Јетон Кривањева – Kurir.mk

ПОРАНЕШНАТА НА ЖИЛА СО МОРНИЧАВИ ДЕТАЛИ ОД ВРСКАТА – неговото обезбедување ме спакува и ме избрка, а кога му се јави мајка ми имаше што да му порача! (ВИДЕО)

Дарко Андоновски — Wed, 08 Mar 2023 16:50:59 +0000

Ладнокрвното убиство кое се случи пред два дена во Старата чаршија во Скопје се уште ја бранува јавноста, особено по вчерашната вест дека еден од убиените бил во минатото во врска со риалити учесничката и танчарка Александра Николиќ. Како што вчера открија српските медиуми, Јетон Кривањева викан Жила бил во година и половина во врска со Николиќ. Доказ за нивната турбулентна и насилна врска е и видео исповеста која таа ја дала неодамна за српските медиуми во која раскажува како навистина изгледал нејзиниот живот со него во Скопје. Таа во видеото вели дека целиот живот била опткружена со опасни момци.

View this post on Instagram

A post shared by ⚜️ALEKSANDRA NIKOLIĆ⚜️ (@alex_mima)

„Тој мој поранешен се занимава со криминал, јас се заљубив во него каков што е и барав нешто добро во него. Но, просто тој имаше проблем со алкохолот, мајка ми му се јави додека бев во „Задруга“ и сешто му кажа“, раскажува таа. Нејзината мајка раскажува дека кога го побарала прво се јавило неговото обезбедување, а потоа едвај го добил него за да разговараат. -Кажете му дека има само пет минути да ми се јави инаку ќе има големи проблеми, бидејќи моето дете не е мачка, ниту куче, туку мое дете, раскажуваа мајката на Николиќ.

View this post on Instagram

A post shared by Obreski Boris Emmediciotto (@boris_obreski)

Александра додава дека добила ќутек од него и дека утредента неговото обезбедување ја избркало за Белград. Нејзината мајка вели и дека се надева уште еднаш нема да запознае таков човек со таков карактер.

View this post on Instagram

A post shared by ⚜️ALEKSANDRA NIKOLIĆ⚜️ (@alex_mima)

ЈА ПРЕТЕПАЛ, ПА И СЕ ЗАКАНИЛ ДЕКА ЌЕ ОБЈАВИ ВИДЕО +18 ОД НЕА- Убиениот наркобос од Скопје година ипол бил во врска со оваа српска старлета (ФОТО)

Катерина Бојаџиева — Tue, 07 Mar 2023 20:09:47 +0000

Ладнокрвното убиство кое се случи вчера во Стара чаршија во Скопје и денеска ја тресе јавноста и надвор од нашите граници. За настанот пишуваат и медиумите надвор од земјава, а еден од убиените го поврзуваат со позната старлета во Србија и реалити личност, Александра Николиќ. Како што пишуваат српските медиуми Јетон Кривањева бил во врска со Алекс Николиќ, која пак неговата насилничка природа ја искусила на своја кожа. Потсетуваат на исповед која старлетата ја дала за годините кога била во врска со Кривањева. Таа на времето настапувала во клубови во Македонија, каде го запознала сега убиениот. Извесно време живееле заедно во Скопје. -Поради него ја напуштив работата, бидејќи му сметаше тоа што танцував. Ми беше убаво со него година ипол, но го оставив затоа што ме претепа. Тоа го направи затоа што се умисли дека се загледувам во некое момче. Толку ме претепа што имав сериозна повреда на усната, изјавила Николиќ, која поради ова ја завршила врската. Таа додава дека Кривањева долго потоа и се заканувал дека ќе објави компромитирачки материјали за неа. Кривањева, инаку, се поврзува со криминалното подземје. Тој и Енез Исени беа синоќа убиени во кафулето „Шиша бар“, кога неколкумина лица во фантомки влегле во објектот и ги застрелале во глава.

A1on: Кои се убиените во чаршијата – нова пресметка меѓу клановите „Беланоца“ и „Грчец“, крвна одмазда и освета?

Ристе Здравков — Tue, 07 Mar 2023 11:28:58 +0000

Се разгоре ли војната во скопското подземје повторно? По синоќешната ликвидација на Јетон Кривањева (Жила) и Енис Исени (Љаци), што соодствува на иницијалите што утрово ги соопшти полицијата („пет лица облечени во црна облека со фантомки од огнено оружје пукале кон Ј.К. (37) и Е.И. (28), кои починале на местото на настанот“), неофицијално, е продолжение на пресметките меѓу ривалските нарко групи во скопско кои се во судир веќе неколку години, а нивното ривалство ги полни полициските билтени со убиства, пукање, запалени возила и крвна освета. Жила и Љаци наводно припаѓаат на кланот од Грчец и имаат нерасчистени сметки со членови на групата „Беланоца“ од Ченто. Сепак полицијата допрва треба да утврди кој стои зад двојната ликвидација во чаршијата и дали се работи за пресметка меѓу подземјето. Според информации од скопското подземје нападот наликува на стилот на Беланоца. Маскирани со фантомки на главите, облечени во црно да наликуваат на специјална полиција, да влезат во објект и со викање „полиција“ за да ги збунат присутните, да пукаат кон својата мета. Истото се случи и во хотелот Александар Палас во 2019 година каде повторно мета беа сега убиениот Жила и Камер Идризи. Насилното ривалство помеѓу двете групи се заострило во 2005 година, откако како последица од прострелни рани во кафеанска пресметка, почина Неџмедин кој беше брат на Џелал Ајети-Џељо кој пак беше убиен во во ноември 2013 година на 46-годишна возраст. Беше убиен во неговата чајџилница „Кај Џељо“, во скопско Ченто. Нападот врз него е сличен како вчерашниот. Убиецот, маскиран во фантомка, со оружје влегол во чајџилницата и испукал најмалку 30 куршуми. Во септември 2018 година пак беше убиен и третиот брат, Наим Ајети, пресретнат од возило на „Рузвелтова“ во Скопје. Следната година 2019 се случи инцидентот во Александар Палас. Пет лица со фантомки излегле од возило и отвориле оган кон ресторанот на хотелот, каде седеле Камер Идризи и Јетон Кривањева. Полицаец во цивилна облека, кој во тоа време седеше на иста маса со нападнатите, кои се од Грчец, возвратил на напаѓачите и со тоа спречи поголеми последици. Напаѓачите избегале со џип марка „Туарег“ кој имал украдени регистерски таблички, а кој полицијата го најде запален на периферија на Скопје. Целиот текст прочитајте го ТУКА

Телма: Во нападот во Чаршија е убиен Кривањева врз чие друштво пред 4 години беше пукано во „Александар Палас“

Ивона Петрова — Mon, 06 Mar 2023 21:57:38 +0000

Телма објавува дека двајцата убиени во нападот во бар во Старата скопска Чаршија се Јетон Кривањева и Енес Исени. Двајцата им подлегнале на повредите на местото на злосторството. Неколку вооружени лица пришле на жртвите и почнале да пукаат во нив по што избегале вечерва околу 20:11 часот. Во нападот е рането уште едно лице кое било во друштво на убиените. Кривањева според повеќе медиуми на албански јазик од Македонија беше дел и од групата која беше цел на вооружен напад во скопскиот хотел Александар Палас во 2019-та година, објави Телма. Тогаш маскирани напаѓачи стрелаа кон групата во која беа и Камер Идризи и Јетон Кривањева. Поголеми последици врз нападнатите спречил полицаец во цивил кој во тој момент седел на истата маса со нападнатите кои се од скопско Грчец. Полицискиот службеник пукал во напаѓачите во самоодбрана, а немаше сериозно повредени. Во 2021-ва во Бутел беше убиен Камер Идризи додека се движел со автомобил, а во него било пукано од друго возило во движење. Тоа убиство не е расветлено. Денеска пак е убиен Кривањева, а настрада и Исени кој бил во негова придружба во угостителски објект. МВР засега не дава информации дали имало и други гости во локалот каде се случил оружениот напад.