јод – Kurir.mk

Јодот е важен за здравјето на тироидната жлезда: Тој е најзастапен во овие намирници

Магдалена Андонова — Fri, 27 May 2022 07:52:13 +0000

Витамините и минералите се суштинска врска за добро здравје. Еден од клучните минерали за нормален развој и метаболизам е јодот. Иако неговата важност често се занемарува, правилното функционирање на нашето тело не е можно без јод. Одредена количина на јод во организмот е неопходна за правилно функционирање на тироидната жлезда, која го контролира метаболизмот и другите важни функции во телото, пишува Verywellhealth. Ниското ниво на јод не е единствената причина за лошата функција на тироидната жлезда. Но, недостатокот на јод може да предизвика абнормално зголемување на тироидната жлезда и други проблеми. Важноста на јодoт Јодот е микронутриент кој е неопходен за нормално функционирање на тироидната жлезда. Без јод, не постои синтеза на тироидните хормони тироксин и тријодотиронин, кои се неопходни за нормален тек на метаболичките процеси во телото. Во природата, јодот се наоѓа во поголеми количини во морската вода, а во телото најголеми количини се таложат во тироидната жлезда. Од вкупното количество на јод во организмот, 70-80 проценти се наоѓа во тироидната жлезда. Јодот се внесува во телото преку храната и преку кожата. Морската вода, воздухот и копното покрај брегот се богати со јод, а со тоа и зеленчукот што расте таму. Оддалечувањето од морето ја намалува количината на јод во почвата. Извори на јод Тироидната жлезда го извлекува јодот од крвта и го користи корисно. Јодот најмногу го има во морската риба, морските плодови, морковите, спанаќот, доматите, ротквиците, грашокот, компирот, печурките, јагодите, бананите, зелката, кромидот и зелената салата. Колку јод треба да се внесе Според Комитетот за храна и исхрана на националните академии, препорачаниот додаток на јод во исхраната се движи од 90 милиграми дневно за мали деца до 150 милиграми за тинејџери и возрасни.

Франција со медицинска пратка за Украина, меѓу производите јод за заштита од радиоактивни зрачења

Ивона Петрова — Mon, 07 Mar 2022 06:59:01 +0000

Франција испратила за Украина „разновидни медицински производи“, вклучувајќи и јод, за заштита од случај на нуклеарна несреќа за време на борбите со руската армија, изјави синоќа шефот на француската дипломатија, Жан-Ив Ле Дријан. „Испративме разни медицински производи“, изјавил Ле Дријан за теливизиската станица „Франс 2“, пренесува БЕТА. Претходно францускиот амбасадор во Украина, Етијен Понсен, изјави дека за Украина ќе бидат испратени 2,5 милиони дози јод. Понсен појасни дека францускиот претседател, Емануел Макрон, на негова иницијатива остварил телефонски разговор со рускиот претседател, Владимир Путин, како би се гарантирала „нуклеарна заштита“. Елисејската палата соопшти дека Макрон повторно изразил „сериозна загриженост“ по однос безбедноста на нуклеарните локации после бомбардирањето на капацитетите на атомската централа во Запорожје. Притоа се додава дека Путин изразил подготвеност за почитување на стандардите за заштитa на нуклеарните капацитети за приизводство на електрична енергија.

„Не земајте јод на своја рака„ – важен апел од хрватското Министерство за здравство

Ивана Ефремовски — Thu, 03 Mar 2022 12:33:10 +0000

Хрватското Министерство за здравство се огласи по повод навалата врз аптеките и масовното купување таблети јод поради страв од нуклеарен напад. „Никогаш не земајте јод самоиницијативно. Со оглед на зголемената побарувачка за јод, калиум јодид и слични производи, Министерството за здравство апелира до граѓаните да не земаат самоиницијативно таблети калиум јодид и слични препарати со јод бидејќи потенцијално можат сериозно да го нарушат сопственото здравје. Со оглед на актуелната криза поради агресијата и инвазијата на Украина, разбирлива е одредена загриженост на граѓаните, но треба да се нагласи дека стручните служби се подготвени за сите ризици кои можат да имаат негативно влијание врз јавното здравје и во моментов нема причина да се зема јод“, се наведува во соопштението. „Истакнуваме дека таблетите калиум јодид се користат за да се спречи внесувањето на радиоактивен јод само за да се спречи развој на можен карцином на тироидната жлезда и не превенира други ефекти од зрачењето врз организмот. Важно е да се нагласи дека внесот на калиум јодид е ефикасен само неколку часа пред или во рок од 6 часа по изложувањето на зрачење и, по правило, треба да се користи само една доза на калиум јодид, со заштитен ефект кој трае околу 24 часа“, потенцира хрватското Министерство за здравство. (МИА)

Oвие симптоми ви укажуваат дека ви фали јод во организмот, еве како да си помогнете

Ивана Ефремовски — Sun, 04 Apr 2021 14:05:51 +0000

Недостатокот на јод во организмот се манифестира со лоша концентрација, недостаток на енергија, екстремен умор, депресија, лош тен и опаѓање на косата. Покрај тоа, може да дојде и до отоци на рацете, очите, нозете, слаби отчукувања на срцето и грчеви во мускулите. Прекумерната телесна тежина исто така е една од појавите кои се случуваат поради недостатокот на јод, бидејќи овој елемент е еден до најдобрите катализатори на оксидација во нашиот организам. Јодот првенствено игра улога во работата на тироидната жлезда. Таа содржи 70 до 80 отсто јод, но тој е важен и за другите ткива: Мозокот, кожата, стомакот, градите и церебралната спирална течност. Недостатокот на јод во било кој од тие делови на телото, може да доведе до негова дисфункција. Ако заклучите дека на вашиот организам му недостига јод, консумирајте храна богата со јод. Јодот најмногу го има во морските видови на риба, морските плодови, морковите, спањакот, грашокот, компирите, печурките, јагодите, бананите, зелката, лукот, салатите и во жолчката на јајцето.