Јорданчо Давитков – Kurir.mk

Јорданчо Давитков повторно ќе ја води Ал Кадсија

Бошко Тасиќ — Sat, 06 May 2023 04:53:59 +0000

Поранешниот македонски кошаркарски селектор, Јорданчо Давитков повторно ќе работи надвор од нашата средина и тоа во средина која многу му е добро позната-тоа е тимот на Ал Кадсија. Се работи за клубот од Кувајт кој Давитков го водеше во два периоди од 2008 до 2011 и од 2018 до 2020 година, односно ова ќе биде трет негов мандат. Тој имаше одлични резултати на кормилото на Ал Кадсија, па желбата и амбициите се истите да се повторат и во оваа нова приказна. Инаку Давитков во изминатиов период ја водеше Струмица, а претходно освен во Македонија работеше и во Исланд, Обединетите Арапски Емирати, Бахреин и Романија.

Давитков по 15 години се врати во Македонија

Бошко Тасиќ — Fri, 03 Feb 2023 05:59:24 +0000

Поранешниот македонски кошаркарски селектор, Јорданчо Давитков по 15 години повторно ќе има тренерски ангажман во Македонија, ќе биде тренер на Струмица. Во изминатите години Давитков работеше главно на истокот, во Обединетите Арапски Емирати и Кувајт, а беше и во Исланд. Последна работа во Македонија му беше токму во Струмица. Давитков ќе има тешка задача да остане во најдобрата лига со Струмица која е на последното место на прволигашката табела со само две победи. Своето деби на клупата на Струмица тој ќе го има вече на 5. февруари на гостински терен кај Феникс 2010.

Јорданчо Давитков не е тренер веќе на романскиот Таргу Џиу

Бошко Тасиќ — Mon, 07 Feb 2022 19:00:34 +0000

Македонскиот кошаркарски стратег и некогашен селектор, Јорданчо Давитков, ја заврши својата авантура во романскиот клуб Таргу Џиу, со кого денеска ги раскина договорот. Тимот официјално потврди дека пријателски се разделиле со Давитков и му посакаа успех во понатамошната кариера. Таргу Џиу е во серија од четири порази по ред, а последен меч за Давитков на клупата беше синоќешниот против Динамо Букурешт.

Давитков распали на ФБ по отказот: Антиќ ми рече, не се замарај со „ОВИЕ“!

Предраг Кукиќ — Thu, 19 Sep 2019 15:16:30 +0000

Денес првиот човек на кошаркарската федерација Перо Антиќ објави дека на сегашниот селектор Јорданчо Давитков нема да му биде продолжен договорот. Давитков набрзо после објавата на Антиќ се огласи преку неговиот Фејсбук профил.

ОФИЦИЈАЛНО: Давитков не е повеќе селектор, Македонија ќе има нов предводник!

Предраг Кукиќ — Thu, 19 Sep 2019 12:23:02 +0000

Јорданчо Давитков и официјално не е повеќе селектор на македонската кошаркарска репрезентација. Оваа информација денес ја потврди првиот човек на КФСМ, Перо Антиќ, кој нагласи дека нема да му биде понудена нова соработка на досегашниот предвидник и репрезентацијата во иднина ќе добие нов селектор. Антиќ не сакаше да открие со кои тренери се преговара во овој момент, но напомена дека новиот селектор доаѓа од нашата држава и има големо искуство со водење екипи во странство. Наводно во игра се тројца стратези, а најголема шанса за преземање на селекторското столче има Октај Махмути, кој на свој грб има фантастична интернационална кариера во Анадолу Ефес, Дарушафака, Бенетон, Галатасарај.

Давитков го објави скратениот список за мечот со Косово

Ивона Петрова — Tue, 20 Nov 2018 15:55:21 +0000

Селекторот на кошаркарската репрезентација на Македонија, Јорданчо Давитков, го објави скратениот список на кошаркари повикани за репрезентативните активности кои претстојат кон крајот на месецов. Сениорите, кои веќе имаат две победи од два одиграни натпревари во втората фаза од претквалификациите за Евробаскет 2021, ќе го одиграат третиот натпревар во рамки на вториот прозорец, против Косово на 2. декември во Гевгелија. Сениорите ќе одржат краток собир во Скопје на 28-ми ноември во СЦ „Јане Сандански“ а потоа ќе заминат за Гевгелија каде ќе продолжат со активности до одигрување на натпреварот. Список на повикани кошаркари: Војдан Стојановски Дамјан Стојановски Александар Костоски Дарко Соколов Адем Мекиќ Бобан Стајиќ Андреј Магдевски Димитар Караџовски Марко Симоновски Стојан Ѓуроски Бојан Трајковски Љубомир Младеновски Бојан Крстевски Андреј Маслинко Шејн Витингтон.

Давитков: Очекуваме нова победа против Романија

Ристе Здравков — Sun, 16 Sep 2018 11:08:11 +0000

Репрезентацијата на Македонија ја започна втората фаза од претквалификациите за ЕП 2021 со триумф на гости во Косово.

Екипата на Јорданчо Давитков вечерва излегува против Романија, која е нашиот втор противник во оваа групна фаза. Селекторот изјави дека мора да се има ист пристап како на мечот против Косово, ако сакаме победа, а со тоа да бидеме чекор поблизу до следната фаза.

- После првата победа очекуваме уште една на вториот натпревар од оваа фаза. Ги скениравме Романците овие неколку дена, станува збор за физички, атлетски подготвена екипа, технички не се толку потковани. Во секој случај, ние мораме да одиграме максимално ако сакаме да победиме. Се надевам дека ќе одиграме одбрана слична како во Косово, дека нападот ќе биде подобар и дека со победа ќе бидеме поблиску до следната фаза, потенцира селекторот Давитков, цитиран од МКФ.

Натпреварот ќе започне во 18:15 часот и ќе се одигра во„ВИП“ арената при спортскиот центар „Борис Трајковски“.

Билетите се пуштени во продажба по симболична цена од 100 денари.

Давитков: Заслужено триумфиравме против Косово

Ивона Петрова — Fri, 14 Sep 2018 08:03:19 +0000

Селекторот на кошаркарската репрезентација на Македонија, Јорданчо Давитков по победата над Косово вчеравечер во вториот циклус од претквалификациите за ЕП 2021, изрази задоволство од играта и оцени дека „црвено-жолтите“ заслужено триумфирале. - Ова е значајна победа за овој период од годината и среќни сме поради тоа. Бевме солидни во одбраната, но немавме одговор за Бериша, кој даваше чудни кошеви од далечина. Во финишот мечот неочекувано излезе од контрола, но успеавме да ја задржиме предноста и заслужено да триумфираме. Не сакаме други да одлучуваат за нас, како што тоа беше лани со Косово и Естонија. Сега, за нас следи Романија, а со победа ќе бидеме поблиску до следната фаза од квалификациите, изјави Давитков по мечот. Следниот меч Македонија го игра во недела во Скопје, кога во СЦ „Борис Трајковски“ гостува Романија со почеток од 18:15 часот. МИА

Давитков: Да ја отвориме втората фаза со победа

Ристе Здравков — Thu, 13 Sep 2018 10:32:14 +0000

Селекторот на македонската кошаркарска репрезентација Јорданчо Давитков посакува триумф против Косово на стартот на втората фаза од претквалификациите за Евробаскет 2021. - Секогаш е потешко кога се игра на гостински терен, без разлика дали станува збор за прв натпревар од фаза или последен. Ние ќе мораме да се сконцентрираме и вечерва да прикажеме што подобра игра. Одработивме два тренинга во салата и можам да кажам дека кошаркарите се подготвени. Впрочем и тие неколку кошаркари кои се пожалија на минимални болки на последните неколку тренинзи во Скопје синоќа не пријавија никакви потешкотии. Се ќе биде полесно доколку ја отвориме втората фаза со победа, изјави Давитков з авеб страницата на МКФ. Првото место во групата од првата фаза на претквалификациите на Македонија и ги донесе за ривали селекции на Косово и на Романија. Според распоредот на ФИБА, идентично како во првата фаза, Македонија ја започнува на гостински терен. Натпреварот против Косово ќе започне во 20 часот и 30 минути.

Давитков го објави списокот за втората фаза од квалифиациите за ЕП 2021

Матеја Петровски — Thu, 16 Aug 2018 18:37:01 +0000

Селекторот на кошаркарската репрезентација на Македонија, Јорданчо Давитков денеска го објави списокот на играчи на кои ќе смета за втората фаза од квалификациите за ЕП 2021 година. Давитков го закажа првиот собир на 31 август, со почеток во 20 часот, во СЦ „Јане Сандански“. Македонија за противници ги има селекциите на Косово и на Романија. Првиот дуел ќе го играме на 13 септември на гости против Косово, а три дена подоцна е дуелот со Романија на домашен терен. Список на повикани кошаркари за прв собир: 1. Војдан Стојановски 2. Дамјан Стојановски 3. Александар Костоски 4. Дарко Соколов 5. Адем Мекиќ 6. Бобан Стајиќ 7. Андреј Магдевски 8. Ненад Димитријевиќ 9. Димитар Караџовски 10. Стојан Ѓуроски 11. Предраг Пајиќ 12. Бојан Трајковски 13. Марко Симоновски 14. Кирил Николовски 15. Љубомир Младеновски 16. Бојан Крстевски 17. Андреј Маслинко 18. Ричард Хендрикс 19. Шејн Витингтон. (Миа)