Јилдиз Веапоска – Kurir.mk

Вештаци од Судска медицина сведочеа во процесот што се води против тројца лекари од струшката болница

Катерина Бојаџиева — Wed, 21 Jun 2023 10:55:28 +0000

Со давање искази на тројца вештаци од Институтот за судска медицина денеска пред Основниот суд во Струга продолжи судскиот процес по предметот на родилката Јилдиз Веапоска од Дебар, на која при породувањето со царски рез во Струшката болница и беа отстранети три органи. Оштетената Веапоска, која при оперативниот зафат остана без матка, јајник и бубрег, по денешното рочиште рече дека исказите на вештаците за неа биле дополнителен стрес, нивните изјави ја навратиле на она што и се случувало за време на нејзиното породување. Лично смета дека вештачењето било ограничено само на делови од медицинскиот зафат и се однесувало само на извадениот бубрег, а не и за останатите органи што и биле отстранети при хирурушкиот зафат. - Сметам дека за се она што ми се случи одговорен е целиот медицински персонал на струшката болница, за се она што ми се случуваше од мојот влез во болницата се до денот на излегувањето... Да потсетам до Обвинителството, до адвокатите, мене не ми беше изваден само бубрегот, туку и матката, за што воопшто не се зборуваше. Зошто ми е извадена матката, зошто јајникот и зошто јас повеќе нема да можам да станам мајка, нема да можам да имам други деца, рече оштетената Веалоска. Адвокатот на оштетената, Сашо Јанев смета дека начинот на кој е дадено стручното мислење на лекарите од Судска медицина, укажува на предвидлив исход од судскиот процес, одбивајќи притоа да посочи што тоа значи. - Во вештачењето стои дека товарот на несовесното лекување паѓа на сите учесници во оперативниот зафат...Имињата и презимињата кој се учествувал во постапката стојат во обвинителниот акт, кој и колку несовесно постапувал...Што се однесува до мене, јас сите од струшката болница би ги ставил во обвинението. Јас како полномошник сум пристрасен кога се однесува до мојата клиентка, меѓутоа ако се ставите себеси во нејзината позиција, да влезете здрав и да излезете од болница брз три органи, апсолутно треба да одговараат сите...Секој кој несовесно лекувал и се огрешил пред Законот треба да одговара, рече Јанев. Следно рочиште од процесот што се води против тројцата лекари - гинекологот Мухамед Асани, неговиот син доктор Блертон Асани и доктор Лилјана Јованоска е закажано за 10 јули.

По трет пат одложено судското рочиште за случајот со родилката од Дебар

Катерина Бојаџиева — Fri, 10 Mar 2023 11:14:20 +0000

Во Основниот суд во Струга денеска по трет пат беше одложено судењето за случајот со родилката Јилдиз Веапоска од Дебар, на која и беа отстранети три органи по породувањето со царски рез, против тројца лекари од Болницата во Струга. Одлагањето, како што беше истакнато на денешното рочиште, на кое требаше да сведочи медицинска сестра на барање на обвинителството, е поради отсуство на адвокат на обвинета во случајот. Судењето е закажано за 9 мај, со образложение дека адвокатот имал хирушка интервенција. Адвокатот на оштетената Веапоска, Сашо Јанев, смета дека неговиот колега од спротивниот табор навистина имал здравствени проблеми и оти одлагањето не е дел од неговата тактика. - Го познавам како чесен адвокат и верувам дека навистина е на оперативен зафат. Јас му посакувам брзо оздравување. Секој адвокат има своја тактика. Искрено не верувам дека ова е дел од тактиката. Меѓутоа, сепак премногу време одминува по однос на ова судење. Очекувам дека од следното рочиште ќе се убрза целокупниот процес и ќе дојдеме до првостепена пресуда во најскор можен рок, изјави Јанев по излегувањето од судницата. Оштетената Веапоска, смета дека постапката се одолговлекува од почетокот и оти ова одлагање е купување време, но очекува дека еден ден правдата ќе биде задоволена. - Постапката се одолговлекува уште од самиот почеток, уште од Лекарската комора и од Министерството за здравство, па се до тука. Колку и да се одложува еден ден ќе дојде крајот, мислам дека правда треба и мора да има за овој случај, рече Веапоска. Кажа дека досега се немала соочено со ниту еден доктор надвор од судницата, но оти сака законски да одговараат за тоа што останала без матка, јајник и бубрег. Веапоска истакна дека се лекувала на психијатрија и оти здравствената состојба се повеќе и се влошува психички и физички, а во меѓувреме имала и друг оперативен зафат во кој и била отстранета жолчката.

Условна казна за докторот кој ѝ ги извади органите на родилката, породувал жени на „црно“

Ристе Здравков — Thu, 02 Feb 2023 08:47:58 +0000

Условна казна му е изречена на гинекологот Мухамед Асани, затоа што во нелегална ординација во неговата куќа, давал здравствени услуги, а меѓу клиентите беше и родилката Јалдз Веапоска, која подоцна остана без органи. Ова е исходот од првата кривична пријава која ја поднесе Државниот санитарен и здравствен инспекторат, а Веапоска во изјава за „Макфакс“ вели дека е задоволна од пресудата. Сега, гинекологот не смее да направи ново кривично дело во наредните четири години, во спротивно, ќе треба да лежи затвор од две години. Пресудата е изречена во струшкиот Основен суд. „Задоволна сум од исходот на случајот за нелегалната ординација, бидејќи му ја најдоа и го казнија за тоа што нелегално ме прегледуваше мене и сите жени во таа ординација. Таму имаше и други жени кои беа прегледувани. Верувам дека сум заштитила и други жени кои би отишле таму да се прегледуваат“, вели Веапоска за „Макфакс“. Пресудата доаѓа две години откако ДСЗИ изврши вонреден надзор во нелегалната ординација. Тогашната директорка на инспекторатот, Ирина Сотирова – Бухова, констатираше дека гинекологот Асани имал комплетна ординација, која не била регистрирана и поднесе кривична пријава. Веапоска за „Макфакс“ додава дека ова е само почеток. „Тоа е почеток, казната што ја доби од судот. Тоа му е прва пресуда. Дај Боже на пресудата за вадењето на моите органи, да се казни со затвор. Сакам повеќе да не е доктор. Да не осакатува други жени. Затоа и тргнав во оваа работа“, додава родилката. Мухамед Асани беше директор на струшката болница. По јавното обелоденување на случајот со Ваепоска, тој беше разрешен. Според родилката, тој и натаму работи во болницата и обавува обврски како доктор. Со оваа пресуда не му е изречена забрана за вршење дејност. Ваепоска води уште една битка пред струшкиот суд. Тој се гони затоа што по породување со царски рез во струшката болница, и извадил три органи на Веапоска.

ПРВПАТ ОЧИ ВО ОЧИ: Родилката Веапоска се сретна со докторите – Во судницата и се слошило, тие не чувствуваат вина

Ивона Петрова — Tue, 24 Jan 2023 14:20:58 +0000

Во струшкиот Основен суд денеска се одржа рочиште од судскиот процес на Јилдиз Веапоска, родилката од Дебар на која и беа отстранети три органи по породувањето со царски рез, против тројца лекари од Болницата во Струга. Прв пат на денешното рочиште во судницата се сретнаа оштетената Веапоска и обвинетите. Давајќи исказ за целиот случај на Вепоска и се слошило во судницата, па по пет минутна пауза рочиштето продолжило. Обвинетите лакари, пак кажале дека не чуствуваат вина и побарале ново вештачење за случајот. – Многу е тешко да останеш без органи и да се расправаш по судски врати со докторите кои не ја признаваат вината, изјави Вепоска по рочиштето. Првоосомничениот, гинекологот и тогашен директор на Болницата во Струга, Мухамед Асани одби да даде изјава за медиумите. Според обвининето, тројцата лекари се товарат дека на родилката Веапоска и отстраниле бубрег, матка и јајник. Како што е појаснето при породувањето со царски рез и ја оштетиле левата бубрежна артерија, но не презеле мерки, туку и давале терапија при што паднала во шокова состојба. Повторно ја оперирале и ја отстраниле матката и левиот јајник иако не биле оштетени. Крварењето не престанало па со втор зафат утврдиле дека е оштетена артерија. Тогаш и бил отстранет и левиот бубрег и била пренесена на КАРИЛ во Скопје. Судскиот процес почна во јуни минатата година, но поради отсуство на обвинетите неколку пати беше одлаган. Следното рочиште е закажано за 10 март.

ОБВИНЕТИТЕ НЕ ДОШЛЕ: Одложено рочиштето против тројцата лекари кои се обвинети за несовесно лекување и вадење органи на Јилдиз Веапоска

Магдалена Андонова — Mon, 06 Jun 2022 15:42:57 +0000

Одложено првото рочиште од судскиот процес против тројцата лекари, кои се товарат за несовесно лекување и вадење органи на родилката Јилдз Веапоска што денеска требаше да се одржи во Основниот суд во Струга. Рочиштето е одложено поради отсуство на обвинетите. Адвокатот на Веапоска Сашо Јанев вели дека колку и да се одлага предметот не може да се избега од фактот дека неговата клиентка е останата без три органи во Струшката болница. -Може да одлагаат колку сакаат, но факт е дека судењето мора да почне. Се работи за кривично дело, несовесно лекување на болни и максималната казна е до пет години. Судот и обвинителството си ја знаат својата работа и очекуваме позитивен исход, односно оние кои го сториле кривичното дело да одговараат пред закаонот, изјави Јанев, по одлагањето на рочиштето. Тој очекува да заврши две годишната агонија за неговата клиентка и оти е ја почитуваат одлуката на судот. Оштетената Веапоска, пак, која при царски рез останала без атка, јајници и бубрег, посочува дека две години се соочува со неправда, и оти покрај здравствено и психички не се члуствува добро. -Докторот се брани со тоа дека совеста му е чиста и не направил ништо, ми го спасил живот. Но, каков живот ми спаси кога јас сум половина човек. Јас сум без органи и каква чесност има тој доктор. Тој како ќе ме погледне мене во лице. Треба да му се одземе лиценцата за работа и да не работи веќе да не осакатува други жени, рече Веапоска. За случајот со родилката Веапоска, Лекарската комора првично утврди дека нема лекарска грешка, но, по спроведена постапка, јавен обвинител од Основното јавно обвинителство Струга поднесе Обвинителен предлог против три лица. На 7 мај годинава ОЈО информираше дека првообвинетиот како лекар – специјалист гинеколог акушер, второобвинетиот како лекар – специјализант по гинекологија и акушерство и третообвинетата како лекар – гинеколог акушер, вработени во Јавната здравствена установа – Медицински центар – Струга, при укажување лекарска помош примениле очигледно неподобно средство и начин на лекување врз пациентка – родилка од Дебар, со што предизвикале влошување на нејзината здравствена состојба. (МИА)

Дел од скандалите на Филипче – Борба за живот, за кислород

Ивона Петрова — Sun, 12 Sep 2021 11:32:33 +0000

Низа скандали го одбележуваат раководењето на Венко Филипче со Министерството за здравство. Сомнителни тендери, висока корупција, скандали со пациенти се само дел од ситуациите на кои јавноста во изминативе години беше сведок. Пандемијата со коронавирусот особено на површина го извади лошото менаџирање со состојбата. Додека министерот Филипче и владата уверуваа дека состојбата е под контрола, граѓаните секојдневно преку медиумите и социјалните мрежи ги споделуваа своите негативни искуства. Додека Филипче уверуваше дека за секој граѓанин на кого му е потребна хоспитализација има слободен кревет и никој нема да биде вратен назад, граѓаните јавно говореа и сведочеа за личната или голготата на своите блиски. Од хоспитализација во болнички ходници, до наоѓање врски за да се дојде до медицинска помош во болнички услови. На голем дел вратите им беа затворани со образложение дека немаат место и беа препраќани и вртени низ болничките лавиринти. Наместо граѓаните на дело да го видат она во што надлежните ги уверуваа, голем дел мораа сами да се снаоѓаат со лекови, кислород. Пропусти се правеа и во навидум добрата организација во следењето на кластери. Надлежните не најдоа решение како да дојдат до податоците од оние граѓани кои одбиваа да ги кажат своите контакти или даваа лажни податоци. Граѓаните бурно реагираа и на ненавременото носење на рестриктивните мерки, како и на носењето на несоодветни мерки во даден период. Она што е еден од поголемите пропусти кога станува збор за коронакризата е немањето вакцини. Додека сите држави набавуваа и наоѓаа начини да дојдат до вакцина повеќе за своите граѓани, Владата и Министерството за здравство потфрлија. Јавноста добро памети дека вакцинацијата во Македонија започна благодарение на донираните вакцини од соседна Србија. И обидот за набавка на вакцини од Кина не помина без скандал Италијанскиот весник „Ла Верита“ во март годинава објави писма и документи за набавката на вакцини од Кина. Весникот пишуваше дека кинеската компанија ја откажала зделката плашејќи се од измами, бидејќи според објавите на „Ла Верита“ Заев одел преку фирма посредник која била фантом компанија со нестабилни темели во Хонг Конг. Во официјалните изјави на Заев и Филипче, кои неколку пати го најавуваа доаѓањето на кинеските вакцини во Македонија, истакнува дека причина за враќање на авансот за кинеските вакцини е поради усогласување на документацијата. Заев тогаш потврди дека се обиделе преку поинаков пат да дојдат до вакцини, но негираше лоши намери или незаконско дејствување. -Негирам какви било лоши намери или незаконско дејствување, зашто во овој период правиме напори да набавиме вакцина по сите можни канали. Јас ја информирав јавноста, и министерот за здравство информираше дека после две недели чекање на активности на кинеската амбасада, ние директно преку ‘Синофарм’ не можевме да добиеме контакт и дадовме нарачки преку приватни компании кои Министерството за надворешни работи не ги потврди и затоа и авансот беше повлечен. Сега очекуваме да стигнат нарачките преку МНР на Кина, односно преку кинеската амбасада, рече во март Заев. Во тој период и претседателот на ВМРО-ДПМНЕ Христијан Мицкоски во јавноста излезе со информаци дека власта платила екстремно висока цена за набавка на 200 илјади кинеските вакцини Синофарм. Тој објави и документи, според кои, како што вели, вакцините од Синофарм чинеле 7,8 милиони долари. Тоа, според Мицкоски, е двојно повеќе од продажната цена на вакцините. -Со овој документ се потврдува целата афера околу обидот на македонската влада да набави кинески вакцини преку фирмата посредник „Стабри“. Владата во месец февруари на фирмата со седиште во Хонг Конг и уплатила 7.8 милиони долари, со што излегува дека една вакцина од кинеските „Синоифарм“ би чинеле 65 долари, истакна тогаш Мицкоски на брифинг со новинари. Борба за живот, за кислород За несоодветното менаџирање и справување со коронакризата сведочеше и младата Михаела која ја загуби својата мајка. 41 годишната жена се лекувала во штипската болница од коронавирус, а Михаела објавувајќи ги пораките од својата мајка по нејзината смрт истакна дека жената молела за кислород. - Во периодот од 7:00 – 8:00 на 14.11.2020 по повторно милион обиди да ги добиеме, докторот ни кажа дека ,, во тешка ситуација е, има бронхопневмонија на целите бели дробови, ќе мора да се јавите до после пак за да видиме како ќе биде“. После еден час од мојот разговор, добивме инфомација дека мајка ми е мртва. Се помиривме со сето ова. Судбина. Тие направиле се што можеле, толку можеле и на телефон да ни кренат за информација. Презафатени се со пациентите. Тие се грижеле за мајка ми, но не можеле ништо да направат. Сето ова беа мои зборови за утеха на моето семејство и зборови во кои што верував и бев сигурна. Но, знаете до кога? До пред половина час господине Венко Филипче. Додека не го зедов телефонот на мајка ми кој ни го вратија за да ги прочитам сите утешни зборови што и ги пишав нејзе, но таа не била во состојба да ги прочита и не ги видов сите нејзини неуспешни обиди да го добие дежурниот медицински персонал. Сите повици во кои мајка ми се обидела да добие помош, да добие кислород за да диши, но секако, никој не ја удостоил со одговор. Клучната ноќ, по нашиот последен „нормален“ разговор мајка ми се обидувала да добие помош со 10 повици од 20:23 – 20:29. Има и две молби за шанса за живот од кои едната гласи ,,Ова е итно. Јави ми се. ” и ,, Боца кислород треба горе во четворката “. Мајка ми нема да ја вратиме, на мајка ми никогаш повеќе нема да и биде потребен кислород, мајка ми повеќе никогаш нема да моли за шанса да живее, напиша тогаш Михаела на нејзиниот Фејсбук профил. Инспекциска контрола беше испратена во болница за да го испита случајот и утврди дека пациентката била лекувана според предвидените протоколи. Еден во низата скандали во македонското здравство беше и случајот со родилката Јилдиз Веапоска. Цела македонска јавност беше згрозена и шокирана од скандалот со струшката болница каде што родилка од Дебар остана без три органи, а случајот шест месеци се заташкувал. 28 годишната медицинска сестра во Брза Помош, цели 4 дена ги поминала во вистинска агонија во болницата во Струга пред докторите воопшто да се решат да проверат зошто тукушто породената мајка има толку силни болки во стомакот. Иако постојано се жалела дека не се чувствува добро, докторот Асани три дена по породувањето и донел отпусно писмо и и рекол дека е подготвена за дома. Само што го повикала сопругот, ситуацијата и се влошила.Влезот во операционата сала е последното нешто нашто се сеќава. По 10 дена во кома се разбудила наскопските клиники кога дознала дека нема матка, јајник и еден бубрег. Во домот на Д-р Мухамед Асани беше откриена нерегистрирана гинеколошка ординација на д-р Асани и за неа нема никаковдокумент. Комисијата која го испитуваше случајот, составена по налог на министерот Филипче, утврди дека не се констатирани неправилности, пропусти и недостатоци во нејзиното лекување. Веапоска и нејзиното семејство најавија дека правдата ќе ја бараат по судски пат. Додека често властите го вперуваа прстот кон граѓаните за непочитување на мерките, јавноста сведочеше и медиумите пишуваа за луѓе кои остануваа инвалиди или ја губеа борбата за живот. Инспекциите, тие констатираа работа на здравствените институции според протокол.

„Комисијата на Филипче забошотува лекарски пропусти на сметка на здравјето на пациентите, за нив е нормално што Веаповска изгуби бубрег, јајник и матка“

Магдалена Андонова — Sat, 29 May 2021 07:31:26 +0000

Одлуката на Комисијата на Филипче за случајот со родилката Веаповска е показател за упропастениот здравствен систем. Патем оваа одлука во која се утврдува дека единствена грешка во овој случај е запишувањето на полот на роденото дете, а не фактот што родилката после царскиот рез останала без јајник, матка и бубрег, е уште еден показател дека институците сакаат да забошотат трагичен случај на една родилка, за да го заштитат помоќниот, стои во соопштението на ВМРО-ДПМНЕ. Од партијата посочуваат дека ова е срамота и дека оваа нечовечка одлука на Комисијата на Филипче очигледно имала политичка задача да го заташка случајот. - Патем да биде состојбата уште пострашна за истата болница, за истото одделение и за истиот лекар се врзуваат и други трагични случаи за кои нема никаква разрешница. Затоа и ВМРО-ДПМНЕ и јавноста се повеќе се уверува дека институциите и Филипче преку бирократски процедури сакаат да заштитат очигледно кривично дело на сметка на оштетените пациенти и нивното здравје, додаваат од ВМРО-ДПМНЕ.

ВМРО-ДПМНЕ: Одлуката на Комисијата на Филипче и претходниот обид за забошотување на случајот со Веаповска мирисаат на политика

Ивана Ефремовски — Fri, 28 May 2021 11:05:28 +0000

Вчера медиумите објавија скандалозна вест дека после неколку месеци Комисијата која ја формираше министерот Филипче за случајот со родилката Веапоска на која после породувањето и биле отстранети три органи, НЕМА пропусти, односно Комисијата не констатира недостатоци, неправилности или пропусти во здравствената установа?! Замислете единствена грешка која ја востановила Комисијата после неколку месеци било дека САМО погрешно бил евидентиран полот на плодот на родилката, реагираат од ВМРО-ДПМНЕ. -Ова е срам за целата лекарска фела и срам за државата. Родилка останала без три органи, матка, јајник и бубрег, а Комисијата не гледа никаква вина во постапката на лекување и третирање на пациентот. Да потсетиме дека случајот на родилката од Дебар се заташкува низ институционалните лавиринти речиси една година. Институциите со месеци играа пинг - понг и ја префрлаа одговорноста, за после притисокот на јавноста се пристапи кон формирање на Комисија која гледаме каква скандалозна одлука донела. Ова отвора сомнеж дека и последната одлука на комисијата на Филипче и претходните обиди за прикривање и забошотување на делото имаат политичка позадина. Со ова Филипче директно си зеде улога на прикривач на вистината за случајот со родилката од Дебар, Јилдиз Веапоска, велат од партијата.

Веапоска за Слободен печат: Ова ли е помош? Сите ќе ги тужам што беа на операцијата, правдата ќе ја барам и во Стразбур

Магдалена Андонова — Fri, 28 May 2021 10:58:37 +0000

Сторијата на Ј. Веапоска од Дебар е случај кој ги отсликува состојбите во македонското јавно здравство: корупција, нестручност, немање државна контрола врз лекарите и здравствените процеси и, на крај, непоправливи последици за пациентите. Таа преживеа вистинска голгота откако се породила во болницата во Струга со царски рез, но од операцијата излегла без матка, бубрег и без еден јајник. За Слободен печат вели дека е лута и разочарана што и по 9 месеци не е најден пропуст во нејзиниот лекарски третман од страна на стручната комисија составена за да го ревидира нејзиниот третман во струшката болница. Јалдз револтирана кажува дека правдата ќе ја тера и бара во македонските судови, и покрај тоа што се наоѓа во лоша здравствена состојба. -Ова не е нормално. Знаеме дека имало хематом. Ама стручната комисија требаше да каже од што настанал тој хематом. Јас тврдам дека настанал од пресек на крвен сад во текот на операцијата. Девет месеци чекавме да ни кажат дека имало хематом?За ова време можев да отидам во странство да направам анализи, а не да ги чекам нив. Премногу сум разочарана и лута. Стручната комисија ми кажа дека се тука да ми помогнат, а ова ли е помош? Сите ќе ги тужам, сите што имале било што со таа операција во Струга. И ќе одам до Стразбур да ја најдам правдата. Знаеме дека имало хематом и дека имало обилно крварење, ама јас пред операцијата со царски рез немав ни хематом ни обилно крварење, тие две работи се настанати во текот на операцијата. Ова што ми го направија мене, не му се прави ни на куче. Не е можно од хематом да се вади бубрег и зошто ваделе матка и јајник ако крварењето било кај бубрегот. Кога е настанат тој хематом, бидејќи пред царскиот рез немав никакви проблеми и крвната слика ми беше сосема стабилна и добра. Барам од Министерот за здравство да излезат јавно да го соопштат ова на дебата и да кажат кога и каде и ќе дојдам. Ова е криминал! Барам и веднаш да ми ги достават документите што им се уредно побарани, односно декурсус морби и оперативниот протокол. Тие се побарани и од Скопје и од Струга, меѓутоа не ми ги даваат, иако адвокатот им ги побара. А не ми ги даваат, зашто тие документи ми се потребни да ми се констатира во странство, што точно се случило. Ќе направиме и вештачења во странство, зашто овде ова е криминал, изјави Веапоска за Слободен печат. Целосната вест може да ја прочитате ТУКА.

Случајот на Веапоска е завршен: Стручната комисија утврди зошто ѝ бил изваден бубрегот на пациентката

Ивана Ефремовски — Thu, 27 May 2021 14:01:10 +0000

Завршен е стручниот надзор на Министерството за здравство во болницата во Струга, а со тоа и случајот на родилката Јилдиз Веапоска е пред самиот епилог. Како што дознава „Слободен печат“, единствена недоследност во нејзиниот случај е грешката со полот на бебето, кое било заведено како машко, а Веапоска родила девојче. Поради проблеми и болки кои се јавиле по породувањето, таа морала да биде повторно оперирана. При отварање на абдоменот, констатирано е крварење околу репродуктивната регија и бубрезите. Како би се спречило крварењето се пристапува кон вадење на матката и левиот јајник. Крварењето не запира, повикан е конзилијарен хирург и е утврдено дека лево ретроперитонеално има хематом што довело до сомнение за крварење во пределот на бубрегот. За да се спречи крварењето е пристапено кон отстранување на левиот бубрег, како би се спасил животот на пациентката, навела стручната комисија. Комисијата заклучила дека вакви компликации при гинеколошко акушерски операции е ретка, но сепак се случува.