Јенс Шпан – Kurir.mk

Шпан: Пандемијата ја зголеми економската зависност на Германија од Кина

Ивона Петрова — Wed, 17 Nov 2021 10:54:10 +0000

Пандемијата со Ковид-19 ја зголеми економската зависност на Германија од Кина во многу области, изјави денеска германскиот министер за здравство Јенс Шпан. Тој додаде дека е потребна отворена дискусија за тоа како да се намали прекумерната зависност од растечкиот азиски гигант. – Го видовме фактот колку станавме зависни од Кина, изјави Шпан на економската конференција организирана од дневниот весник „Зидојче чајтун“, посочувајќи на зголемениот увоз на маски за лице и медицинска опрема од Кина. – Само за ова би било вредно да се разговара на нашиот сопствен економски самит, односно прашањето како да ја намалиме нашата зависност од Кина повторно во оваа деценија, заклучи Шпан.

Шпан: Се ближи крајот на епидемијата на национално ниво

Катерина Бојаџиева — Mon, 18 Oct 2021 17:25:51 +0000

Германскиот министер за здравство Јенс Шпан го поддржа укинувањето на таканаречената национална епидемиска ситуација, објави Тагешау. Како што потврди портпаролот на Министерството, Шпан го истакнал тоа за време на консултациите во однос на прашањето на коронавирусот со министрите за здравство на федералните провинции. Одлучувачкиот аргумент во изјавата на Шпан е дека ризикот од вакцинација и ризикот од преоптоварување на здравствениот систем, според институтот „Роберт Кох“, е умерен. Институтот веќе долго време тврди дека речиси сите инфекции и тешкиот тек на болеста кога лицата се инфицирани со коронавирус се јавуваат речиси само кај невакцинирани луѓе. Со оглед на моменталната квота за вакцинација, епидемијата би можела да заврши на 25 ноември годинава на национално ниво. Ова ќе стави крај на вонредната состојба, која е на сила од 28 март 2020 година. Шпан најави продолжување на мерките за хигиена и растојание, бидејќи „категорични гаранции се уште не можат да се дадат“.

Германскиот министер за здравство: „Делта“ сојот ќе биде доминантен во земјата летово

Ивона Петрова — Fri, 25 Jun 2021 10:08:37 +0000

Позаразениот сој Делта на коронавирусот ќе стане доминантен во Германија во текот на летото, изјави денеска германскиот министер за здравство Јенс Шпан. – Сојот Делта ќе биде доминантен во текот на летото, и во прашање се недели а не месеци, изјави Шпан на прес-конференција. Шпан додаде дека овој сој моментално сочинува повеќе од 15 проценти од случаите на заразени со коронавирус во Германија и дека неговото ширење ќе зависи од тоа колку луѓе се вакцинирани, како и од зачестеноста на инфекциите.

Се бара воведување на порестриктивни мерки во Германија

Тале Кристо — Thu, 15 Apr 2021 09:04:18 +0000

Германскиот министер за здравство, Јенс Шпан апелира до 16 германски сојузни држави брзо да воведат построги ограничувачки мерки во обид да се спречи ширење на Ковид-19, јави германската новинска агенција ДПА. Тој додаде дека не треба да се чека на усвојување на национален закон за мерките. – Од минатата есен знаеме што се случува кога не реагираме брзо, изјави Шпан додавајќи дека лекарите очекуваат дека до крајот на месецот на одделенијата за интензивна нега да има 6.000 пациенти.

Шпан заинтересиран Германија да почне со употреба на вакцината „Спутник V“

Тале Кристо — Fri, 19 Mar 2021 13:40:05 +0000

Германскиот министер за здравство, Јенс Шпан, денеска изјави дека е многу заинтересиран Германија да почне со употреба на руската вакцина „Спутник V“. Пред новинарите тој кажа дека е заинтересиран за „брзо“ потпишување на договорот со производителот на руската вакцина и додаде дека Германија е во блиски контакти со Русија во врска со нивната вакцина, пренесуваат британските медиуми. Предуслов, додаде тој, е да се добијат повеќе детали за тоа колку дози ќе бидат испорачани. -Всушност, јас сум многу заинтересиран, ние како земја да потпишеме договор, доколку Европската унија не направи нешто. Европската агенција за лекови (ЕМА) денеска соопшти дека „Спутник V“ е една од трите вакцини што во моментов се разгледуваат за одобрување за употреба во ЕУ.

Германскиот министер за здравство: Европа се уште нема доволно вакцини за да се запре третиот бран

Ивона Петрова — Fri, 19 Mar 2021 12:11:23 +0000

Бројот на нови случаи со коронавирус е повторно во пораст. Се наоѓаме во третиот бран од пандемијата, изјави денеска германскиот министер за здравство Јенс Шпан. Потпретседателот на Институтот „Роберт Кох“ Ларс Шаде исто така нагласи дека Германија е погодена од се поголем број на новозаболени, особено помлади од 50 години. Властите додале дека со британскиот сој на коронавирус се заболени три четвртини од позитивните случаи во Германија. -Излез од пандемијата е вакцинација. Седум милиони жители ја примија орвата доза. Во Европа се уште нема доволно вакцини за да се запре третиот бран, изјави Шпан. Германија вчера регистрираше најголем број новозаболени во последните два месеци.

Германија добива уште 10 милиони вакцини

Ивона Петрова — Wed, 17 Feb 2021 12:00:47 +0000

Германија очекува да добие 10 милиони дози вакцини против Ковид-19 до крајот на следната недела, и со тоа значително ќе се зголеми бројот на вакцинирани лица, најави денеска министерот за здравство, Јенс Шпан. Тој додаде дека не треба да се врза со укинување на дел од рестриктивните мерките, иако бројот на новозаболени почна да се намалува, но бројот на заразени во Германија со британскиот вид е 22 проценти. Вакцинацијата е на доброволна основа, но Шпан побара од граѓаните да ја примат вакцината. – Ако чекате, ризикувате да заболете од сириозна болест, истакна Шпан.

Германскиот министер за здравств бара ограничување на извозот на вакцини од ЕУ

Тале Кристо — Tue, 26 Jan 2021 09:51:14 +0000

Германскиот министер за здравствоm, Јенс Шпан повика на ограничување на извозот на вакцините произведени во ЕУ. Шпан за јавниот сервис ЗДФ истакна дека за вакцините, „кои ја напуштаат ЕУ“, треба да се воведе дозвола, за да се знае што се произведува, што ја напушта Европа и ако ја напушта Европа, дали правично се распределуваат. Во врска со најавеното доцнење во испораката на вакцините на компанијата АстраЗенека, Шпан рече дека сфаќа оти може да има проблеми со сложени процеси како што е производство на вакцини. Меѓутоа тој истакна дека овој проблем треба фер и рамноправно да влијае врз сите.

Шпан: Германија нема да ги укинува мерките за Ковид-19 на почетокот на февруари

Ивона Петрова — Wed, 13 Jan 2021 10:54:55 +0000

Германија, на почетокот на февруари, нема да може да ги укине сите мерки воведени за спречување на ширењето на коронавирусот, соопшти министерот за здравство Јенс Шпан, нагласувајќи ја потребата од дополнително намалување на контактите со цел земјата да се одбрани од позаразниот нов вид на коронавирусот. -Едно е сега сигурно, на 1 февруари нема да биде можно да се ублажат сите ограничувања што се во сила, рече Шпан денеска за германското радио „Дојчиланд Фанк“, додавајќи дека ќе бидат потребни уште два-три месеци да се видат ефектите од кампањата на вакцинација што се спроведува, пренесуваат британските медиуми. Германскиот таблоид „Билд“ вчера објави дека канцеларката Ангела Меркел, на состанокот со пратениците од нејзината партија, кажала дека сегашното затворање може да потрае до почетокот на април. Германскиот кабинет денеска треба да се состане за да ги одобри построгите контроли врз лицата кои влегуваат во земјата, откако минатата недела беше засилена националната блокада и беше продолжена до крајот на јануари. Новите правила ќе наложат луѓето кои доаѓаат од земји со голем број случаи на зараза или каде што има нов, позаразен вид на веќе циркулирачкиот коронавирус, да направат тест за Ковид-19. Институтот за инфективни болести „Роберт Кох“ (РКИ) денеска јави за 19.600 нови инфекции, а бројот на смртни случаи се зголеми за 1.060 и сега изнесува 42.637, се наведува во соопштението на институтот.

Шпан: Германија би можела во декември да почне со вакцинација

Ивона Петрова — Mon, 23 Nov 2020 06:21:50 +0000

Германија може во декември да почне со вакцинирање на граѓаните против коронавирусот, соопшти германскиот министер за здравство Јенс Шпан. -Има причина да се биде оптимист дека вакцината годинава ќе биде одобрена во Европа. И тогаш веднаш може да почнеме со вакцинирање, рече Шпан во интервју за германски РНД. Британските медиуми пренесуваат дека тој од германските сојузни држави побарал до средината на декември да подготват центри за вакцинација. -Повеќе би сакал центрите за вакцинација да бидат подготвени неколку дена порано отколку да имаме одобрена вакцина што не се користи веднаш, рече Шпан. Министерот, исто така, посочи дека Германија преку Европската комисија,со билатерални договори и други опции, веќе обезбедила повеќе од 300 милиони дози на вакцината, и кажа дека ова е повеќе од доволно и дека дури остава простор за споделување на вакцината со други земји.