Јирген Клинсман – Kurir.mk

Иран пред дуелот со САД побара оставка од Клинсман

Ивона Петрова — Sun, 27 Nov 2022 14:51:20 +0000

Иранската фудбалска федерација побара денеска оставка од членот на техничката комисија на ФИФА, Јирген Клинсман, откако поранешниот германски репрезентативец ги обвини Иранците дека влијаеле врз судиите за време на дуелот против Велс (2-0) на Светското првенство во Катар. Иран во петокот го победи Велс во второто коло во групата Б со два гола во судиското продолжение и во вторник во директна пресметка против САД ќе се бори за пласман во нокаут фазата. -Не е случајно. Тоа не е намерно. Тоа е дел од нивната култура, тие така играат. Тие го напаѓаат главниот судија, линискиот судија, четвртиот судија. Поради нив ви паѓа концентрацијата, рече Клинсман во изјава за Би-Би-си. Неговата изјава наиде на остри реакции од иранскиот селектор Карлос Квеирош. -Овие забелешки за иранската култура, репрезентацијата и моите играчи се срамота за фудбалот, изјави Квеирош. Од своја страна Фудбалската федерација на Иран побара од ФИФА објаснување, а од Клинсман да поднесе оставка.

Јирген Клинсман: Македонија покажуваше моменти на брилијантност

Бошко Тасиќ — Thu, 01 Apr 2021 09:01:46 +0000

Поразот од Македонија синоќа боли во германската јавност и никако неможат да им простат на своите најдобри фудбалери. Некогашната фудбалска икона на Германија, Јирган Клинсман упати серија на пофалби за македонскиот национален тим и критики за Германците. „Искрено, не знам како загубивме, ова е многу неочекуван пораз. Македонија покажуваше моменти на брилијантност и не беше изненадување што водеа на полувреме. Имавме и ние добри моменти, удар на Горецка во пречката на стартот. Да бидам искрен, Македонија требаше да добие пенал, Ова е огромен шок за Германија, нема сомнеж во тоа. Денес нема да има ниту еден германски репрезентативец кој нема да го почувствува разочарувањето на фановите. Ќе биде подобро да се скријат неколку дена дома пред да излезат од дома.“, рече Клинсман.

Клинсман поднесе оставка од тренерската позиција во Херта

Ивона Петрова — Tue, 11 Feb 2020 11:00:12 +0000

Тренерот на Херта, Јирген Клинсман, денес поднесе оставка, поради слаба поддршка од управата на клубот. – Како главен тренер, за задача што сè уште не е завршена, ми требаше и доверба во управувањето. Единството, кохезијата и фокусирањето на главните цели се најважните елементи. Ако не се загарантирани тие елементи, не можам да го искористам мојот потенцијал како тренер и, според тоа, не можам да ги исполнам моите одговорности. Затоа, по многу размислување, дојдов до заклучок да поднесам оставката, соопшти Клинсман. Берлинскиот клуб ја потврди оваа информација. – Бевме изненадени од овој пресврт на настаните утрово. За време на зимскиот трансфер прозорец, немаше никакви знаци за проблеми, се вели во изјавата на Херта. Клинсман ја предводеше Херта од крајот на ноември минатата година. Херта по 21 коло во Бундеслигата се наоѓа на 14. место со 23 бода.

Клинсман се враќа на работа во Бундеслигата

Ивона Петрова — Fri, 08 Nov 2019 09:42:38 +0000

Јирген Клинсман се враќа во Бундеслигата како консултант во Херта (Берлин), јави ДПА. Педесет и пет-годишниот поранешен германски репрезентативец последен пат работел во матичната земја пред 10 години, кога беше разрешен како тренер на Баерн Минхен. Клинсман го водеше Бундестимот во 2004-2006 година и помина 5 години како селектор во САД.

Клинсман нов селектор на Еквадор

Ивона Петрова — Thu, 17 Oct 2019 08:47:45 +0000

Германскиот фудбалски стручњак Јирген Клинсман ќе биде новиот селектор на Еквадор, пренесува „Ел Универзо“. Педесет и четиригодишниот Клинсман успешно ги завршил преговорите за соработка со Еквадорската фудбалска федерација. На последните натпревари репрезентацијата на Еквадор ја водеше Хорхе Селико како вршител на должноста селектор. За потсетување, Клинсман од ноември 2016 година е без работа.

Клинсман: На Германија и требаат контролни натпревари против Аргентина и Шпанија

Ивона Петрова — Tue, 10 Sep 2019 09:18:56 +0000

Познатиот германски фудбалски стручњак Јирген Клинсман го сподели своето мислење за нивото на кое игра германската репрезентација во квалификациите за ЕУРО 2020. – Тешко е да се зборува за тоа каде се наоѓа Германија во фаза меѓу големите натпреварувања. Претпоставувам дека ќе се квалификуваме на ЕП, но потребни ни се и пријателски натпревари против Аргентина, Шпанија и други силни ривали за да видиме каде сме, потенцира Клинсман. Германските фудбалери по пет рунди во квалификациите имаат 12 бода, исто колку и Сверна Ирска и се на делба на првата позиција.

Нишино ја напушта селекторската функција

Ивона Петрова — Thu, 05 Jul 2018 06:06:39 +0000

Селекторот на јапонската фудбалска репрезентација Акира Нишино ќе ја напушти функцијата на крајот од јули. Под негово водство Јапонија стигна до осминафиналето на Светското првенство 2018, каде што загуби од Белгија со 3:2 со голови примени во последните дваесетина минути. - Договорот на Нишино со националниот тим истекува на крајот од овој месец. Тој нема да остане на таа позиција, изјави претседателот на Јапонската фудбалска асоцијација, Коџо Тасима. Главниот кандидат за наследник на Нишино на клупата на Јапонија е германскиот стручњак Јирген Клинсман.