и длабока почит на борците за слобода, родум од Скопје и скопскиот регион, на сите нив кои ги дадоа своите животи за ослободување на Скопје и за победа на народно ослободителната војска над фашизмот, кажа таа. Жугиќ потсети дека 13 ноември е еден од најзначајните денови во историјата на Скопје и тежината на овој ден обврзува на лојалност кон градот. -13 ноември е еден од најзначајните денови во историјата на Скопје и тежината на овој ден не обврзува на лојалност кон градот и суштински не потсетува колку е скапа слободата која ја живееме ние денес во Република Македонија. Слободата не ни е подарена, таа е освоена од хероите кои животот го дадоа за неа. Денес, можеби за прв пат на едно место и во исто време ќе се потсетиме на сите 460 борци за слобода од Скопје и од скопскиот регион, рече Жугиќ. Во текот на своето обраќање Жугиќ и членките на градскиот комитет на Унија на жени на ВМРО-ДПМНЕ ги прочитаа имињата на борците кои што загинаа за ослободување на градот Скопје. На крајот од настанот во духот на празникот 13 Ноември членките на градскиот комитет на Унија на жени на ВМРО-ДПМНЕ поделија цвеќиња на случајни минувачи низ паркот „Жена борец“ и им честитаат среќен празник. Исто така и делегација од градскиот комитет положија 78 каранфили во знак на 78 години од ослободувањето на Скопје на споменикот на Жена борец.

„Снагата карпа, душата памук“ – Јелена Жугиќ со емотивна објава по смртта на Апостоловски

Ивана Ефремовски — Fri, 05 Aug 2022 15:58:14 +0000

Македонскиот актер Митко Апостоловски почина денес на 67 годишна возраст. Со емотивни зборови сочувство изрази неговата колешка, актерката Јелена Жугиќ. „Снагата карпа, душата памук, очите и насмевка космос, актерски виртуоз, доајен на битолското и македонско глумиште. Почивај во мир драг Митко С. Апостоловски. Нека ти е вечно името и славата“ - пишува Жугиќ.

Жугиќ: Се користи ли Универзална сала за набавка на лед екрани, озвучување и осветлување за потребите на Петре Шилегов за претстојните избори?

Дарко Андоновски — Sat, 05 Jun 2021 11:34:35 +0000

Се користи ли Универзална сала како установа за обезбедување на техничка опрема -лед екрани, озвучување и осветлување за потребите на Петре Шилегов и СДСМ за претстојните локални избори?, ова денеска преку изјава за медиумите го прашува Јелена Жугиќ од ВМРО-ДПМНЕ. -Дали со пари на скопјани се плаќа и ќе се плаќа кампањата за втор мандат на Шилегов? Имено, на 1ви јуни заврши јавната набавка спроведена од Универзална Сала за избор на понудувач за организирање и изнајмување на техничка опрема за осветлување и озвучување на настани за настани со капацитет внимавајте на 1500; 3000; 8000 и 20.000 луѓе. Практично скопјани плаќаме услуга која нема да може да ги искористиме поради протоколите за организирање настани на отворено, нема да биде возможно толку голем број на луѓе да се соберат на едно место во услови на пандемија. Министерот за здравство Венко Филипче пред неколку дена изјави дека можеби летово Комисијата за заразни болести ќе дозволи настани со бројност до 1000 луѓе, за бројка поголема од оваа се уште би останала забрана и е неизвесно дали ќе може да се укине. Па оттука логично се поставува прашањето дали за настани на кои може да присуствуваат најмногу 1000 луѓе, ако владата го одобри тоа ќе се фактурира опрема минимум за 1500 или за 3000 или за 20.000 луѓе? Само за споредба, минатата година на Скопје анплагд во Камник, беше организиран настан со целосна сценска опрема за публика од 50 луѓе, а оваа година на 25-ти јуни истиот настан ќе се одржи на кровот на Сити мол ако владата дозволи за максимум 1000 луѓе, вели Жугиќ. Таа додава дека би сакала да напоменам дека препораката на владата да се поддржат и ангажираат домашни музичари, како да не важи за Универзалната сала па тие за настанот ангажирале три групи од кои само две се македонски. -Очигледно е дека набавката на сценско технички услуги за 1500, 3000 , 8000 и 20.000 луѓе не може да се реализира оваа година, а ако таквата набавка биде платена, и искористена за настан за помалку од 1000 луѓе, тогаш логично се поставува прашањето дали и како ќе се користи услугата која е преплатена, и дали со оваа набавка Шилегов не плаќа за сценско техничка опрема за неговата кампања за претстојните локални избори? Ќе се одлеваат ли илјадници евра за сценска техника за настани малку луѓе и дали не е ова класично перење пари од страна на Универзална сала? Градоначалник Шилегов, вака ли ќе го барате гласот на скопјани за втор мандат? Нашите пари ли ќе ги користите за партиски цели? 4 години работите на штета на Скопје и сега сакате скопјани да ви ја плаќаат кампањата. На 100 метарска бина да се качете, со десетици лед екрани позади вас, со најмодерна ротирачка расвета и топ концертно озвучување, џабе ви е. 4 години со Шилегов и Заев за Скопје и скопјани се 4 години украден живот. Доста е!, потенцира Жугиќ.

Жугиќ: Требаше да умрат службеници за Шилегов да воведе протоколи за работа

Магдалена Андонова — Thu, 15 Apr 2021 09:01:54 +0000

Јелена Жугиќ советник во советот на град Скопје од редовите на ВМРО ДПМНЕ во гостување во емисијата „Јади Бурек“ кажа дека подолго време во администрацијата во град Скопје не се почитувале протоколи за работа во услови на пандемија и дека откако советничката група на ВМРО ДПМНЕ во град Скопје реагирало и имало смрни случаи Шилегов се осмелил да воведе и да ги почитува протоколите за работа во услови на пандемија. - Подолго време администрацијата на град Скопје и кога станува збор за здравје тука нема леви и десни значи ниту еден протокол за работа во услови на пандемија, ротирање на неделно ниво на една недела проверување на температура на влез во бараката каде што се работи, раководител на сектор заболен по дифолт сите вработени со кој што имал контакт а имал со цел сектор отие раководител на сектор треба да одат по законот за пандемија во 14 дневна изолација ништо од тоа не се почитува појасна Жугиќ. Советничката во советот на град Скопје од ВМРО ДПМНЕ Жугиќ потенцираше дека кога станува збор за здравје не треба да има партиска определеност и дека треба да се прави се што е во интерес и за зачувување на здравјето на граѓаните. Таа дополни дека кога во услови пола администрација на Шилегов била заболена од Ковид 19 советничката група на ВМРО ДПМНЕ морала да реагира користејќи ги социјалните мрежи и сите медиуми за да изврши притисок работите да се променат во интерес на здравјето граѓаните. - Јас го прозвав го пингам јас во принцип пишувам од поодамна паблик ми се постовите на фејсбук. За жал ние како ВМРО живееме во еден медиумски мрак и фајсбукот ни е алатка со која што се користиме да влеземе во конакт и да се обратиме на граѓаните. Пола администрација на Шилегов му е болна имаше и смртни случаи за жал потенцираше Жугиќ.

Жугиќ: Секој ден изразуваме сочувство на некој, а вие менувате имиња на улици

Ивана Ефремовски — Tue, 30 Mar 2021 15:15:22 +0000

Секој ден изразуваме некому сочувство а вие зборувате за менување на имиња, му порача советничката од ВМРО-ДПМНЕ во советот на Град Скопје Јелена Жугиќ на денешната седница на советот за која дискутираше за промена на имињата на улиците. Жугиќ го праша Шилегов дали знае дека што се случува со граѓаните, посочувајќи дека не знае дека градската администрација поради немање на мерки и протоколи за заштита од корона вирус, станала корона кластер. -Дали знаете што се случува меѓу граѓаните? Вие не знаевте бројка на заболени пред недела дена во вашата администрација? Вие завчера воведовте протокол, мерка за стопирање на ширење на заразата. Град Скопје администрацијата ви е корона кластер, рече таа. Жугиќ побара наместо да се дискутира за промена на улиците, да се преземат конкретни нешта, повикувајќи сите советници да се откажат од своите паушали и да им помогнат на ранливите категории. -Дајте да зборуваме за конкретни нешта, дајте потегнете некоја активност, дајте предложете да се откажеме сите советници од своите паушали еден месец и да ги донираме да купиме нешто, има ранливи категории, една маска носат по 5 дена, вели Жугиќ. -Ние овде се давиме во ѓубре, целата држава ни мириса на леш, на смрт, реа се шири по целиот регион, на Балканот, во светот допира нашата смрдеа, а вие нас не замајувате со промена на имиња на улици. Ова е дно, ова е срамота, порача Жугиќ.

Жугиќ: Апелирам до Државниот инспекторат за труд да направи се што е во негова моќ и да го заштити здравјето на вработените во администрацијата на Град Скопје

Магдалена Андонова — Thu, 25 Mar 2021 17:15:08 +0000

Фејсбук статус на Јелена Жугиќ:

АПЕЛ ДО ДРЖАВЕН ИНСПЕКТОРАТ ЗА ТРУД 📢 Здравјето на администрацијата во Град Скопје , на СИТЕ вработени е крајно загрозено❗️❗️❗️ 📢 Пред точно три дена, кога како советник на ВМРО ДПМНЕ давав изјава за тендерот за дронско снимање на зеленилото на територија на Скопје, на новинарско прашање дали имаме сознанија дека во Град Скопје не се спроведуваат мерките за превенција од ширење на вирусот, јавно проговорив дека имаме сознанија по допрен глас дека брутално се кршат сите мерки и алармирав и апелирав до градоначалникот Шилегов веднаш да почне со спроведување на мерките за работа во пандемија ❗️ 📢 Истиот ден Петре гостуваше во емисија на една национална ТВ и таму со огромна доза на потсмев и ароганција ( нему својствена) пред целата македонска јавност кажа дека тоа не е вистина, дека советничката “ гумен куршум рони крокодилски солзи” и не покани јавно да направиме инспекција. 📢 Истата вечер му се обратив лично со ФБ статус 📢 Утредента настанал хаос во Град Скопје, раководителите добиле насоки да се пребројат по сектори колку имаат заболени, во паника да не влезат советниците од опозицијата со камери оти нели јавно не покани. Верувам дека се шокирал кога ги погледнал списоците, дека реалната состојба го извадила од “заклучениот кабинет”, но тој сеуште не спроведува мерки под кои треба да работи администрацијата во услови на пандемија 📢 Денеска повторно по допрен глас (ме информираат и “десни” и “леви”, оти на секој здраворазумен вработен во Град Скопје здравјето му е пред сЕ), имам сознанија дека бројот на новозаболени за жал, но и очекувано се зголемува. Новозаболени: уште еден раководител на сектор (кој нормално имал контакт со цел сектор) и член на кабинетот на Шилегов, но Петре упорно како “прв меѓу еднаквите” во Град Скопје брутално го крши законот за работа во услови на пандемија и не ја спроведува најзначајната мерка за спречување на ширење на вирусот меѓу вработените, мерката за 14 дневна самоизолација на контактите на заболените. ЗАМОЛУВАМ ова мое обраќање да не се искористи во политички цели, да не се релативизира темата и девалвира АПЕЛОТ. АПЕЛИРАМ до Државниот инспекторат за труд да направи сЕ што е во негова моќ и ингеренција и да го заштити здравјето на вработените во администрацијата на Град Скопје #СекојЖИВОТеВАЖЕН ❗️❗️❗️ 📢📢📢📢📢📢📢📢📢📢📢

АПЕЛ ДО ДРЖАВЕН ИНСПЕКТОРАТ ЗА ТРУД 📢📢📢📢📢📢📢📢📢📢📢📢📢📢 📢Здравјето на администрацијата во Град Скопје , на СИТЕ вработени...
Posted by Јелена Жугиќ on Thursday, 25 March 2021

Жугиќ: ДКСК да го испита случајот со набавка на дронско снимање на Шилегов од партнерот на Царовска преку Град Скопје

Ивона Петрова — Wed, 24 Mar 2021 11:27:22 +0000

Функционерите продолжуваат да си делат тендери помеѓу себе. Па така Петре Шилегов му дал тендер во вредност од еден милион денари на партнерот на Мила Царовска со цел снимање со дрон на зелените површини на територија на Градот Скопје. Договорот е потпишан од Петре Шилегов како градоначалник, изјави Јелена Жугиќ, советник во Советот на Град Скопје од ВМРО-ДПМНЕ. Жугиќ прашува дали во случајот со тендерот за летање на дрон на партнерот на Царовска играле улога и некои други фактори? -Факт, година дена живееме во за жал нескротлива пандемијата. Факт, непотребните расходи треба и мора да се сведат на минимум со цел да се даде акцент пред се на она што е потребно за борба против пандемија. Прашање, дали овој тендер за летање со дрон е неопходен за борбата со вирусот, како и избраната фирма добитник?! Во една паралелна реалност, драги мои сограѓани, сите сме вакцинирани, Градот Скопје секојдневно на граѓаните им донира маски, ракавици, средства за дезинфекција, за тестирање не се чека повеќе од пет минути, болничките капацитети се празни и нормално Шилегов како приоритет избра со милион денари да лета дрон над скопското зеленило, скопска идила. Убаво звучи оваа паралелна реалност, но за жал, таа за нас со оваа влада апсолутно е недостижна. Да се вратам на суровата реалност и од името на советниците на ВМРО-ДПМНЕ и коалицијата во Советот на Град Скопје да упатам јавен повик до државната комисија за спречување криминал да отвори предмет и да го испита во целост тендерот за летање со дрон, истакна таа.

Жугиќ: Скопје тоне во смет, луѓе умираат од КОВИД, а Шилегов дава тендер од еден милион за партнерот на Мила Царовска

Ивана Ефремовски — Tue, 23 Mar 2021 11:22:15 +0000

Петре Шилегов молчи и се крие, откако му додели тендер од еден милион денари на партнерот на министерката Мила Царовска, за вршење на услуги – снимање на зелени површини, за рана детекција за растителни болести, обвини Јелена Жугиќ, советник во Советот на Град Скопје од ВМРО-ДПМНЕ. -Во време кога секој ден десетици луѓе починуваат од компликации од вирусот, на Шилегов најголема грижа му се болестите на зелените површини. Истите оние зелени површини кои како градоначалник ги запостави и девастираше изминативе три ипол години. Граѓаните секојдневно се соочуваат со загуба на човечки животи, со стотици новозаразени секој ден, со поскапени режиски сметки и прехрамбени продукти, а Шилегов брутално се расфрла со парите на скопјани. Граѓаните се борат со финансиската криза, не ретко една маска се носи и по неколку дена, парите не стигаат и за средства за дезинфекција и за витамини и за поздрав начин на исхрана кој помага во зајакнување на имунитетот. Градоначалникот, „таткото” на скопјани Шилегов наместо да распише тендер, да набави заштитни средства и да ги подели бесплатно на ранливите категории граѓани, тој почитувани скопјани, дава еден милион денари на партнерот на Царовска за снимање на зеленилото од дрон, вели таа. Жугиќ посочува дека Скопје се гуши во смет! -Парковите низ Аеродром се обраснати со трева и запуштени, Вардариште во Гази Баба е депонија скоро рамна на Дрисла, преполни контејнери во Кисела Вода и во Центар. Шилегов не знае како да ги заврши основните задолженија како прв човек во Скопје, но затоа знае точно како да ги потроши парите на граѓаните за апсолутно непотребни работи во овој момент. Во услови на пандемија, илјадници деца сеуште немаат соодветни уреди за да ја следат наставата од дома. Шилегов наместо да размисли како да им помогне и да пренамени средства за купување на таблети или лап-топ компјутери, тој распиша тендер за дронско снимање на зелени површини. Ја повикувам Државната комисија за спречување криминал да го испита случајот со тендерот за дронско снимање на Шилегов, каде добитник на истиот е да повторам партнерот на министерката Царовска. Одговорност мора да има. Петре Шилегов, твојата некадарност и негрижа нанесува непоправлива штета на скопјани и Скопје. Расфрлањето со нашите пари во услови на тешка пандемија, никогаш нема да ти го простиме, порача таа.

Жугиќ: Советничката група на ВМРО-ДПМНЕ во Град Скопје ги отфрла новите имиња на улиците, не може улици да добиваат имиња по странски претседатели, а Трајковски да се брише

Магдалена Андонова — Fri, 19 Feb 2021 11:30:06 +0000

Советничката група на ВМРО-ДПМНЕ и Коалицијата во Советот на Град Скопје, не се согласува и едногласно ги отфрла предлозите за нови имиња на улици на Градот Скопје. Ниту во еден момент во постапката не гласаше и нема да гласа да го поддржи менувањето на имињата на скопските улици. Шилегов кој себеси се нарекува градоначалник на Скопје, буквално и брутално почна да го одродува градот. Со иницијативата за промена на имињата на улиците во Град Скопје, Шилегов го фрла во заборав Борис Трајковски, ја миноризира неговата улога во македонската држава, а наместо тоа става имиња на улици како УРС-ови синдикати (уједињени раднички синдикати во времето на кралство Југославија), или Суец, или Украина, изјави денеска за медиумите, Јелена Жугиќ советник во Советот на Град Скопје од ВМРО-ДПМНЕ. - Со должна почит кон наведените, но, кога станува збор за главен град на држава, предимство во обележје и почест се дава на луѓето, на датумите и местата кои се значајни и врзани за градот односно државата, а потоа на настани, градови и држави кои се пријателски врзани со Скопје и Македонија. Петре Шилегов во Скопје ќе именува улица по познатиот комунист Лав Троцки, а ќе го преименува булеварот Киро Глигоров, во булевар Војводина, вели таа. Жугиќ посочи дека Петре Шилегов покажува целосно непочитување кон ликот и делото на двајцата македонски претседатели чии што лични заложби за мирот и безбедноста се втемелени во македонската држава и историја. - Улиците кои ги носат имињата на почитуваните Трајковски и Глигогоров ќе ги преименува, а при тоа ќе именува улица по Алија Изетбеговиќ, поранешен претседател на БиХ, современик на Глигоров и Трајковски. Дали некому овој апсурд му звучи логично и издржано?!? Кога ќе се прочитаат поголемиот дел од новите имиња за скопските улици по планот на Шилегов, скопјани добиваат чувство како да се во Москва и тоа некаде во период од 50-тите, 60-тите години од минатиот век. Скопските улици ќе добијат имиња, Ленин, Комаров, Троцки и имиња на други видни комунисти и автократи, на сметка на македонските дејци, херои, уметници, писатели и научници, истакна таа. - Оваа рашамонијада која Шилегов ја прави не му оди во полза ниту на Скопје и скопјани, ниту на Македонија, а најмалку на демократијата за која „силно се залагаат”, оти демократи и Октомвриска револуција баш и не соодвествува многу. На крајот почитувани граѓани, се наметнува едно логично прашање - дали и со бришењето на имињата на скопските улици, оваа локална власт се обидува да ја замачка македонската историја и сеќавањата на ликот и делата на личностите кои дале личен придонес во градењето на македонската држава, прашува Жугиќ.

Жугиќ: “Врапчињата одамна ми шепкаат” за праксата на сдс да поставува кадри на директорски позиции во културата кои не ги исполнуваат законските нормативи

Магдалена Андонова — Tue, 02 Feb 2021 17:56:24 +0000

Дали е ова преседан во избор на “погрешен”трет ешалон, директор на културна институција од страна на сдс?!?! “Врапчињата одамна ми шепкаат” за праксата на сдс да поставува кадри на директорски позиции во културата кои не ги исполнуваат законските нормативи- работно искуство/стаж; немање потребни 240 кредити од завршено високо образование, сомнителни трансфери, непотизам во раководните функции...долг е списокот. Патем има барем еден театар кој веќе четри мандати по ред го води директор од ВД позиција и нема никаков абер за конкурс и за легитимен избор на таа функција- да потсетам вд позицијата е времена до транспарентен конкурс за избор на директор. Со сигурност знам и дека владеачката структура за овие 3,5 год од културата и од Националните Културни Институции како носители на истата, направи црна дупка, од која многу ретко има проблесоци. Впрочем што може и да се очекува од сдс како стратегија за развој и концепт во културата кога таа за ова кусо време смени дури тројца министри за култура и тоа само по себе говори за нивната кадарност во поставувањето на кадровски решенија во културата. -во мојот матичен театар Драмски, за 3,5 год сдс смени тројца директори... ротации, семејни пријателски акробации во поставување на директор имаше и во вториот мој матичен театар, Театар Комедија......... ..................... ....................................и што уште не! Го поздравувам единството на струмичките колеги, да истапат и јавно да проговорат за “погрешниот” избор на директор и да се заложат за според нив “правиот”. Фејсбук статус на Јелена Жугиќ