Јонас Вингегор – Kurir.mk

Јонас Вингегор ја одбрани титулата на Тур де Франс

Бошко Тасиќ — Tue, 25 Jul 2023 04:33:59 +0000

Данскиот велосипедист Јонас Вингегор е старо-нов победник на Тур Де Франс, откако вчера и официјално го освои 110-то издание на најпрестижната трка во светот. Вингегор имаше пеколно тешка конкуренција и оваа година и најголем ривал му беше Тадеј Погачар, но одново беше подобар од Словенецот и го освои вториот Тур во низа. Одбраната на титулата секако има огромно значење за данскиот велосипедист, за кого интересно ова беше само трето учество на велосипедската трка во Франција. Од друга страна, за Погачар ова беше четврто учество на Тур Де Франс, трка на која забележа две победи во 2020-та и 2021-ва година, но и две втори места во 2022-ра и 23-та. Вингегард оваа година имаше севкупно време од 82 часа, 5 минути и 42 секунди по 21 извозена етапа, што беше за седум и пол минути подобро од Погачар. Покрај нив двајца, место на подиумот имаше и за Адам Јејтс од Велика Британија.

Вингегор го освои Тур де Франс

Бошко Тасиќ — Mon, 25 Jul 2022 05:22:23 +0000

Традицијата на Тур де Франс останува иста од година во година и 109-то издадние на најпрестижната велосипедска трка својот крај го имаше на Елисејските полиња, каде прв на завршната 21-ва етапа заврши Филипсен, но тоа не беше најважната вест. Жестоката борба која се водеше во претходните 20 исрцпувачки етапи донесе нов шампион во Франција, бидејќи Данецот Јонас Вингегор пронајде лек за извонредниот Тадеј Погачар. Словенецот беше најодбар на последните две изданија на Тур де Франс, па иако во оваа влезе како голем фаворит за хет-трик, сепак не дојде до такво нешто поради издржливоста и агресивниот пристап на планинските етапи од страна на 25-годишниот Данец. Вингегор мирно пристигна на целта со жолтатат маичка и го оствари најголемиот успех во својата кариера, што е само потврда за напорната работа и континуитет бидејќи лани заврши на второто место во генералниот пласман