Јенс Столтенбрег – Kurir.mk

Столтенберг: На Русија не треба да и се дозволи да победи во војната во Украина

Ивона Петрова — Thu, 04 Aug 2022 11:16:47 +0000

На Русија не треба да и се дозволи да победи во војната во Украина, изјави генералниот секретар на НАТО Јенс Столтенберг, пренесуваат британските медиуми. -Во наш интерес е овој вид на агресивна политика да не успее, рече тој во говорот пред партискиот подмладок на Работничката партија во неговата родна Норвешка. Војната на Русија во Украина е напад на актуелниот светски поредок, посочи Столтенберг. Тој изјави дека Европа се наоѓа во „најопасната ситуација за неа од Втората светска војна“. Столтенберг додаде дека доколку рускиот претседател Владимир Путин реши да направи нешто слично со земја од НАТО, тогаш целата Алијанса ќе одговори. Генералниот секретар на НАТО говореше на состанокот на млади активисти организиран од Норвешката работничка партија на островот Јутоја, во областа Осло.

Столтенберг ја откажа посетата на Берлин

Магдалена Андонова — Thu, 09 Jun 2022 07:54:16 +0000

Генералниот секретар на НАТО Јенс Столтенберг ја откажа посетата на Берлин, при што требаше да се сретне со германскиот канцелар Олаф Шолц. Според портпаролот на германското Министерство за одбрана, не се наведени причините за откажување на посетата.

Столтенберг и вети на Украина дека ќе добие испорака на тешко оружје

Магдалена Андонова — Thu, 07 Apr 2022 08:55:00 +0000

Генералниот секретар на НАТО Јенс Столтенберг смета дека Алијансата не смее да прави разлика меѓу снабдувањето со одбранбено и офанзивно оружје за Украина и му вети на Кулеба дека ќе разговара за испорака на тешко оружје за НАТО. Генералниот секретар на НАТО ја даде изјавата на денешната средба со украинскиот министер за надворешни работи Дмитриј Кулеба. – Украина води одбранбена војна, така што нема разлика меѓу снабдувањето со одбранбено и офанзивно оружје, рече тој по пристигнувањето на состанокот на министрите за надворешни работи на Алијансата, нагласувајќи дека ќе разговара со министрите за набавка на различно оружје, вклучително и тешко оружје. – Земјите на НАТО веќе обучија десетици илјади украински војници. На нашиот состанок ќе ја разгледаме потребата од дополнително противтенковско и противвоздушно оружје, лесно и тешко оружје и многу различни начини за поддршка на Украина, рече Столтенберг. (МИА)

Столтенберг: Решението е во разговорите меѓу Белград и Приштина

Ивона Петрова — Thu, 18 Jun 2020 06:51:51 +0000

Генералниот секретар на НАТО, Јенс Столтенбрег, ги поздрави иницијативите за продолжување на дијалогот меѓу Србија и Косово, како единствен начин за решение на проблемот. „Го поздравувам фактот дека претставниците на Косово и Србија зборуваат, бидејќи единствениот начин да се решат предизвиците во регионот и несогласувањата за Косово е во разговорите за политичкото решение“, кажа тој. По дводневните разговори меѓу министрите за одбрана на НАТО, Столтенберг изјави дека не сака да шпекулира за резултатот од средбата на претставниците на Србија и на Косово, организирана од САД, на 27 јуни, но, исто така, истакна дека го поздравува дијалогот. „Мислам дека не е лесно, но е важно тие да се сретнат. Важно е, по подолг период без вистински состанок, дијалогот да продолжи и тоа е првиот чекор во вистинска насока“, рече Столтенберг. Тој процени дека и Србија и Косово признале дека тензиите мора да се намалат и дека мора да се најде начин за напредок. Генералниот секретар на НАТО потенцира дека Алијансата продолжува со своето присутна на Косово со 3.000 до 4.000 војници, кои обезбедуваат безбедно опкружување за сите етнички групи во Косово.