јохан тарчуловски – Kurir.mk

Вечни и од Бога благословени: Соња и Јохан имаат голем повод за славење во нивниот дом (ФОТО)

Дарко Андоновски — Tue, 02 Feb 2021 12:16:21 +0000

Соња Тарчуловска нашата, некои велат веќе поранешна популарна пејачка (само делумно се во право), веројатно затоа што веќе естрадно активно не настапува, деновиве со сопругот Јохан прослави 16-годишнина од бракот. Неа ја паметиме по многубројни хитови, но сепак „Во бело, во бело“ ќе остане за секогаш. И Соња и Јохан, во нашата јавност, во Македонија, познати се не само како верници, православни христијани, туку и како големи искрени македонски патриоти. За овие 16 години колку што се заедно ги поминаа сите можни бури и премрежиња, но останале заедно. Така е тоа кога постои вистинска љубов која кај нив двајцата никогаш не престанала. Трае и трае… па затоа Господ само убавини им дава. А, поголема помила убавина секако дека нема од децата. Соња и Јохан имаат три деца, еден син и две ќерки. Машала! Славејќи го бракот, тие добија и многубројни честитки, па социјалните мрежи речиси прегореа. „Заеднички полесно се совладуваат пречките… уште 100 години заедно во љубов, почит, разбирање и толеранција, да уживата во друштвото на вашите ангелчиња и да си славите во иднина со многу внуци“…. Тоа е само мал дел од пораките што им се упатени на адресата на оваа популарна македонска брачна двојка.

Тарчуловски: Претседател на ВМРО не се менува по желба и нарачка

Ивона Петрова — Sat, 22 Aug 2020 12:07:50 +0000

Ех колку е важно и моќно тоа ВМРО ДПМНЕ. Од 1990 год сум тука и во лошо и во добро, и кога се славело и кога се тагувало. Сум бил учесник на конгреси, конвенции, избори, именувања и разрешувања но никогаш не сум одел против ВМРО. И кога се било во право и кога се грешело,сум ги кажувал грешките и сум се трудел да се поправат. Кога сите молчеле и наведнувале глава на ИК сум излегувал сам со спротивно мислење но никогаш ама баш никогаш против ВМРО. Грешки имало во минатото има и сега,но секогаш кога било тешко се јавувала некоја група која се двоела од партијата,секогаш. Дали е по наредба, диктат или од приватни причини, не знам. Но едно знам, никој од надвор не сменил претс. на ВМРО. Тој можеше до скоро да биде сменет само со свикување на конгрес по барање на претседателот или 2/3 од членовите на ЦК, сега е полесно, треба барање на 1/2 од членовите на ЦК и никако на друг начин. Затоа да не се лажеме и да не ги носиме членовите на партијата во заблуда, затоа што тоа му одговара само на еден човек кој сака да го уништи ВМРО ДПМНЕ. Претседател на ВМРО не се менува по желба и нарачка. Таму каде што имаше послаби резултати ќе се видат слабостите, таму каде што треба ќе се реагира но ВМРО за кратко ќе ја покаже вистинската сила. Нема оттстапки и нема назад до крај за ВМРО ДПМНЕ и МАКЕДОНИЈА!

Тарчуловски во Сушица и Ново Село: Македонштината е повторно во срцата на Македонците

Ивана Ефремовски — Fri, 19 Apr 2019 08:37:13 +0000

Јохан Тарчуловски вчера беше во посета на Сушица и Ново Село. -Вчера во Сушица и Ново Село видов најмотивирани и најсложни луѓе. Сигурни во победа на Николчо Стоилков за градоначалник на општина Ново Село и на проф. Гордана Силјановска Давкова за претседател на Р. Македонија! Македонштината е повторно во срцата на Македонците, порача Тарчуловски.

Тарчуловски: Ѓорчепетровци се патриотска сорта и тие никогаш нема да го свртат грбот на Македонија

Ивана Ефремовски — Tue, 02 Apr 2019 18:52:32 +0000

„Кога ќе дојдам во Ѓорче, не можам, а да не ги испочитувам паднатите браќа кои ми беа соборци и со кои заедно ја бранев оваа држава. Стисокот на раката на мајката и таткото на загубеното чедо секогаш ме потсетуваат колку и зошто треба да се бори човек за Македонија. Ѓорчепетровци се патриотска сорта и тие никогаш нема да го свртат грбот на Република Македонија“-пишува Јохан Тарчуловски на својот Фејсбук профил.

Мукоски, Василевски, Димовски, Арнаудов и Трачуловски добија амнестија

Ивана Ефремовски — Fri, 28 Dec 2018 10:50:59 +0000

Пратениците Крсто Мукоски, Сашо Василевски, Љупчо Димовски, Љубен Арнаудов и Јохан Тарчуловски се помеѓу првите обвинети што добија амнестија за крвавиот четврток на 27 април минатата година, пишуваат дел од медиумите. Покрај петте пратеници, амнестија е одобрена и за вработените во кабинетот на поранешниот претседател на Собранието, Елена Божиновска и Иван Цветановски, како и за обвинетиот Захарије Симовски, браќата Стефан и Михаил Младеновски, Митре Питроповски и Илија Славевски. По барањата за амнестија одлучувал Кривичен совет. Други одлуки се очекуваат во текот на утрешниот ден. Од Јавното обвинителство информираа дека пристигнале 66 барања за амнестија, од кои за 12 биле дадени позитивни мислења. Обвинетите на кои ќе им биде одбиено барањето за амнестија имаат рок од 3 дена за жалба по издавање на решението. Од 33 обвинети за 27 април, барање за амнестија не поднесоа само Митко Чавков, Душко Лазаров, Игор Југ, Јане Ченто и Игор Дурловски.

Од Собранието Јохан Тарчуловски им го честиташе роденденот на Војводи-Тетово

Предраг Кукиќ — Fri, 19 Oct 2018 16:17:16 +0000

Јохан Тарчуловски денеска во Собранието, пред почетокот на седницата за уставни измени, им го честиташе роденденот на Војводи-Тетово. „Среќен роденден браќа ВОЈВОДИ-ТЕТОВО. 30год непокор и бедем на Македонштината. Останете такви како што ве сака секој Македонец!“, напиша Тарчуловски во опис на фотографијата која ја објави по повод роденденот.

Тарчуловски: Пусти желби, како може Заев да амнестира кога нели независно е судството

Предраг Кукиќ — Mon, 15 Oct 2018 11:56:59 +0000

Како може Заев да нуди амнестија за обвинети лица, а при тоа да тврди дека судството е независно, вели пратеникот Јохан Тарчуловски, од ВМРО-ДПМНЕ, кој е обвинет за учество во настаните од 27 април. Тој вели дека во партијата ќе има консултации по однос на говорот на Заев каде тој понуди простување за настаните од упадот во Собранието. -Како може во име на судството тој да нуди амнестија, кога нели е независно. Тоа се пусти желби на Заев за уставни измени. Ниту можам став сега да дадам, ниту можам да коментирам затоа што сум засегнат со обвинението – вели Тарчуловски за „Фокус“.

Јохан Тарчуловски за СДСМ беше воен злосторник, а командант Хоџа е херој

Курир — Tue, 08 May 2018 07:52:33 +0000

Воен злосторник, криминалец, тепач и ред други „епитети“ од страна на СДСМ и порталите блиски до нив му беа давани на Јохан Тарчуловски, кога се дозна дека тој ќе биде кандидат за градоначалник на Кисела Вода. Но, лицемериото на СДСМ многу брзо излезе на виделина. Од таму владее молк во врска со назначувањето на т.н. командат Хоџа или како што се нарекува тој владетелот на Танушевци. Но, споредба помеѓу Тарчуловски и Хоџа во никој случај не може да имa. Тарчуловски беше еден од оние кои застанаа во борба против терористите во 2001 година, а командант Хоџа дигна оружје против Македонија и македонскиот народ каде загинаа десетици војници, а толку фамилии останаа завеани во црно. Но сега не гледаме статуси на функционерите на СДСМ. Нема ниту една изјава од нивна страна, Фејсбук статус, твитер или било што да се осуди ова. Хоџа е еден остаток од едно време кој се до ден денес се провлекува така. Кој бил мотивот Заев да го земе и тоа како советник со пристап речиси до сите безбедносни агенции не е познато, но во јавноста се шпекулира дека на овој начин се враќаат некои стари долгови или дека можеби е предмет на уцена. Какви долгови или каква уцена ќе покаже времето. Оттука се поставува прашањето ако Тарчуловски беше злосторник, криминалец, убиец, тогаш што е Хоџа ако се гледаат критериумите на СДСМ !? Борец за човекови права ? Се борел против репресијата ? Баш би било интересно кое е мислењето на функционерите и пратениците на СДСМ, но за жал јанвоста тоа не може да го види, зошто го нема. Нема никаква реакција. Со своја изјава вчера излезе само премиерот Заев, со смешно тврдење каде вели дека Хоџа требало да го прехранува своето семејство, што претставува голем апсурд и лицемерие. Ако во иднина ако се појават и други команданти и тие ако сакаат да си го прехранат семејството дали тоа треба да значи дека и тие треба да се вработат во Влада како советници? Но, затоа Мухамед Зекири потпретседателот на СДСМ многу јасно го кажува својот став во врска со Јохан Тарчуловски. Тој го карактеризира Јохан Тарчуловски како воен злосторник. Сега би било интересно да се види кој е коментарот на Зекири за Хоџа, кој во заложништво држеше цело село.

Судот не му дозволи на Тарчуловски да го следи обраќањето на Столтенберг во Собрание

Катерина Бојаџиева — Wed, 17 Jan 2018 12:43:45 +0000

Судот не му дозволи на Јохан Тарчуловски, кој се наоѓа во домашен притвор, да присуствува на утрешното обраќање на генералниот секретар на НАТО Јенс Столтенберг во Собранието на Република Македонија. Тарчуловски е осомничен за тероризам и уставно загрозување, во врска со настаните од 27-ми април 2017 година во македонскиот Парламент. - Постапувајќи по барање на обвинетиот Ј.Т., да добие дозвола од судија на претходна постапка да се оддалечи од местото каде ја издржува мерката куќен притвор, како би можел да присуствува на обраќање во Собранието на Р.М., судијата на претходна постапка м-р Ненад Савески, кој постапува по барањето, го извести лицето дека не му се дозволува да се оддалечи, на одредено време, од местото каде ја издржува изречената мерка – Куќен притвор, имајќи ги предвид одредбите од член 163 ст. 2 од ЗКП според кои, поднесеното барање на обвинетиот не претставува исклучок од законската одредба, се вели во соопштението овјавено од Основен суд Скопје 1.

Од куќен притвор Тарчуловски спроведен во Обвинителството

Катерина Бојаџиева — Tue, 16 Jan 2018 10:21:14 +0000

Од куќен притвор денеска во Обвинителството за организиран криминал и корупција е спроведен пратеникот Јохан Тарчуловски, пренесе ТВ24. Тој треба да даде исказ за настаните во Собранието што се случија на 27 април. Инаку, Апелациониот суд вчера донесе решение со кое ја отфрли жалбата Тарчуловски да биде пуштен од куќен притвор.