Јирген Клоп – Kurir.mk

Клоп за киднапирањето на родителите на Дијаз: Беше тешка ноќ за сите нас

Ивона Петрова — Sun, 29 Oct 2023 16:54:25 +0000

Тренерот на Ливерпул, Јирген Клоп зборуваше за ситуацијата со киднапирањето на родителите на фудбалерот Луис Дијаз. Дваесет и шестгодишниот крилен напаѓач не се најде во составот на тимот за натпреварот против Нотингем Форест во 10. коло од Премиер лигата. - Очигледно моравме да направиме доцни промени во тимот поради личната ситуација на Луис Дијаз. Беше тешка ноќ за сите нас. Ова никогаш претходно не се случило во моите тимови. Ова е ново искуство за кое никој не се радува, изјави Клоп за „BBC“. Претходно се дозна дека родителите на Дијаз биле киднапирани во Колумбија. Мајката на играчот била спасена речиси веднаш, а според локалните медиуми, таткото попладнево е ослободен по престрелката на полицијата со киднаперите.

Пеп и Сити подготвуваат удар за Клоп и Ливерпул

Бошко Тасиќ — Tue, 24 Oct 2023 03:57:18 +0000

Во Англија полека се подготвуваат за јануарскиот преоден рок, а се чини дека еден фудбалер би можел да биде во центарот на вниманието. Тоа е 20-годишниот играч за врска на Баерн, Џамал Мусиала. Веќе се знае дека Мусиала е голема желба на Јирген Клоп. Тој го сака младиот ас на „Енфилд“, но Баерн ги одби понудите ова лето. Сепак, Баварците би можеле да бидат под добар притисок оваа зима не само од Ливерпул. Во целата приказна се вклучи и Манчестер Сити, бидејќи и Пеп Гвардиола го сака овој млад фудбалер во своите редови. Така, Гвардиола би можел да му зададе уште еден удар на Клоп, но секако и Баерн мора да се праша. Медиумите од Англија пишуваат дека Сити е подготвен да понуди повеќе од моменталната вредност на Мусиала, која изнесува 110 милиони евра. Баерн има добра заштита, бидејќи Мусиала има договор со Баварците до летото 2026 година. Затоа, кој го сака германскиот репрезентативец во своите редови, ќе мора добро да ја отвори касата.

Клоп бара да се преигра натпреварот со Тотенхем

Ивона Петрова — Wed, 04 Oct 2023 18:18:14 +0000

Тренерот на премиерлигашот Ливерпул, Јирген Клоп, побара денеска да се преигра натпреварот против Тотенхем, откако ВАР судиите изминатиот викенд му поништија регуларен гол на неговиот тим. Раководното тело на англиските судии (ПГМОЛ) ја призна грешката кога голот на Луис Дијаз беше поништен поради наводен офсајд и најави измени на правилото со цел да се избегне повторување на грешката во иднина. „Би требало да постои решение. Мислам дека натпреварот треба да се повтори. Навикнав на грешки и тешки одлуки, но вакво нешто никогаш не се случило и затоа мислам дека вистинската работа е натпреварот да се преигра“, рече Клоп. Ливерпул во неделата издаде соопштение во кое наведе дека ќе ги „истражи сите можни опции имајќи ја предвид јасната потреба за решавање на проблемот“.

Клоп нема да биде германски селектор

Ивана Ефремовски — Wed, 13 Sep 2023 12:08:41 +0000

Тренерот на Ливерпул, Јирген Клоп, нема да седне на селекторската клупа на Германија, јавија денеска германските медиуми пренесувајќи изјава на менаџерот на 56-годишниот стратег. Клоп беше меѓу кандидатите за наследник на Ханси Флик, кој беше отпуштен од селекторската должност минатата недела по поразот од Јапонија (1-4) во пријателски натпревар. „Јирген има долгорочен договор со Ливерпул и не е достапен за позицијата селектор на репрезентацијата“, посочи неговиот менаџер Марк Косицке во изјава за „Спортсхау“. Германија ќе биде домаќин на Европското првенство идната година. (МИА)

Клоп: Јас сум презадоволен од Салах, а и тој од Ливерпул

Бошко Тасиќ — Sat, 02 Sep 2023 17:46:04 +0000

Германскиот стратег на клупата на Ливерпул Јирген Клоп по големата сага изјави дека тој е презадоволен од односот на Салах и дека репрезентативецот на Египет не изразува желба за заминување од „Енфилд“.

„Мо е многу посветен, тренира како и претходно. На состанокот кој го имавме се истакна со своите лидерски способности. Мораме да ги разгледаме фактите, а еден до нив е тоа што јас сум презадоволен од неговото залагање и дека се е во ред кога станува збор за неговиот статус во клубот“, вели Клоп.

ВИДЕО: Салах бесен го напушти теренот, фудбалската легенда му порача „Замолчи и седи“

Ивона Петрова — Mon, 14 Aug 2023 15:58:32 +0000

Во дербито на премиерното коло на англиската Премиер лига, фудбалерите на Ливерпул и Челси ги поделија бодовите играјќи 1:1, а головите ги постигнаа Диаз и Дисаси. „Црвените“ први поведоа со 1:0 откако Салах со феноменално додавање го пронајде Диаз кој лесно го матираше Санчез. Јирген Клоп реши да го замени Мохамед Салах во 77. минута, а потегот на германскиот тренер не му се допадна на Мо кој од терен излезе видно незадоволен и бесен. Тој во знак на протест го извади завојот од раката додека го напушташе теренот, не го поздрави Клоп на пат кон клупата, а кога седна ги крена рацете во воздух. -Во ред е да си вознемирен, но не дозволувај тоа да трае предолго. Тој ја сврте главата, а потоа седна на клупата со рацете во воздух. Замолчи и седи! Мора да ја прифатиш одлуката на тренерот, можеш бидеш вознемирен, но тоа не треба да се одолговлекува. Видовме како подобри играчи од Салах излегуваат од игра, сето тоа е дел од играта, изјави легендарниот фудбалер Рој Кин на програмата на Скај Спорт по натпреварот.

The first time Mo get angry for getting subbed off. Personally I think that was a dreadful decision by jurgen Klopp, salah is a treat on goal any time. pic.twitter.com/3zk0V3I3s5
— Salah Szn (@kpresz24) August 13, 2023

Клоп ги повика ФИФА и УЕФА да најдат решение за влијанието на саудиските клубови

Катерина Бојаџиева — Tue, 01 Aug 2023 19:04:58 +0000

Тренерот на Ливерпул, Јирген Клоп, изрази денеска загриженост поради штетните последици од заминувањето голем број квалитетни играчи од европските лиги во Саудиска Арабија и ги повика фудбалските власти да „најдат решение“. Клоп од Сингапур каде неговата екипа утре ќе одигра пријателски натпревар против Баерн Минхен апелираше дека влијанието на Саудиска Арабија во овој момент е „масивно“. „Најлошо е што преодниот рок во Саудиска Арабија трае три недели подолго отколку во Европа. ФИФА и УЕФА мораат да најдат решение за тоа“, рече Клоп. Од почетокот на оваа година бројни фудбалски ѕвезди се преселија во богатите саудиски клубови, меѓу кои и Кристијано Роналдо и Карим Бензема. Од редовите на Ливерпул овој преоден рок во Саудиска Арабија се преселија Џордан Хендерсон, Роберто Фирмино и Фабињо.

Клоп: Кој не сака да игра за Ливерпул, лично јас ќе го возам до новиот клуб

Бошко Тасиќ — Sun, 28 May 2023 05:07:23 +0000

Тренерот на Ливерпул, Германецот Јирген Клоп се помири со фактот дека „црвените“ нема да играат во Лигата на шампионите, но имаше и интересен одговор за новинарското прашање за заминувањето на одредени играчи поради неучеството во елитниот ранг. Клоп пред неколку дена самиот призна дека разочарувањето е секако големо кај сите, а особено директен беше и Мо Салах кој на социјалните мрежи упати понизно извинување до навивачите. Сепак, се појавиле гласини и за одредени играчи кои биле незадоволни и сакале да го напуштат тимот поради неучеството во Лигата на шампионите, а тренерот Клоп даде навистина интересен коментар. „Чув некои слични гласини, а и некаде прочитав дека некој сакал да си замине поради оваа причина. Ако било кој играч дојде кај мене и ми го каже тоа, јас лично со мојот автомобил ќе до одвезам во новиот клуб. Ќе ги земам клучевите и ќе го прашам во кој правец да возам. Не би можел да го разберам таквиот пристап. Јас обожавам да возам, па во таков случај ќе имам двојно задоволство - ќе уживам во возењето и ќе се „ослободам“ од играч што не сака да биде во мојот тим. - изјави Клоп.

Клоп: Салах сака да биде дел од Ливерпул и ќе остане во тимот

Тале Кристо — Sat, 27 May 2023 11:45:04 +0000

Тренерот на Ливерпул, Јирген Клоп вели дека „нема грижи“ за иднината на Мохамед Салах во тимот и покрај тоа што крилниот напаѓач изјави дека е „уништен“ поради неуспехот да се квалификува во Лигата на шампионите. Салах ги објави своите коментари на социјалните мрежи непосредно по победата на Манчестер јунајтед со 4:1 над Челзи во четвртокот, со што Ливерпул не се најде на топ 4. Тимот на Клоп ќе заврши на петтото место и ќе игра во Лигата на Европа следната сезона - Мо сака да биде тука и е дел од Ливерпул. Тој рече дека се извинува за она што го направивме „ние“ - не се извини за „она што го направија другите момци. Репрезентативецот на Египет во четвртокот на Твитер напиша: „Нема апсолутно никакво оправдување за ова. Имавме сè што ни беше потребно за да се пласираме во Лигата на шампионите следната година и не успеавме. Ние сме Ливерпул и пласманот во ЛШ е минимум што мораше да го направиме. Жал ми е, но прерано е за возбудлив или оптимистички пост. Салах, кој минатото лето потпиша нов тригодишен договор - вреден повеќе од 350.000 фунти неделно. Оваа сезона постигна 19 првенствени голови за „црвените“.

ФА го суспендираше Јирген Клоп

Бошко Тасиќ — Fri, 19 May 2023 04:42:13 +0000

Tренерот на фудбалерите на Ливерпл заработи суспензија од еден натпревар поради непримерно однесување и нема да го предводи тимот во претстојниот натпревар против Астон Вила во Премиер лигата. Клоп покрај суспензијата ќе мора да плати и казна од 75.000 фунти, а втората суспензија е условна казна до крајот на следната сезона, ако се повтори прекршокот. Германскиот стратег остро го критикуваше судијата Пол Тирни по победата против Тотенхем 4:3 во натпреварот одигран на 30-ти април. Независната комисија утврди дека изјавата на Клоп претставува недолично однесување со кое е доведен во прашање интагритетот на судиите.