јоаким лев – Kurir.mk

Јоаким Лев подготвен за нов ангажман

Дарко Андоновски — Mon, 24 Oct 2022 13:57:54 +0000

Поранешниот германски селектор Јоаким Лев изјави оти се чувствува подготвен за нов ангажман во фудбалот. Лев беше 17 години дел од стручниот штаб на германската репрезентација, првите две како помошник на Јирген Клинсман, а од 2006 до 2014 како селектор. Во неговиот мандат Германија ја освои титулата светски првак на Мундијалот 2014 во Бразил, а беа поразени во финалето на ЕУРО 2008 од Шпанија. Лев се повлече од должноста по ЕУРО 2021, а неговото место го наследи Ханси Флик. -Веќе имав намера повторно да прифатам работа во фудбалот. Премногу е забавно да се биде во тој спорт. Повторно сум мотивиран кога гледам фудбал, што не беше случај во месеците пред тоа, изјави Лев во интервју за германскиот весник „Кикер“. Лев најави дека неговото враќање во фудбалот ќе се случи по Мундијалот во Катар.

Лев пред промоција во Фенербахче

Ивона Петрова — Thu, 03 Feb 2022 07:40:04 +0000

Поранешниот селектор на Германија, Јоаким Лев, ќе го преземе Фенербахче. Турската медиумска корпорација „Хабер Глобал“ објави дека 61-годишниот фудбалски стручњак се договорил со претседателот на клубот Али Кох за условите за соработка. Германецот ќе потпише договор на три години. Се дознава дека претседателот на клубот и тренерот ги договориле деталите како трансфер буџетот и инфраструктурните проекти на клубот, а сега на Лев останува само да потпише договор. Лев ја водеше германската репрезентација од 2006 до 2021 година. Фенербахче моментално е 5. во турската лига со 37 бодови по 23 кола.

Фенербахче тргнува по Јоаким Лев

Бошко Тасиќ — Sat, 25 Dec 2021 08:11:42 +0000

Фудбалскиот клуб Фенербахче му понуди договор до 2024 година на поранешниот германски селектор Јоаким Лев за да го преземе овој клуб.

Фенербахче го смени досегашниот тренер, Португалецот Витор Переира, па сега прва желба на раководството е да го донесат Лев во своите редови. Италијанскиот новинар Николо Шира објави дека Турците ја испратиле понудата до Лев, за две ипол годишна соработка, па сега Германецот треба да реши дали ќе ја прифати, а во изминатиов период тој е без работа откако замина од клупата на Германија по неуспешниот еврошампионат. Лев беше селектор на Германија од 2006 година после Мундијалот што се одржа во неговата земја, а во неговата кариера стигна до светска титула во 2014 година во Бразил.

Јоаким Лев: Покажавме силен менталитет

Бошко Тасиќ — Thu, 24 Jun 2021 19:26:47 +0000

Селекторот на фудбалската репрезентација на Германија, Јоаким Лев вели дека не е загрижен што неговата селекција на ЕУРО 2020 во осминафиналето ќе ги одмери силите со Англија. Тој по завршувањето на шампионатот си оди од селекторската позиција. Пред мечот со „Гордиот Албион“ ги отфрли критиките за играта на „Панцирите“ во „групата на смртта“. „Не сум загрижен, тоа ќе биде потполно поразличен меч. Унгарија паркираше автобус, сите беа зад топката, влегуваа во секој дуел. Против Англија ќе биде потполно поинаков меч. Тие играат на свој терен, ќе сакаат да напаѓаат, ќе биде отворен меч“ смета Лев. „Не можеме да ги повторуваме грешките, мора да сме подобри. Сјајна вест е дека ќе играме на `Вембли`. Групната фаза е готова и сега мора да сме поконцентрирани, сега се игра на испаѓање, нашите игри досега не беа премногу добри, но ако одиграме како против Португалија, може да сме јак противник“ смета Јоаким Лев. Мечот против Англија е во среда, од 18 часот.

Лев по мечот со Унгарија: Натпреварот не беше за оние со слабо срце

Ивона Петрова — Thu, 24 Jun 2021 06:45:54 +0000

Селекторот на германската репрезентација Јоаким Лев ги сумираше впечатоците од натпреварот од третото коло од групната фаза на ЕВРО 2020 со Унгарија (2:2). Германија синоќа во Минхен двапати губеше, но на крајот се спасуваше од елиминација. – Покажавме многу добар борбен дух. Грешевме, но се боревме до последниот атом на силите. Ова не беше меч за тие со слабо срце. Знаевме дека Унгарија ќе се бори на ист начин како и против Франција, дека ќе трчаат колку што можат. На крајот, треба да се забележи дека целта да се помине групата е исполнета, рече Лев. Во осминафиналето, Германија на 29 јуни ќе се сретне со Англија.

Лев: Се боревме до крај, но не создадовме поволни шанси

Ивона Петрова — Wed, 16 Jun 2021 07:44:08 +0000

Селекторот на германската фудбалска репрезентација Јоаким Лев ги сумираше впечатоците од синоќешниот натпревар на ЕП 2020 против Франција (0:1). – Се покажа дека е навистина напнат натпревар, и ние се боревме во него до самиот крај. Не можам да го обвинам тимот, затоа што момците дадоа сè себе. Имаше сегменти од натпреварот во кои може да го зголемиме притисокот кон голот на противникот, но не создадовме поволни шанси, истакна Лев. Германија во второто коло ќе игра со Португалија, додека Франција ќе се соочи со Унгарија.

Проблеми за Јоаким Лев пред ЕП

Бошко Тасиќ — Sun, 06 Jun 2021 10:16:44 +0000

Европското фудбалско првенство ќе биде последно големо натпреварување за Јоаким Лев како селектор на германската репрезентација. Пред стартот на ЕУРО 2020 Лев се соочува со проблеми.

Според германски „Билд“, репрезентативците не се воодушевени од тактиката на својот предводник. Ова посебно се однесува на формацијата 3-5-2. Најголем бунт доаѓал од фудбалерите на Баерн, кои се навикнати да играат на систем со четири играчи во задната линија, а водно имало револт ид о фудбалерите кои настапуваат во Челзи кои не сакаат да бидат дел од клупата за резервни играчи. Германија е еден од домаќините на ова првенство и ќе игра во Минхен и ќе играат против Франција, Португалија и Унгарија.

Јоаким Лев останува селектор на Германија до ЕП

Тале Кристо — Thu, 01 Apr 2021 11:21:54 +0000

Селекторот на Германија, Јоаким Лев нема да ја напушти функцијата до Евро 2020, објави новинарот на „Спорт1“, Флоријан Плетенберг. Германскиот фудбалски сојуз (ДФБ) не планира да го отпушти фудбалскиот стручњак по синоќешниот пораз од македонската репрезентација со 2:1, а и самиот Лео нема намера да се повлече предвреме. Сепак, ДФБ го нагласи незадоволството од овој пораз. Претходно Лев најави дека ќе ја напушти германската репрезентација по Евро 2020 кое ќе се игра претстојното лето. По три одиграни кола во квалификации за СП 2022, Германија е на третото место во групата Ј со 6 бода.

Лев по поразот од Македонија: Разочарани сме, Германија изгледаше премногу уморно

Тале Кристо — Thu, 01 Apr 2021 07:46:23 +0000

Селекторот на Германија, Јоаким Лев ги сумираше впечатоците по синоќешниот пораз (1:2) од македонската репрезентација во квалификацискиот меч за СП 2022. – Ние сме целосно разочарани, нашиот тим изгледаше премногу уморно. Немаше енергија во нашата игра, направивме премногу грешки. Кога брзо ја движевме топката, изгледавме опасно. Нашиот противник беше длабоко во својата половина, па не можевме да најдеме начин да ги разбиеме. Општо, ова е разочарување, го цитира Лев официјалната веб-страница на германската репрезентација. По овој натпревар Германија и С Македонија имаат по шест бода и се на делба на втората и третата позиција во групата Ј, води Ерменија со девет бода.

Јоаким Лев: Македонија одлично беше поставена

Бошко Тасиќ — Wed, 31 Mar 2021 21:31:12 +0000

Јоаким Лев, селекторот на Германија, се најде на голем удар по поразот од Македонија (1-2) во квалификациите за Светското првенство (СП) кое се игра во 2022 година и изјави дека нашиот тим бил одличо поставен на денешниот меч „Не игравме убаво, мислам дека тоа се виде денеска. Ова не беше добар ден за нас. Немавме брзина во топката. Додавањето беше катастрофално. Македонија одигра баш добар натпревар, беше добро поставена во одбраната и чекаше контра. Не можевме да ги стопираме кога ќе тргнеа во контранапад. Имавме многу шанси, ама не можевме да дадеме гол. Мора да разговараме по мечот со сите, мора да вложуваме повеќе енергија на теренот. Не знам што се случуваше со нашиот напад. Во клубовите играчите играат подобро, отколку за Германија. Тимо Вернер промаши голема шанса, ама тоа е фудбалот. Денес немаше добар меч“, изјави Лев. За Германија ова беше прв пораз во квалификациите, по две победи во низа.