Јордан Камчев – Kurir.mk

СКАНДАЛ ПРЕД ЗАТВОРОТ ВО ШУТКА: Еврокомесарот Фигел дошол во посета кај Камчев и најпрво не го пуштиле – добил дозвола по притисокот од Брисел

Магдалена Андонова — Wed, 29 Sep 2021 17:58:45 +0000

Јан Фигел, поранешниот Еврокомесар и специјален пратеник за човекови права денеска наместо да го посети бизнисменот Јордан Камчев во затворот во Шутка, остана пред вратите Казнено поправниот дом. Сето ова се случува на денот кога во Скопје пристигнува еврокомесарот за проширување, а Европската комисија порачува дека основните човекови права на притворените мора да се почитуваат за влез во ЕУ. Отако бил направен притисок во Владата и премиерот, од Брисел, екс Еврокомесарот сепак влезе во затворот да го посети Камчев. Јан Фигел, побарал дозвола до Кривичниот Суд да го посети Камчев во притвор, оти претходно бил запознаен со случајот – кој според него отвора многу прашања за владеење на правото и правдата во Македонија. Фигел сакал да ги види лично условите во ќелии каде што според многу обвинувања се држат и политички затвореници. - Важно е дека оваа земја е заинтересирана да стане повеќе европска, не според географија, не според политика, тука според своето право, правда, култура. И сакаме да помогнеме. Пристигнав тука од Братислава, и убеден сум дека оваа земја има потенцијал да стане партнер и членка на едно европско семејство. Од роднините на Јордан Камчев запознаен сум со овој посебен случај, кој отвора премногу прашања за владеење на правото и правдата во оваа земја. Побарав дозвола од Кривичниот суд да го посетам, тука во притвор, и директно да зборувам со човекот кој од март годинава се држи во пред-истражен притвор што наметнува премногу прашања и сомневања за правосудниот систем во земјата. За жал, не ми беше дозволено да влезам во Институцијата и да зборувам со Јордан Камчев, вели за Алфа екс Еврокомесарот и специјален пратеник за човекови права, Јенс Фигел. Зошто беше спречен првично информација нема ниту адвокатот на Камчев, Менкиноски. - Преземени се многу чекори со цел тој да добие домашен притвор, што е вообичаен и современ начин на третман кон луѓето, со осуда или обвинение. Тој е само обвинет. Ги поставувам овие прашања не само поради моето искуство со европските прашања, туку и како европски сограѓанин – зошто и до кога? Зошто постои пинг-понг меѓу Институциите, ако сакам директно да зборувам со човекот и конечно, да ги видам условите под кои се реализира пред-истражниот притвор тука во Скопје, Македонија? Се надевам дека компетентните лица ќе ја слушнат оваа порака и барање, и ќе дејствуваат не само во смисла на бирократски постапки, туку во смисла на хуманост и правда за сите, додава Фигел. Според Фигел постојат незаконски докази во случајот на што укажа и Народниот правобранител во последниот извештај во врска со нехуман третман и тортура врз Камчев уште во почетокот на неговиот сега веќе седуммесечен притвор. Инаку, Фигел, уште изутрината за случајот го известил и неговиот пријател и колега, Верхеј е во службена посета на Македонија.

Камчев останува во притвор, судот ја одби понудената гаранција

Ивана Ефремовски — Fri, 03 Sep 2021 13:00:25 +0000

Бизнисменот Јордан Камчев останува во притвор во затворот „Скопје“ во Шуто Оризари, откако Кривичниот совет во Основниот кривичен суд ја одби понудената гаранција. Како што потврдуваат од Основниот кривичен суд во Скопје, Камчев, кој е обвинет во случајот „Плацови на Водно“, на ваквата одлука има право на жалба во рок од три дена до Апелација. Бранителот на Камчев, адвокат Еленко Миланов, минатата недела на прес-конференција, информираше за понудената гаранција за тој да се брани од слобода – недвижен имот од нешто над милион и седумстотини илјади евра и готовински парични средства од 200 илјади евра, истовремено реагирајќи дека во постапката по редоследот на обвинителниот акт неговиот клиент Јордан Камчев е петтообвинет и единственото лице коешто во изминативе пет-шест месеци, се наоѓа во притвор. Случајот „Плацеви на Водно“ го води судијата Илија Трпков, а застапник на обвинението е обвинителката Лиле Стефанова. (МИА)

Алармантна здравствената состојба на Камчев, во КПУ Затвор Скопје нема дежурен доктор ниту му се дава соодветна терапија

Магдалена Андонова — Wed, 28 Jul 2021 15:04:09 +0000

Денес, при редовната посета на г-динот Камчев, од страна на дел од неговиот правен тим повторно е констатирано она кое изминатите неколку недели се потврдува, дека здравствената состојба на г-динот Камчев е исклучително алармантна, континуирано се влошува и во КПУ Затвор Скопје нема соодветни услови за третирање на истата. Јордан Камчев постојано има сериозна, силна главоболка , но во КПУ Затвор Скопје нема дежурен доктор за да го прегледа притвореникот. Се праќа медицинска сестра или медицински брат за проверка на состојбата. - Првично, денес во текот на утрото г-динот Камчев имал многу сериозна главоболка и од затворскиот ,,медицински тим,, констатирано било дека има спојување на притисоците и дека има видливи отоци на лицето. Потоа, во 14.30 тој се чувствува многу лошо поради што прегледан е повторно во КПУ Затвор Скопје, констатиран е повторно споен притисок, 90 со 70. Предложено му е да биде однесен на Клиниката за Кардиологија, но тој одбил бидејќи од претходното искуство кога е пренесуван смета дека е само дополнително малтретирање за него во состојбата во која што се наоѓа бидејќи и таму секако не ја добива соодветната терапија со која би се подобрила неговата состојба. Од затворскиот ,,медицински тим,, оваа негова состојба во КПУ Затвор Скопје ја третираат со сол и газирана вода, соопштува правниот тим на Јордан Камчев. Тие велат дека сериозноста на здравствената состојба во која што моментално се наоѓа и несоодветното третирање на истата претставува ризик директно по животот на Камчев. - Од правен, но и етички и морален аспект, и нашиот клиент, г-динот Камчев и ние како правна одбрана во целост поддржуваме активности со кои би се докажала правдата, но апелираме на сериозна разумност кај Обвинителството и судиите и нивна рационалност при донесувањето на одлуките. Сметаме дека целта на мерката ефективен притвор која се применува не е директно да се загрозува здравјето и животот на еден човек, вели правниот тим.

Влошена е здравствената состојба на Јордан Камчев, префрлен на Кардиологија

Ивана Ефремовски — Wed, 21 Jul 2021 17:33:26 +0000

Правниот тим на Јордан Камчев испрати известување за неговата здравствена состојба. Соопштението ви го пренесуваме во продолжение: Денеска, за време на редовната посета на КПУ затвор Скопје, г-динот Јордан Камчев повторно се пожали на своите бранители на влошена здравствена состојба. Имено, во текот на вчерашната вечер Камчев во затворот имал гушење, голема главоболка и се чувствувал многу лошо, но во КПУ затворот во Скопје во моментот немало дежурен лекар за да го прегледа и интервенира па поради сериозноста на состојбата викната е брза помош, констатирано е зголемен крвен притисок и на г-динот Камчев му е дадена соодветна, моментална терапија. Утрово, и покрај примената терапија од брзата помош во текот на вчерашната вечер, Јордан Камчев повторно бил во лоша здравствена состојба и со возило на брзата помош е пренесен на Клиниката за кардиологија во Скопје. По реакција на лекарскиот тим на Клиниката за кардиологија во Скопје и по стабилизирање на состојбата на г-динот Камчев тој е вратен во КПУ затвор Скопје каде што ја издржува мерката притвор. Неколкупати како одбрана реагираме на сериозно влошената здравствена состојба на г-динот Јордан Камчев, која што очигледно продолжува да се влошува поради непостоење на соодветни медицински и санитарни услови за третирање на неговата здравствена проблематика. Со фамилијарен историјат на кардиоваскуларни болести, г-динот Камчев од својата 15та година прима соодветна терапија за оваа здравствена состојба, а пред само десетина дена поради влошување на состојбата тој пет дена беше хоспитализиран на Клиниката за кардиологија во Скопје. Сериозноста на здравствената состојба и ризикот кој постои по неговото здравје поради неможноста истата да биде соодветно третирана во затворот е докажана и од четири различни, релевантни медицински институции и со сета останата документација е уредно доставена до Судот. Адвокат Сашо Бошков Адвокат Александар Михајлоски Адвокат Гоце Ристески (дел од Правната одбрана кои денеска биле во посета на г-динот Јордан Камчев)

Репресијата врз Камчев продолжува, наспроти мислењето на Обвинителството тој да биде во домашен притвор

Катерина Бојаџиева — Sun, 11 Jul 2021 09:13:35 +0000

Вишото јавно обвинителство пред два дена ја прифати гаранцијата која Јордан Камчев ја понуди како замена на затворскиот, со поблага мерка, домашен притвор оценувајќи дека понудените гаранции се доволна потврда и обезбедување за замена на мерката. Покрај тоа, Вишото јавно обвинителство го зема во предвид и фактот дека се работи за бизнисмен кој има повеќе од 2500 вработени и кој пред издржување на мерката притвор секогаш уредно соработувал со сите органи на прогонот и судот. Во предвид е земено и дека по четири месеци ефективен притвор, г-динот Јордан Камчев е со видливо влошена здравствена состојба и истата продолжува да се влошува бидејќи во КПУ Затвор Скопје не постојат соодветни медицински и санитарни услови за третирање на конкретната здравствена состојба. Пред само неколку денови, г-динот Камчев, пет дена беше хоспитализиран на Клиниката за кардиологија во Скопје. Г-динот Камчев има фамилијарен историјат на кардиоваскуларни заболувања, самиот тој за истата здравствена проблематика практикува терапија од својата 15 годишна возраст. По неговото последно влошување на состојбата додека ја издржува мерката притвор и неговата хоспитализација на Клиниката за кардиологија, со оглед на ситуацијата, постои голема загриженост за сериозен ризик по неговото здравје. Јавното обвинителство е овластен предлагач за определување на мерки за обезбедување и според досегашната судска пракса на кривични постапки судот секогаш ги засновал своите одлуки за определување на мерки за обезбедување на присуство во рамките на предлозите поднесени од јавното обвинителство. Во ситуација кога подносителот на обвинението, односно јавното обвинителство, кое ја отпочнало самата кривична постапка и истата ја довело до судска постапка, смета дека повеќе не постојат причини и потреба да му бидат строго ограничени слободите и правата на обвинетиот, судот не би смеел да ја оценува волјата и ставот на јавното обвинителство и да одлучи единствено на штета на обвинетиот. Оттука, целосно небулозно е ваквото постапување на судот кое не соодејствува со законски определената улога на судот во кривичната постапка па поради тоа, се отвора и прашањето за незавиност и непристрасност на судот во случајот со г-динот Камчев. Според сите овие факти и сето она кое ние како одбрана и јавноста го следиме и сведочиме повеќе од четири месеци за овој случај можеме јасно да заклучиме дека се работи за веќе видливо неоснована репресија врз г-динот Камчев, личен анимозитет кон г-динот Камчев како и класична тортура која веќе секако беше потврдена и од Народниот правобранител. Правна одбрана на г-динот Јордан Камчев Адвокатска канцеларија Савиќ Адвокатска канцеларија Гоце Ристески Адвокатско Друштво Наумов, Менкиноски и Партнери.

Продолжен притворот на Камчев

Ивона Петрова — Fri, 11 Jun 2021 12:38:47 +0000

Кривичниот совет при Основниот кривичен суд Скопје, донесе решение со кое ја продолжи за 30 дена мерката притвор за лицето Јордан Камчев поради постоење на околностите од член 165 ст.1 т.1 од ЗКП. – Заради интерес на медиумите кои ја следат работата на судот, ја информираме јавноста дека Кривичниот совет на Одделението за организиран криминал и корупција при Основниот кривичен суд Скопје, донесе решение со кое ја продолжи мерката притвор за лицето Ј.К за 30 дена, поради постоење на околностите од член 165 ст.1 т.1 од ЗКП, се вели во соопштението од Основен кривичен суд Скопје. Од Судот, информираат дека се работи за предметот во јавноста познат како „Плацеви на Водно”, по кој е поднесено обвинение и е во фаза на оценка на обвинителен акт.

Адвокатот на Камчев: Ќе поведеме постапка за утврдување на незаконитост на докази

Ивона Петрова — Mon, 12 Apr 2021 11:16:59 +0000

Одбраната на Јордан Камчев денеска информираше дека ќе поведе постапка за утврдување на незаконитост на докази и согласно со членот 12 и членот 93 од Законот за Кривична постапка, а со цел остварување на Уставно загарантираните права и гаранции на Камчев на „слобода и безбедност”, „правото на ефикасна и делотворна одбрана ” и на неговото право на „правично судење пред непристрасен трибунал”. Тоа значи дека сите докази прибавени на незаконит начин или со кршење на слободите и правата како и доказите произлезени од нив, не можат да се користат и врз нив не може да се заснова судската одлука. -Сакам да потенцирам дека Доказот Информација од АНБ на РСМ СД бр. 02-545/1 од 14ти Март 2021 година, кој е доставен и предложени како доказ кон Предлогот за изрекување на мерка притвор и врз основа на кој се темели Решението за определување на мерка притвор КОК ПП 43/21 од 14ти Март 2021 година, треба да се има во предвид дека никогаш не е доставен до одбраната и е единствениот доказ на кој се темелел на Предлогот од „ОЈОГОКК” и е незаконит, а поради следново: 1. Агенцијата за национална безбедност АНБ постапила надвор од своите законски овластувања предвидени во Закон за агенција за национална безбедност ( шпионажа, тероризам и негово финансирање, насилен екстремизам и други активности поврзани со безбедносни закани и ризици за националната безбедност на државата) па оттука останува нејасно како г-дин Камчев ја загрозува националната безбедност на државата и претставува закана за националната безбедност на државата за да биде следен од 12 февруари 14 февруари 2021 години како и да биде изготвена службена белешка со таа содржина?!; 2. Агенцијата за национална безбедност ако имала било какви индиции за наводно бегство на г-дин Јордан Камчев согласно со закон била должна да го извести Бирото за јавна безбедносткако орган во состав на Министерството за внатрешни работи ( кој врши полициските работи во Министерството чија надлежност е концептуалното планирање, следење и анализирање на безбедносната состојба и причините за појава на криминалитет и загрозување на јавната безбедност...), а Бирото доколку сметало за тоа требало да го извести Јавниот обвинител! ; 3. АНБ нема добиено судска наредба за спроведување на мерки за тајно собирање на податоци и информации од страна на Судот, односно од страна на Врховниот суд на Р.С. Македонија согласно член 32 вв со член 34, 35 и 36 од Законот за Агенција за национална безбедност?! 4. Дека се работи за скандалозно изрекување на најстрога мерка за обезбедување (мерка притвор), изречена врз усна белешка на доушник, и не презентирање на докази на нас како одбрана, потврдува и Премиерот на Р.С.М кој како носител на извршната власт имал ингеренции и можел да има увид во извештајот на АНБ. Тој изјави дека осомничениот г-дин Камчев не планирал бегство со бугарски агенти. Имено цитирам : Не се работи за следење, кажувам дека не е следен.. тоа агенти, Бугарија, не е точно, нема таму таква работа. Има неколку причини, кои што тие, се побудил кај нив инстинктот да напишат и да пријават (АНБ).. понатаму тоа го цени јавен обвинител.“ – вели Заев; Истовремено повторувам, во Решението за изрекување мерка притвор на мојот клиент, а истото ни беше соопштено и усно од страна на Судијата на претходна постапка, стои јасно запишано дека мерката притвор ја изрекуваат поради соработка со бугарски агенти и план за бегство. Притоа, без презентирање на докази, и прецизно објаснување на причините поради кои е лишен од слобода. Ова претставува флагрантно кршење и непочитување на Европската Конвенција за човекови права и Меѓународниот Пакт за политички и човекови права, кои недвосмислено предвидуваат дека при лишување од од слобода на лицето мора да му се прецизно презентирани доказите поради кои се лишува од слобода, информираше денеска адвокатот Тони Менкиновски. Поради ова пред Републичкиот Судски Совет, одбраната поднесува Претставка за несовесно и нестручно работење на судијата на претходна постапка, кој ја изрече мерката притвор без да ни презентира докази. -Дополнително, неспорно во наведениов случај постои пречекорување на законските ограничувања и овластувања при постапувањето на АНБ во постапка СД бр.02-545/1 од аспект на пречекорување на овластувањата, преземање неовластена постапка, злоупотреба и други неправилности во работењето,не постапување врз основа на наредби од Суд за спроведување на мерки за тајно собирање на податоци и информации, како и по наредби од Суд за спроведување на мерки за следење на комуникации, а вооедно начинот на собирање на безбедносните податоци и информации во врска со горенаведената постапка не законски спроведена спротивно на нивните права утврдени со закон. Во овој поглед најпрво сакаме да нагласиме дека, оваа своја информација Агенцијата за национална безбедност ја изготвила надвор од сите свои овластувања утврдени во Законот за АНБ и со истата му ги ограничила основните слободи и права на Камчев. Аплелираме до институциите на системот да работат совесно, штитејќи го својот професионален интегритет. Време е во оваа држава да завршат иживувања врз лица, загрозување на нивно здравје, загрозување на сериозни бизниси и работни места на луѓе, преку местенки и злоупотреба на тајните служби, истакна адвокатот Менкиновски.

Каракачанов за Инфомакс: Да сакаше Камчев да избега со помош на трета држава ќе го земевме со дипломатско возило и никој немаше да дознае

Магдалена Андонова — Wed, 31 Mar 2021 12:46:53 +0000

Красимир Каракачанов во телефонска изјава за „Инфомакс“ изјавил дека Зоран Заев во Македонија сака да им ги земе парите на успешните бизнисмени преку рекет, а успешните луѓе да ги прогонува. Тој исто така истакнал дека доколку Јордан Камчев сакал да избега од Македонија, немал воопшто да се врати таму. - Тој е Бугарски државјанин, беше тука кај нас минатата година, можеше и да не се врати. Имаше можност и со бугарската лична карта легално да ги премине границите со Грција, Бугарија и Албанија – тоа тој не го направи, –вели Каракачанов. Каракачанов посочил дека доколку Камчев сакал да избега со помош на трета држава, тоа лесно ќе се организирало. - Ќе го земат со дипломатско возило и ќе го извадат од државата. И толку, вели тој за „Инфомакс“. - И тие информации дека бугарски агенти му помагале на Јордан Камчев да организира бегство од Македонија се целосна глупост. Лага на Виктор Димовски и неговата банда, тврди Каракачанов, објаснувајќи дека за тоа не постојат никакви докази. Целиот текст може да го прочитате на ИНФОМАКС.

Отворено писмо од докторите во ,,Аџибадем Систина’’

Ивона Петрова — Sat, 20 Mar 2021 11:22:05 +0000

Докторите од приватната болница „Аџибадем Систина“ преку отворени писмо до јавноста мерката притвор која е изречена за Јордан Камчев е престрога и сериозно го попречува на секојдневното работење на болницата. во продолжение интегрален текст од отвореното писмо на докторите Се обраќаме во името на колективот на најголемата приватна клиничка болница во земјата ,,Аџибадем Систина’’ која е дел од најголемата групација на болници во Југоисточна Европа „Аџибадем“ и дел од вториот најголем синџир болници во светот, малезиската групација IHH. ,,Аџибадем Систина’’ е болница која вработува повеќе од 1100 луѓе, која располага со најреномираниот тим од 200 врвни специјалисти, дел од нив и универзитетски професори како и останат медицински и технички персонал кои придонесуваат за врвната услуга која ја нуди болницата на пациентите. Придонесите на Клиничката болница ,,Аџибадем Систина’’ и нејзиното значење за целиот здравствен систем во земјата се и повеќе од евидентни. Истите особено се изразени и континуирано се дополнуваат во ковид периодот каде што болницата со сите свои ресурси и капацитети се обидува да им излезе во пресрет на сите граѓани кои имаат потреба. Покрај целосната посветеност кон активностите поврзани со ковид во болницата и отворањето на инфективниот оддел во кој со врвен тим на инфектолози и останат медицински персонал се нудат најсовремени методи при грижата за пациенти заразени со вирусот, во текот на за сите особено предизвикувачката 2020 година како дел од ,,Аџибадем Систина’’ беше отворена и новата Педијатриска болница, единствена во регионот која ги содржи сите педијатриски супспецијалности и е распространета на 4.000 квадратни метри, а во нејзиното работење се вклучени 210 врвни професионалци. ,,Аџибадем Систина’’ само во текот на 2020 година инвестираше близу 10 милиони евра во најсовремена технологија со што нејзиниот имиџинг – дијагностички центар е опремен со најновите достигнувања во дијагностичка опрема кои нудат квалитетна, брза и прецизна услуга на пациентите. Во периодот кога јавните здравствени установи беа оптеретени со притисокот од ковид кризата, ,,Аџибадем Систина’’ ги отвори вратите и за младите, идни доктори и со пионерскиот проект во државата Академска пракса ,,Аџибадем Систина’’ на 100 студенти, потенцијални доктори им обезбеди пракса со врвни услови и можност да учат од најдобрите доктори во најголемата и најсовремена приватна болница во земјата. Сето тоа е по заслуга и насоки на г-динот Јордан Камчев, како дел од највисокиот менаџмент на КБ ,,Аџибадем Систина’’. Неговите директни заложби во функционирањето на болницата не се само од аспект на Претседател на Одборот на директори на болницата тука и од аспект на припадност во големото семејство и тимот на ,,Аџибадем Систина’’. Г-динот Камчев покрај тоа што е движечка сила и поддршка на сите проекти во болницата тој е и мотивација за сите нас кои сме дел од тој тим. Со оглед на тоа, тековната ситуација поврзана со г-динот Камчев неминовно влијае и на сите секојдневни активности и сериозни проекти кои тој ги има иницирано и со кои раководи во КБ ,,Аџибадем Систина’’ . Во тек се многу големи чекори кои тој ги спроведуваше, а доказ за тоа е дека само еден ден пред неговото приведување по негови насоки, согледувајќи ги сериозните потреби на граѓаните, итно и вонредно беше проширен капацитетот за хоспитализација на ковид – пациенти во болницата, со што покрај комплетно опремување и функционалност на новиот, дополнитен ковид центар се реализираа и нови вработувања на медицински персонал - двајца специјалисти инфектолози, доктори специјалисти за интерна медицина, пет доктори по општа медицина и нови 15 медицински сестри. Г-динот Јордан Камчев е директно потребен за реализација на голем број на активности во Болницата, а престрогата мерка притвор е сериозно попречување на секојдневното работење. Целосно ги поддржуваме и охрабруваме сите правни процеси на институциите кои се во насока на донесување на правични судски одлуки. Со оглед на тоа дека за г-динот Камчев се веќе преземени други мерки за обезбедување – одземање на патни исправи и обезбедување со капитал и истите тој во целост безусловно ги почитува и редовно се јавувал на сите покани во судот сметаме дека моменталните мерки кои се применуваат за г-динот Камчев се неразумни и престроги и индиректно влијаат и на вработувањето на повеќе од 1100 луѓе во КБ ,,Аџибадем Систина’’. Бараме, додека судските постапки се сѐ уште во тек, при донесувањето одлуки за г-динот Камчев да се земат во предвид сите овие факти за неговата неопходна присутност во КБ ,,Аџибадем Систина’’.

Камчев спроведен до суд да сведочи за „Меѓународен сојуз“

Ивона Петрова — Thu, 18 Mar 2021 09:51:16 +0000

Во Кривичниот суд Скопје денеска продолжи судењето за предметот „Меѓународен сојуз“. Во судницата е и бизнисменот Јордан Камчев, кој е спроведен од Истражниот затвор во Шуто Оризари каде што издржува 30-дневен притвор. Тој на денешното рочиште треба да даде исказ во својство на сведок. Судијката Софче Ефремова на последното рочиште за овој предмет најави дека денеска покрај Камчев треба да сведочи и Агапи Дика. Обвинети во овој случај се Бојан Јовановски, поранешната пратеничка од редовите на СДСМ, Фросина Ременски, Миле Јовановски, (таткото на прво обвинетиот) и Јасна Мандиќ Ерцеговиќ. Јовановски е обвинет за „измама и перење пари“. Ременски е обвинета за „помагање во делото измама“, Мандиќ за „помагање во измамата и перењето пари“, Миле Јовановски се терети за „помагање во перењето пари“ и за „неовластено изработување, држење, посредување и тргување со оружје“. Како правно лице обвинета е и невладината организација „Меѓународен сојуз“.